Mataio 11
11
1Una awkia voa Iesu oailiaka’ane Una aivara 12 eiai, uku voa ipawkiai, omoro kuruai ane, pai’iri pai’iri ai, U ave’enave.
2Piria marea laru ai Ioane uru viriaka’ane uku Keriso onu iaki eiai, uku Iesu voa veve’eai una aivara varomo u ekaivirinave,
3Oro erau voa veve’enave, Ni kurua a’a ana u aneliviai anelia, a’a e ana enei aioiaka‐pokoiai limakina?
4Iesu erau voa kuruenave, Enara, Ioane awkira, uku awku noro inamu‐oina, virina ane:
5Inamu‐apua a’a omo emai mi’ina, are eko’eko a’a are rokona, apa‐auma a’a urupu‐eiakeina, keporo namau a’a virina, imua a’a rokoa la‐ekavakeina, rurupu a’a eiai Iva Voa omoro kuruakeina.
6A’a ane u aua’avapea, aravapea, Nai eiai, u kopai keina.
7Ioane enu iva a’a enavaka’ane Iesu a’a aruru erau voa kuruenave Ioane eiai, Noro kekepere ai eleaka’ane inamu‐oiamaoi’e? ui ana kavaea poroporo‐awkavakeina?
8Inamu‐oiamaoi’e noro elenave? A’a ana a’a kape vapara lukiakeina? Akoi’i, oro a’a kape vapara lukina oro amua a’a anu marea laru ai pokoina.
9Oi uku ana noro eleaka? Laikorava a’a inamu‐amaoi’e? Lia, Nai nakina, kurua a’a laikorava a’a upa mere are’eakeina.
10Uku ei a’a u ane u eiai ei voa kikiriakeina, Akoi’i, Na iva a’a Nai okaivirina Ni paku ai, Ni kapea u ponolia?-?kana Ni paku ai.
11Nai kurunaina kapoi, A’a uriria a’e mere kiniakei’inave a’a kapeo ei a’a upa mere are’eakeina u Ioane Bapatiso epe’epe keina: a pani muku eiei inu a’a mau’u Ioane Bapatiso upa mere are’eakeina.
12Ioane Bapatiso onu pani mere anea’anea eai pani muku eiei iara‐awkavakeina, iara a’a ei Eiei no’ovea‐a’?-?akimakeia’ane euna.
13Uku laikorava a’a uriria, Vupu ane, ipawkinave anea’anea Ioane enu pani ai.
14Noro ei voa pirimaroakoai umuliane, Ei a’a kurua Elisaia u ane u aneliviai anelia.
15Keporo‐mia a’a e, u virinamoki.
16Ei eai kiri a’a Nai oiamamikirimau? Oro ukua mere mikirina pai’iri kanikara ai papa’amakina, omo lupa kaupu oro erau voa laea‐elaumakina,
17Enei awvi‐awka’ane euna noro eiai, noro ekeliape; enei awni mu’u mailau awka’?-?ane euna, nomo ukari noro vakiape.
18Uku Ioane anenave u pei, ere ane, a‐na’amakei’?-?inavea, Oro erau voa kuruna, U avaea‐lipi mi’ina.
19A’a anu Mere anenave U pei, ere ane, na’amakei’inave, Oro erau voa kuruna, Akoi’i, ei vaki pei omoi vaki, moni akoa a’a, ewaea a’a anu’a’a ane. Lai evera anu opara lai evera evere’ena.
20Pai’iri oro laru ai Una iva iaki aila liakei’inave U voa ekinave uku oro lai a‐urukinavea.
21Au’a, Korasi e, Au’a, Betesaida e, iva iaki‐oro Tira ai, Sidona ai, liaka livilia norere ai liakei’inave orere eni pani lai urukinave, omo kape oro kae, oporo ane, kikiaka.
22Nai kurunaina, Voa vevea anu lare ai Tira, Sidona ane, iara kavani mau’u miakana, iara kavani ovara noro miakana.
23Ni awku Kaperanauma e, ni pani muku ai are’eakeina, Hade ai ni liliakana: iva iaki‐oro Sodoma ai liaka livilia ni ai liakeia’ane euna, kurua pai’iri uakeiaka anea’anea ei pani ai.
24Nai kurunaina, Voa vevea anu lare ai Sodoma iara kavani mau’u miakana, a ni iara kavani ovara miakana.
25Ei pani ai Iesu erau voa araro kurunave, Nai kopai‐nikana Mai e, pani muku unu Amua, pani va’au unu Amua ane, uku ei awku Ni vaua’ekava’ane euna lai evera a’a‐oro mere, upi‐oro ei awku Ni ipekiane euna,
26Lia, Mai e, uku Ni veruku lai orau Ni evere’eane euna.
27I Na Mai awku uriria ikuakeia’ane euna, a’a kapeo Mere iki ipali’ina, Mai e U ipali’ina kapoi, Mai awku a’a kapeo U iki ipali’ina, Mere e U ipali’ina kapoi, oro uriria awku Mere umuli’ina Mai ipekiai.
28Noro uriria e iaki‐lima?-?kina, paua mu’u vakarumakina ane, Nai ai anene, noro laikaiai Nai evere’eakana.
29Na paua vakaruai noro pai‐ikane, Na opara awku noro auawmi’ine; uku Nai umu, kekepa ane, keina, nomo imunu‐oro eiai noro laikaiai mako auiakana.
30Uku Na paua awpono keina, paraka ane keina.
தற்சமயம் தேர்ந்தெடுக்கப்பட்டது:
Mataio 11: IAR1920
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Published by the British and Foreign Bible Society in 1920.
