Popular Bible Verses from ꠁꠘ꠆ꠎꠤꠟ ৩: ꠟꠥꠇ 14

షేర్ చేయి

“ꠇꠦꠃ ꠎꠥꠖꠤ ꠀꠝꠣꠞ ꠔꠞꠤꠇꠣꠔ ꠀꠁꠔ ꠌꠣꠄ, ꠔꠦ ꠔꠣꠞ ꠘꠤꠎꠞ ꠝꠣ-ꠛꠣꠚ, ꠛꠃ-ꠛꠣꠁꠌ꠆ꠌꠣ, ꠜꠣꠁ-ꠛꠤꠞꠣꠖꠞ, ꠀꠞ ꠘꠤꠎꠞ ꠎꠣꠘꠞꠦꠅ ꠀꠝꠣꠞ ꠕꠣꠇꠤ ꠢꠥꠞꠥ ꠝꠘꠦ ꠇꠞꠔꠦ ꠅꠁꠛ। ꠀꠞꠘꠣꠄ ꠢꠦ ꠀꠝꠣꠞ ꠃꠝ꠆ꠝꠔ ꠅꠁꠔ ꠙꠣꠞꠔ ꠘꠣꠄ।

ꠎꠦ ꠝꠣꠘꠡꠦ ꠘꠤꠎꠞ ꠖꠥꠈ-ꠇꠡ꠆ꠐꠞ ꠍꠟꠤꠛ ꠇꠣꠘ꠆ꠖꠅ ꠟꠁꠀ ꠀꠝꠣꠞ ꠈꠞꠦ ꠈꠞꠦ ꠞꠄ ꠘꠣ, ꠢꠦ ꠀꠝꠣꠞ ꠃꠝ꠆ꠝꠔ ꠅꠁꠔ ꠙꠣꠞꠦ ꠘꠣ।

ꠀꠍꠟꠦ ꠎꠦ ꠘꠤꠎꠞꠦ ꠛꠠ ꠝꠘꠅ ꠇꠞꠦ, ꠔꠣꠞꠦ ꠢꠥꠞꠥ ꠇꠞꠣ ꠅꠁꠛ। ꠀꠞ ꠎꠦ ꠘꠤꠎꠞꠦ ꠢꠥꠞꠥ ꠝꠘꠅ ꠇꠞꠦ, ꠔꠣꠞꠦ ꠛꠠ ꠇꠞꠣ ꠅꠁꠛ।”

ꠑꠤꠇ ꠅꠃꠟꠣ, ꠔꠥꠝꠞꠣꠞ ꠝꠣꠎꠦ ꠇꠦꠃ ꠎꠥꠖꠤ ꠔꠣꠞ ꠢꠇ꠆ꠇꠟꠔꠣꠞ ꠝꠣꠄꠀ ꠍꠣꠠꠔ ꠘꠣ ꠙꠣꠞꠦ, ꠔꠦ ꠢꠦ ꠀꠝꠣꠞ ꠃꠝ꠆ꠝꠔ ꠅꠁꠔ ꠙꠣꠞꠔ ꠘꠣꠄ।

“ꠔꠥꠝꠞꠣꠞ ꠇꠦꠃ ꠎꠥꠖꠤ ꠃꠌꠣ ꠇꠥꠘꠥ ꠖꠟꠣꠘ ꠛꠣꠘꠣꠁꠔ ꠌꠣꠄ, ꠔꠦ ꠢꠦ ꠙꠄꠟꠣ ꠔꠣꠞ ꠈꠞꠌꠞ ꠢꠤꠡꠣꠛ ꠝꠤꠟꠣꠁꠀ ꠖꠦꠈꠦ, ꠖꠟꠣꠘꠞ ꠇꠣꠝ ꠡꠦꠡ ꠇꠞꠣꠞ ꠟꠣꠉꠤ ꠔꠣꠞ ꠐꠦꠇꠣ ꠀꠍꠦ ꠇꠤ ꠘꠣ। ꠘꠣ ꠅꠁꠟꠦ, ꠁꠀꠘ ꠖꠤꠀ ꠢꠣꠞꠤ ꠇꠣꠝ ꠡꠦꠡ ꠇꠞꠔꠦ ꠘꠣ ꠙꠣꠞꠟꠦ, ꠝꠣꠘꠡꠦ ꠑꠣꠐ꠆ꠐꠣ ꠇꠞꠛꠣ, ꠔꠣꠞꠣ ꠇꠁꠛꠣ, ꠛꠦꠐꠣꠄ ꠖꠟꠣꠘ ꠔꠥꠟꠤꠀ ꠅꠈꠘ ꠡꠦꠡ ꠇꠞꠔ ꠙꠣꠞꠦꠞ ꠘꠣ।

ꠄꠞꠟꠣꠉꠤ ꠔꠥꠝꠤ ꠇꠥꠘꠥ ꠝꠦꠝꠣꠘꠖꠣꠞꠤ ꠇꠞꠔꠦ ꠌꠣꠁꠟꠦ, ꠈꠣꠟꠤ ꠉꠞꠤꠛ ꠝꠣꠘꠥꠡ, ꠀꠔꠥꠞ, ꠀꠘ꠆ꠖꠣ, ꠟꠥꠟꠣ-ꠟꠦꠋꠠꠣꠞꠦ ꠖꠣꠅꠔ ꠖꠤꠅ। ꠄꠞꠣ ꠔ ꠚꠤꠞꠤꠀ ꠔꠥꠝꠣꠞꠦ ꠈꠣꠅꠀꠁꠔ ꠙꠣꠞꠔ ꠘꠣꠄ। ꠄꠔꠦ ꠇꠤꠀꠝꠔꠞ ꠖꠤꠘ ꠔꠥꠝꠤ ꠙꠞꠦꠎꠉꠣꠞ ꠅꠇꠟꠞ ꠟꠉꠦ ꠁꠔꠣꠞ ꠛꠖꠟꠣ ꠙꠣꠁꠛꠣꠄ।”

“ꠘꠥꠘ ꠔ ꠜꠣꠟꠣ ꠎꠤꠘꠤꠡ, ꠅꠁꠟꠦ ꠘꠥꠘꠞ ꠎꠥꠖꠤ ꠡ꠆ꠛꠣꠖ ꠘꠡ꠆ꠐ ꠅꠁꠎꠣꠄ, ꠔꠦ ꠀꠞ ꠘꠥꠘꠔꠣ ꠇꠞꠣ ꠎꠣꠄ ꠘꠤ? ꠁꠔꠣꠖꠤ ꠡꠣꠞꠅ ꠛꠣꠘꠣꠁꠟ ꠎꠣꠄ ꠘꠣ, ꠎꠝꠤꠘꠅ ꠖꠦꠅꠀ ꠎꠣꠄ ꠘꠣ, ꠄꠞꠟꠣꠉꠤ ꠝꠣꠘꠡꠦ ꠁꠔꠣ ꠛꠣꠞꠦ ꠚꠣꠟꠣꠁ ꠖꠦꠁꠘ। ꠢꠥꠘꠣꠞ ꠝꠔ ꠇꠣꠘ ꠎꠣꠞ ꠀꠍꠦ, ꠢꠦ ꠢꠥꠘꠃꠇ।”