ᐅᐸᓓᑭᔅ ᒫᑎᐤ 3
3
ᒑᓐ ᐅᓯᑲᐋᑖᑫᐤ ᐁ ᑲᑫᔅᑭᒥᐌᑦ
(ᒫᕐᒃ 1:1–8; ᓘᒃ 3:1–18; ᒑᓐ 1:19–28)
1ᒣᑾᒡ ᐊᓂᐃ ᑭᔑᑲᐗ ᑮ ᑕᑯᔑᓐ ᒑᓐ ᐅᓯᑲᐋᑖᑫᐤ ᐁ ᑲᑫᔅᑭᒥᐌᑦ ᐸᑾᑕᔅᑲᒥᑳᒃ ᒎᑎᐊᐃᒃ, 2ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮ 3ᐌᓴ ᐁᐗᒃ ᐊᐗ ᑳ ᑮ ᑎᐹᒋᒥᑯᑦ ᐅᑭᔅᑭᐙᐃᑫᐗ ᐋᐃᓭᔭᐗ, ᐁ ᐃᑗᓕᒋ, ᐅ ᐯᑖᑯᓯᐎᓐ ᐯᔭᒃ ᐁ ᑌᐺᑦ ᐸᑾᑕᔅᑲᒥᑳᒃ, ᐋᔦᔅᑲᐎᑕᒸᒃ ᑫ ᐃᔑ ᐯᒋ ᐃᑐᑌᑦ ᐅᑎᐯᓕᒋᑫᐤ, ᒀᔭᔅᑯᒧᑕᐙᒃ ᐅ ᒣᔅᑲᓇᐗ᙮
4ᐁᐗᒃ ᐊᐗ ᒑᓐ ᑮ ᐅᒋᐎᓛᒋᑲᓂᐤ ᑳᒥᓪ ᐅᐱᐌᔭ, ᑮ ᐸᑾᑌᐅ ᒫᑲ ᐸᔅᑴᑭᓐ ᐸᑾᑌᐅᓂᓕᐤ, ᓀᔥᑕ ᒀᒀᐱᔑᔥ ᓀᔥᑕ ᐋᒧ ᔔᑳᓕᐤ ᑮ ᐅᒥᒋᒥᒥᐤ᙮ 5ᐁᑯ ᒫᑲ ᐱᐁᒋ ᓈᑎᑯᑦ ᒥᓯᐌ ᒋᕉᓴᓚᒥᒃ ᑳ ᐃᑖᓕᒋ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᒥᓯᐌ ᐊᓂᒪ ᐊᔅᑮᒃ ᐙᔅᑲ ᒐᕐᑕᓂᒃ, 6ᑮ ᓯᑲᐋᑕᐌᐗᒃ ᒫᑲ ᒐᕐᑕᓂᒃ, ᐁ ᐙᐎᑕᒥᓕᒋ ᐅ ᒪᒋᑐᑕᒧᐎᓂᓕᐗ᙮
7ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ? 8ᓄᑯᑖᒃ ᐃᓴ ᐁ ᐃᔑ ᒥᓂᔑᐗᒃ ᑴᔅᑳᑎᓯᐎᓐ: 9ᐁᑳᐎᓚ ᒫᑲ ᐃᑌᓕᑕᒧᒃ ᑭᒋ ᐃᑎᑎᓱᔦᒃ, ᓂᑦ ᐋᔮᐙᓈᓐ ᐁᑉᕃᐋᒻ ᐁ ᐅᑖᐎᔮᒃ: ᐌᓴ ᑭᑦ ᐃᑎᓇᐗᐤ, ᑭᒋᒪᓂᑐ ᐁ ᑲᔥᑭᑖᑦ ᐅᐅ ᐊᓯᓂᔭ ᑭᒋ ᐅᒋ ᐅᑕᐙᔑᒥᔑᑲᐙᑦ ᐁᑉᕃᐊᒪ᙮ 10ᐊᓄᒡ ᒫᑲ ᐊᓯᒋ ᒋᑲᐃᑲᓐ ᐃᑖᓂᑳᑌᐤ ᐁ ᐅᒉᐱᑭᐎᒋᒃ ᒥᔅᑎᑾᒃ; ᐁᐗᑯ ᐅᒋ ᒥᓯᐌ ᑕᑐ ᒥᔅᑎᒃ ᐁᑳ ᑳ ᓂᑖᐎᑭᑖᑦ ᒥᓗᒥᓇ, ᑳᐙᐙᑲᓂᐎᐤ, ᒪᒎᔅᑌᐌᐱᓈᑲᓂᐎᐤ ᒫᑲ᙮ 11ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮ 12ᐅ ᐺᔮᔅᒋᒋᑲᓐ ᑕᑯᓇᒻ ᐅᒋᒌᒃ, ᒥᑐᓂ ᒫᑲ ᑲᑕ ᐹᔦᑭᑕᐤ ᐃᑕ ᐁ ᐃᔑ ᐸᑭᑎᓂᒪᒋ ᐅ ᐸᑴᔑᑲᓂᒥᓇ, ᑲᑕ ᒪᐗᒋᑕᐤ ᒫᑲ ᐅ ᐸᑴᔑᑲᓂᒥᓇ ᐅ ᐸᑴᔑᑲᓂᑲᒥᑯᒃ, ᑲᑕ ᐃᔅᒀᓴᒻ ᒫᑲ ᓯᑲᐌᐸᓕᒋᑲᓂᓕᐤ ᐃᔥᑯᑌᒃ ᐁᑳ ᑫ ᐋᔅᑕᐌᓕᒃ᙮
ᒋᓴᔅ ᐁ ᓯᑲᐋᑕᐗᑲᓂᐎᑦ
(ᒫᕐᒃ 1:9–11; ᓘᒃ 3:21–22)
13ᐁᑯ ᒋᓴᔅ ᑌᑯᔑᒃ ᒐᕐᑕᓂᒃ ᑳᓕᓖᒃ ᐁ ᐅᑐᑌᑦ, ᐁ ᓈᑖᑦ ᒑᓇ, ᑭᒋ ᓯᑲᐋᑖᑯᑦ᙮ 14ᒑᓐ ᒫᑲ ᑮ ᑭᑕᐊᒪᐌᐤ, ᐁ ᐃᑗᑦ, ᑭᓚ ᑭ ᑳ ᓯᑲᐋᑖᐎᑖᔾ, ᓂᓚ ᓈ ᒫᑲ ᑭ ᐯᒋ ᓈᔑᓐ?
15ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑳᔮᒻ ᐁᑯᔑ ᑲᑕ ᐃᑭᓐ; ᐌᓴ ᐁᑯ ᐁᔑ ᓇᑕᐌᓕᑖᑯᓯᔭᒃ ᑭᒋ ᑎᐱᑐᑕᒪᒃ ᒥᓯᐌ ᒀᔭᔅᑭᑖᑎᓯᐎᓐ᙮ ᐁᑯ ᑎᐋᐺᑖᐙᑦ᙮
16ᒋᓴᔅ ᒫᑲ, ᐃᔅᐱ ᑳ ᑮ ᓯᑲᐋᑕᐙᑲᓂᐎᑦ, ᑣᔦᒃ ᑮ ᑲᐸᐤ; ᒫᑎᑲ ᒫᑲ, ᑭᒋᑭᔑᒃ ᑮ ᐹᔅᑭᑌᐸᓕᓕᐤ, ᑮ ᐙᐸᒥᒣᐤ ᒫᑲ ᑭᒋᒪᓂᑐ ᐅᑦ ᐊᒑᑾ ᐁ ᐸᑭᒋᓕᒋ ᑖᐱᔅᑯᒡ ᐅᒥᒦᒃ ᐁ ᐃᔑᓈᑯᓕᒋ, ᓀᔥᑕ ᐁ ᑗᐅᑖᑯᑦ: 17ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮
தற்சமயம் தேர்ந்தெடுக்கப்பட்டது:
ᐅᐸᓓᑭᔅ ᒫᑎᐤ 3: MCNT91
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
The text of the Bible in Moose Cree is in the public domain.
Moose Cree New Testament © Canadian Bible Society, 1991.
