Génesis 21 నుండి ప్రసిద్ధ బైబిల్ శ్లోకాలు

షేర్ చేయి

Abrahamta TAYTA DIOS promitishqannölami Sara qeshyaq rikakurqan.

Ismael waqashqanta wiyarmi Tayta Diospa angilnin jana pasapita qayakamur nirqan: <<¿Imanankitaq, Agar? Ama mansariysu. Wawayki waqaykashqanta Tayta Dios wiyashqami. Kutir wawaykita shoqay. Nirkur amana kachaynasu. Paytapis juk nación rikakushqanyaq mirananpaqmi yanapäshaq>>.

Abraham awkinna kaykaptinpis Tayta Dios jitapashqan killachömi olqu wamrata Sara qeshyakurqan.

Saypitanami Sara nirqan: <<Wawayuq kanäpaq Tayta Dios wilamaptinmi asikurqä. Wakin runakunapis wawayuq kashqäta musyarmi kushikur asikuyanqa.

Saymi Abrahamta Tayta Dios nirqan: <<Suriki Ismaelpaq y ashmayniki warmipaqqa ama lakikuysu. Qamta promitishqäqa suriki Isaacpaq y paypita miraqkunapaqmi kaykan. Sayno kaykaptinqa Sara nishushqaykita ruray.

Ashmaynikipa wawan Ismaeltapis suriki kaptinmi yanapäshaq. Saymi askaman mirar jatun nación rikakunqa>>.