Matteyo 1
1
Hohonyok Yesu Kristo
Lk 3:23-38
1Igyoroni jyo abuk ana afureta huno hohonyok Yesu Kristo lonyi Davide. Ara fe inyi lonyi Abramo.
2Ara Abramo monye Isako, Isako monye Yakobo, Yakobo monye Yuda iko illarak honyi. 3Ara Yuda monye Perese iko Sera bwo ŋorwoi Yuda Tamara, Perese monye Eserone, Eserone monye Rama, 4Rama monye Aminadaba, Aminadaba monye Nasona, Nasona monye Salamone. 5Ara Salamone monye Boasa bwo ŋorwoi Salamone Rahaba. Ara Boasa monye Obede bwo ŋorwoi Boasa Ruta. Ara Obede monye Yese, 6bwo fe Yese monye hobu Davide.
Ara Davide monye Solomone bwo ŋorwoi Davide ara nya ŋorwoi Uriya. 7Ara Solomone monye Rabama, Rabama monye Abiya, Abiya monye Asa, 8Asa monye Yosafata, Yosafata monye Yorama, Yorama monye Usiya, 9Usiya monye Yotama, Yotama monye Ahasa, Ahasa monye Hesekia, 10Hesekia monye Manase, Manase monye Amosa, Amosa monye Josia. 11Ara Josia monye Yekonya iko illarak honyi iholoŋ inya anyarai laati Israele ifau Babolona.
12Ihalu anyaro hosi Babolona, ara Yekonya monye Salatiele, Salatiele monye Serubabele, 13Serubabele monye Abiuda, Abiuda monye Elayakima, Elayakima monye Asora, 14Asora monye Sadoka, Sadoka monye Akimi, Akimi monye Eliyuda, 15Eliyuda monye Elasara, Elasara monye Matana, Matana monye Yakobo. 16Ara Yakobo monye Yosefo habi Maria. Inyi honye Yesu al iloŋoi Kristo.
17Tania awoi daŋ hulo Abramo many jyo Davide arai nya awoi ’tomon haŋwan. Jyo awoi hulo Davide many iholoŋ an anyarik laati Babolona arai nya awoi ’tomon haŋwan. Bwo fe to oloŋ an anyarik laati Babolona many iholoŋ an isiunierek Kristo arai nya awoi ’tomon haŋwan.
Esiuna ono Yesu Kristo
Lk 2:1-7
18Ara nya esiuna ono Kristo ihwa ana. Iruk honyonyi Maria Yosefo ayama inyi ati hobeŋi isi ottironie ahwattek hosi, oyedu inyi ta adwaran ono Oloyiri ol Olibo. 19Ojo habi honyi Yosefo apyaharo jihonyi dee nyo ara nya inyi atulo ol oniŋyo’to Hollum. Obeŋ bwo fe inyi awak itanyahina Maria ariri. 20Igigilo inyi erre huna. Ta arwe ottu anjelo olo Hobu jihonyi ta arigya ette jaran, Yosefo lonyi Davide, hebaŋ ayama Maria ŋorwoi hoi, nyo eito ol oyedu inyi oyedu inyi ta adwaran ono Oloyiri ol Olibo. 21Isiu adi inyi leito, bwo ifurak adi iye inyi Yesu nyo italahu adi inyi aati honyi t’eyyata hosi. 22Idwoŋi erre huna daŋ itasiruniere ekyana ono Hobu inya ikyanari inyi jyo eyani sayyo jo,
23“Oyedu adi odwoti ette isiuna lonyi honyi.
Ifurani adi inyi Imanuele,”
an ojo, owon Hollum jihohoi. 24Ahenyu Yosefo ette ihanio ihwa ifak anjelo olo Hobu inyi, ette iyaro ŋorwoi honyi ihaji honyi. 25Ati obeŋ bu inyi ojotoi ikonyi many isiuniere inyi lonyi honyi, ette Yosefo ifurana inyi Yesu.
தற்சமயம் தேர்ந்தெடுக்கப்பட்டது:
Matteyo 1: LOT1969
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
This text was originally published by the British and Foreign Bible Society in 1969.
