Popular Bible Verses from Yh 10

షేర్ చేయి

Kawalala oyingowelela kuyiŵa, kupaya noceneka. Koma newo niwelela kuti mbelele zala ziŵe na moyo, moyo wake unyinji.

“Newo nine ciŵeta muweme. Ciŵeta muweme otaya moyo wake kuti apulumushe mbelele zake.

Mbelele zangu zikumvwa malizu ŵangu. Newo nuziziŵa, nipo zunikonkha.

Nuzipa moyo wosasila, nipo zutayikalini, paliye munthu watiazeazitole mu manja mwangu.

Mulyango ni newo. Munthu akaloŵela pa newo, azeapulumuke. Azeawoloŵa nofuma, nipo azefwane vakulya.

Ciŵeta muweme ni newo. Mbelele zangu nuziziŵa, nipo zeve newo zuniziŵa

Atata enipa mbelele zala opula wonse, nipo paliye angatweshe kuzitola mu manja mwawo. Newo na Atata nise ŵamo.”

ngani mwakuniziŵila Atata, nane soti niye mwanuziŵila Atata ŵala. Nutayilapo moyo wangu pa mbelele zala.

Paliye munthu anganipoke moyo wangu uyu, koma nuwutwala neka. Nili nazo mphamvu zoutaya moyo wangu, nili nazo soti mphamvu zoutola. Ici niye cecinilamulila kucita Atata.”

Lomba Yesu elaŵila soti kuti, “Ni vyendi kuti newo nine mulyango wa mbelele.”

Koma wolembewa nchito tyala akawona mmbulu ukuza, osiya mbelele zala yeve nowutuka. Ocita tetyo pakuti ni ciŵetalini ngaye–ngaye, nipo mbelele ni zakelini yayi. Lomba mmbulu wala ukatapo ziyakine, ziyakine nomwazyikana.

“Munthu oloŵa mu ciŵaya ca mbelele cosaloŵela pa mulyango, koma kucitokwelela payakine, uyo ni kawalala na nyankapondo.