Popular Bible Verses from Génesis 9

షేర్ చేయి

Che' ja'el, Dios tsi' yʌlʌ: “Jiñʌch i yejtal xuc'ul bʌ c t'añ mu' bʌ c wa'chocon ti pejtelel ora yic'otetla yic'ot pejtelel cuxul tac bʌ am bʌ la' wic'ot: Mi cʌc' t'oxja' ti tocal, i yejtalʌch jiñi xuc'ul bʌ c t'añ mu' bʌ cʌq'ueñob jiñi año' bʌ ti pañimil.

Mi caj i tilel t'oxja' ti tocal; mi caj j q'uel cha'añ mic ña'tan xuc'ul bʌ c t'añ tsa' bʌ cʌq'ueyob ti pejtelel ora jiñi cuxul tac bʌ am bʌ ti pañimil.”

“Jiñi mu' bʌ i bec'ben i ch'ich'el wiñic, mi caj i tsʌnsʌntel ja'el, come Dios tsi' mele wiñic ti yejtal.

Dios tsi' yʌq'ue i yutslel i t'añ Noé yic'ot i yalobilob, tsi' su'beyob: “La' tilic la' p'olbal, la' p'ojliquetla, but'ula jiñi pañimil.

Pejtelel cuxul tac bʌ mu' bʌ ti xʌmbal, mi' mejlel la' c'ux, yic'ot ja'el jiñi pimel tac yic'ot yam bʌ i wut lum, mi cʌq'ueñetla ti' pejtelel cha'añ i bʌl la' ñʌc'.

Mi caj i bʌc'ñañetla pejtelel bʌte'el ti pañimil yic'ot pejtelel xwejlel mut, yic'ot pejtelel jʌlʌcña bʌ mi' majlel ti lum, yic'ot chʌy tac am bʌ ti mar; ti pejtelel mi cʌq'ueñetla ti la' wenta.

Pero jatetla la' p'ojliquetla, la' wen p'ojlic la' walobilob. La' bujt'ic pañimil ti la' p'olbal.”