Tegagia 12
12
I Burama pinoboi
12:1-9
1 #
Tin. 7:2-3; Ibr. 11:8 Mepau Iramo i Ue ndi Burahima, ”Lakomo inso i witamu, inso a mpepaekompomu ka inso a rahano amamu i wita anu Aku tumisoakomu. 2Aku weweuko gagi tongku anu langkai, rumonsoko, saru weweuo neemu telele, ka omue kogagi ronso.
3 #
Gal. 3:8
Aku rumonso ira mia anu rumonsoko, ka tumotonaa ira mia anu tumotonaako, ka hangano omue luwuno suku i wawontolino ira mpohawe ronso.”
4Ka i'amba lumakoomo i Burama kana anu pinau-Do i Ue ndi onae, ka i Lo'oti mbo'u metonda meronga onae. Tinuwuno i Burama pitu pulu ka olima nta'u tempono i pelungka inso i kota Harani. 5I Burama wawao i Sarai, beineno, i Lo'oti, anano pepaekompono, ka luwuno arataa anu pinumpudo ka luwuno mia anu hinawedo i kota Harani. Ondae mpelungka melako i wita Kana'a, ka do'amba mehawe i ra'ai.
6I Burama melempa lumaloo wita atuu hawe i asa po'ianga umpeda i Sikemi, a ngkeu tarabanti i More. Tempo atuu to Kana'a mpo'ia i wita atuu.
7 #
Tin. 7:5; Gal. 3:16 Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae. 8Ka i'amba inso i tu'ai onae melimba a mentorukuno i sabaano oleo Beteli. Ipasao kemano i olono Beteli i sumooano oleo ka kota Ai i sabaano oleo. Ka i'amba i tu'ai iwanguo meda pontunua pesomba ndi Ondae i Ue ka moboio nee-Do i Ue. 9Umarino atuu i Burama melungka ka melempa motilalo lumako i wita Nege.
I Burama i Masiri
12:10-20
10Tempono hinao mokoninggoa i wita atuu, i Burama lumako i Masiri ta mo'ia i ra'ai gagi mia hawe, hangano mokoninggoa i wita atuu mongkokodoito. 11I tempono onae ta mewinso i Masiri, ipotaeakono i Sarai, beineno, ”Kuto'orio, nine omue asa beine anu tekosi. 12Tewala domengkitako to Masiri, ira mpotae: Beineno atuu. Ka i'amba ira mpepate aku ka dompo'ineeko tuwu. 13#Teg. 20:2; 26:7Potaemo nine omue uaiku, ka domengkita aku koa moiko hangano omue, ka ongkue pino'inee tuwu, hangano omue.” 14Tempono i Burama mewinso i Masiri, to Masiri mengkitao nine beine atuu tedoa tekosi. 15Luwuno anu langkai potorono ndi Pirao mengkitao i Sarai, ka do'amba me'unde-undeo i arono i Pirao. Beine atuu winawa a langkanaeno. 16I Pirao tumotowoo moiko i Burama hangano beine atuu. I Burama mohawe asa bawaa bembe bimba, sapi, kalide lakino, ata tama ka beine, kalide waino ka unta. 17Sine Ondae i Ue mompotii pohuku anu langkai ndi Pirao ka luwuno ihino langkanaeno, hangano i Sarai, beineno i Burama atuu. 18Ka i'amba i Pirao moboio i Burama, ka ipotae, ”Hapake anu wineweumu andio ndi ongkue? Tembio nahi upauo nine onae beinemu? 19Tembio ka upotae, ’Onae uaimu,’ ranta ka ku'alao gagi beineku? Kanandio-andio, ndiomo beinemu, alao ka lakomo!” 20Ka i'amba i Pirao parentao ba opia mia lumako wawao i Burama saru beineno ka luwuno arataano.
தற்சமயம் தேர்ந்தெடுக்கப்பட்டது:
Tegagia 12: XMZ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
LAI 2021