Mateo 4 నుండి ప్రసిద్ధ బైబిల్ శ్లోకాలు

షేర్ చేయి

Nambung si Isa, paꞌinne, “Tasulat dem kitab, pinaꞌin, ‘Dumaꞌin hadja kinakan makaꞌellum manusiyaꞌin saguwaꞌ iye makaꞌellum manusiyaꞌin meꞌ bissā Tuhanin.’ ”

Paꞌin si Isa, “Tahalaꞌ kew, seyitan, peggeꞌ tasulat dem kitab, pinaꞌin, ‘Subey kaꞌam pasujud si Tuhan Panuhutanbin duk subey hadja iye dendangan sinambahayangbin.’ ”

Paꞌin si Isa, “Niyaꞌ isab tasulat sa inin, ‘Daꞌa suleyanun Tuhanin, Panuhutannun.’ ”

Manjari binoꞌo si Isa weꞌ Niyawa Sutsihin hap lahat makagindew-gindew supaya iye tasassat weꞌ nakuraꞌ seyitanin. Paglaꞌi si Isa gaꞌ iye mangan ampatpūꞌ ellew duk ampatpūꞌ sangem. Pagpuwas miyaꞌan inusan ne iye.

Manjari paꞌin si Isa si siye, “Dayiꞌ kaꞌam nuhut aku. Bahanbin mageddoꞌ-eddoꞌ kenna. Saguwaꞌ bang kaꞌam nuhut aku, toloꞌante kaꞌam mageddoꞌ-eddoꞌ aꞌa pinatuhut si aku.” Magtawus inambanan weꞌ de meꞌ pokotden duk nuhut siye si Isa.

Manjari inin, magtagnaꞌ ne si Isa magmahalayak, paꞌinne, “Pagsusunanun bi dusebin duk lebbahanun bi ne, peggeꞌ sōng pitu Tuhanin magbayaꞌ si kite bi.”