ROMAN 1 నుండి ప్రసిద్ధ బైబిల్ శ్లోకాలు

షేర్ చేయి

Ngo tugu pui gab hvnyw bos maadwn. Hoggab soq si Pwnbog mwwjwbo nyi tulu mwlwngam ywwnan atorv, otuqcob Juhudi ho Nyoodo nyiingam.

Hoggab Pwnbog tugu puiyv hoggub nyil nyiam mwwg lvgab nyil swwm dvb mwwdwn ham kaakin dvn. Soq si mwwjwko aro gab nyirab hoqgv nyinya namgob doodwn. Dvrwqbo potangv bedwn. Hiyv nyi akgon Pwnbog lvgab swwd nyiloqkam mwwg mwwjw ko-gab swwtayin.

Pwnbov gvda gvt sam pwda yik hoqgv mwam kaapa lamanamv mwwg nwrba cwtam ator rvla mwwg dvrwqnam mam kaadar cekar dvb kaapanum. Nyiv Pwnbog pwnam mam kaatwl mwwjw dvb nyidwn. Hoqgab bulv bepaqko pagoq akukam dooma.

Bulv Pwnboam cengdwn, hvbmabde bulv mwam xidy paqdy sam mwam xima dvn ho mwam paqkam maadwn. Hvbmabde mwv bulug hang mwwnamv hog niqtuq doomab nyidkun ho bulug hang urangam kanv putw paqtwl doodkun.

Bulv Pwnbog jvqtw pagoqkam xaalyo gob kwly naadwn. Bulv nwrba gob paqdynam Pwnboam xumab, Pwnbog pwnam yaangam bulv xumnv hoqgab bon nyidwn; Amen.

Pwnbog hang, lengnam ao gvda toloqgv nyic nyil nyi almab nyinbo ho nyic jvqtwngam cem mvmab betambo nyi mwlwg aoho ipoqnam mam kaakin do.

Hoqgab Pwnbov bulam hvnyw-har nyipanam hangam jinum. Nyemv nyegangam nyol naamab nyem orum yaangam nywxw-nyol naamin sunum. Hoq hvbkalam nyegangv nyem mam nvvnw maab nyega orum yaangam hvnyw-har doomab nywxw-nyol hvb nvvnw minsnum. Soq sib nyia kov hvnyw-har dookmab bulug pengko ho nyimin sunum, hoo hvb nyigam gab bulv laqm baqnum. Nyiv Pwnbog jvqtw gonam mwwgab maab hangho apdvb haqgam gab mwam sur nyiib hang baqm dvb jinum hoqgab bulv nyis maaiyam nyikar dvn.

Bulv bedwn, ngulv damn bov, hvbmabde bulv paca ngviya sulak. Hvbsujaqkam nywywngam sima bo Pwnboam xumab bulv nyi sin boam, pvtangam, sudum svram, ho tvb-tapeq kam kvvyw-tac dvb mvnam mam xumdwn.