Matí Injíl 8
8
VIII. HASHTUMÍ BÁB.
1Yesu azẖ kohá buná irkhapta guḍá báze mard áṉhí phaḏẖá shuḏẖag̱ẖant. 2Yak dánag̱ẖe mardá áḵẖto sijda khuṯẖo gwashta ki, Yá Huḏẖáwand, írge thai saláh bí, thau maná duráh khuṯẖa khanai. 3Guḍá dast drázẖ khuṯẖo laiṯẖo, gwashtai hacho mai marzí asti; duráh bí. Yabará dánag̱ẖ duráh bíṯẖa. 4Yesuá gwashta ki khasear hawí hál na de; káhinar waṯẖí jindá shomde, sháhidí sángá naḏẖar irkhan, cho ki Musá hukm dáṯẖa.
5Guḍá Kafarnáhum shahrá shuḏẖa, yak subadáreá áḵẖto minnat khuṯẖa ki, 6Yá Huḏẖáwand, mai ambráh log̱ẖá náduráh bíṯẖa, sakhia dukhi bíṯẖa. 7Gwashtai ma kháṉ áṉhiar duráh khanáṉ. 8Súbadárá waldá dáṯẖo gwashta ki, Huḏẖáwand maní, ma laik neán ki thau mai log̱ẖá khai; gálware gwash, guḍá mai ambráh duráh bi, ki maná sardar hukm dá, ma de sipáhíar hukm deáṉ; 9eshiar ma gusháṉ baro, guḍá ro; thihar gushán biyá guḍá khai; waṯẖí ambráhar hawi kár khan, guḍá khat. 10Yesuá ashkhuṯẖo hairán bíṯẖo hawán mardar ki goṉ shuḏẖag̱ẖant, gwashta ki írge ímán Israel neáṉwáṉ ma mundo na díṯẖa. 11Ma shuár gusháṉ ki báz mard khánt azẖ rosh ásáná, azẖ írshafá, go Ibrahím, Ishák, Yákúb phajiá Huḏẖá ráj neáṉwáṉ nindant; 12bádsháhat bachh dará rawant tahárá; hawoḏẖa greant, datháṉ drushainant. 13Yesu subadárar gwashta ki log̱ẖá baro, cho ki thau ímán dáshta, írge thai saláh phílav bí. Ambráh hawáṉ waktá duráh bíṯẖa.
14Yesuá Patrus log̱ẖá áḵẖto, áṉhí wasiar díṯẖa ki tapá giptai. 15Dast laiṯẖai tap shuḏẖa; guḍá zálá kharo bíṯẖo áṉhí khizmat khuṯẖa. 16Begáhá gwar áṉhí báz mard árthag̱ẖant ki azẖ bad‐ruhá pur bíṯẖag̱ẖant Gálwar gwashto ruh khashtai; thewag̱ẖe náduráhe mardar, duráh khuṯẖai, ki hawáṉ gálwar phílav bí, 17ki Yasaiyáh nabíá gwashta, ki waṯẖí jindá mai náduráhí gipta, mai sáṉgá dukhí bíṯẖa.
18Yesuá báze mard nazík díṯẖo hukm dáṯẖa, ki hawáṉ phalwá má rawúṉ. 19Guḍá ya shará likhoḵẖá áḵẖto gwashta ki, wázẖa mani, ma thai phaḏẖá juzán har handá ki thau juzí. 20Yesuá gwashta ki rophask sángá hodant, murg̱ẖ sáṉgá kuḏẖáníant; Ádam Bachh sáṉgá hand hechi nesti ki hawoḏẖa wafsí. 21Duhmí shágirdá gwashta ki, Huḏẖáwand mani, pheshá maná mokal de ki rawáṉ, waṯẖí phiṯẖá purán. 22Guḍá Yesuá gwashta ki thau mai phaḏẖá beyá: murdag̱ẖ waṯẖí murdag̱ẖá purant.
23-24Yesu go waṯẖí shágirdá berí chaka chaṛṯẖa. Guḍá dirrá shir o wáchar phajiá khapta, ki berí lahrá buḍag̱ẖe: Yesu wafsag̱ẖaṯẖ. 25Guḍá áḵẖto áṉhiar hág̱ẖá khuṯẖo gwashtaish ki, Yá Huḏẖáwand, márá darbar; má mirún. 26Gwashtai ki shá pachi tursag̱ẖe, be‐ímán? Guḍá kharo bíṯẖo gwáṯẖar de dirrar de mana khuṯẖa, sakhiá árám bíṯẖa. 27Mardá hairán bíṯẖo gwashta ki thán range mard haweshe, ki gwáṯẖ de dirrá de áṉhi gwashtai girant?
28Guḍá sháṉbará áḵẖto Gadaríní dehá, go do mardá goṉ khaptai ki azẖ bad‐rúhá pur bíṯẖag̱ẖant. Azẖ goristáná darkhaptag̱ẖant. Sakhiá trund aṯẖant ki khase hawoḏẖa gwasta na khuṯẖa. 29Guḍá gwánkh jaṯẖo gwastaish ki, go thau mai chih kár bí, yá Huḏẖá Bachh? Thau eḏẖá áḵẖta mai dukh khanag̱ẖá, pheshá ki dukh welá khai? 30Dírá báz híḵẖ charag̱ẖaṯẖant. 31Guḍá bad‐rúhá minnat khuṯẖa ki thau márá khashí, híḵẖ neáṉwáṉ dem̱vde. 32Gwashtai baroe: guḍá thewag̱ẖe híḵẖ thálángá thaḵẖthag̱ẖant, dirrá buḍaṯẖant. 33Mardá, ki chárnag̱ẖaṯẖant shahrá shuḏẖo thewag̱ẖe hál dáṯẖa, ki hawán mardár hacho hál bíṯẖa, ki azẖ bad‐rúhá pur bíṯẖag̱ẖant. 34Guḍá shahrá thewag̱ẖe nindoḵẖá Yesu gurá áḵẖto dítho, minnat khutha ki azẖ mai dehá baro.
தற்சமயம் தேர்ந்தெடுக்கப்பட்டது:
Matí Injíl 8: BGPRMAT
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Published in 1884 for the Punjab Bible Society.
