Zona 2
2
Vinarvara ta Zona
1Pakorap igan Zona, vavara lago Zona pan Zihova no Bangara. 2Nabe aia:
<<Pakorapan qu pinatianga ui atu rai Zihova,
bet' olangi aia rai,
pakorapan popomunu, ui atu rai gumi tokanau,
beti lemoni goi qu ngire.
3Okin gore nau goi pa kolgea,
pa kaurun kolhivoko,
pogos' vilor' lago maini totolo rai;
dogur' mu bogusu poraka
opotabu rai.
4Nabe rai,
<ilolo rai pa kekenumu,
ba kate ome mule atu rai goi
pa mu gugusu tuva.>
5Varvigoson kolo vamalagu rai,
kolgea varvigosi rai;
kukuli viqusi batungu.
6Pa agaran kukubo durur gore rai;
pa kaurun soloso tasado rai.
Ba saput' mule goi rai pa minate,
kei Zihova qu Bangara.
7Gogoton tata mate rai,
oru rai goi, Zihova,
beti sage atu qu vinarvara pam goi,
pa mu gugus tuvana.
8Ria ia tamin babaroso padi beku,
kate sianani ria vinarsevi, ia panda bet garo ta ria.
9Ba rai, turang kinera vinahesi,
kate vuvukihi sage atu pam goi,
saga qu vintatara, ke tavet valeani rai.
Hinarupu main pan Zihova.>>
10Beti, oli Zihova igana ia, beti lua kakahi igan ia Zona pa tatapirin pa ninive.
தற்சமயம் தேர்ந்தெடுக்கப்பட்டது:
Zona 2: NKE
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2024, Islands Bible Ministries. All rights reserved.