Matí Injíl 6
6
VI. SHASHUMÍ BÁB.
1Shíwar bíe ki waṯẖí hairáṯẖ mardom dem̱vá soád sángá ma khane: hacho khane, guḍá shai Phiṯẖ ki bihishtá asti inám hechi na dá.
2Waktá ki thau hairáṯẖ khanai, waṯẖí dem̱vá soád ma khan, cho ki riyáí‐khanoḵẖ Huḏẖá‐log̱ẖá de bázárá de khanant, ki mardom dem̱vá áṉhání nám mazan bí. 3Ma ráste gusháṉ ki áṉhání waṯẖí inám gipta. Waktá ki thau hairáṯẖ khanai, thai chappe dast sahíh na bí, ki ráste dast chih khat, ki thai hairáṯẖ likí. 4Guḍá thai Phiṯẖ ki likí gindí, thará sahrá inám dá.
5Waktá ki shá duá loṭe, riyai khanoḵẖ wájá ma khane: Huḏẖá‐log̱ẖá de bázár chundá de kharo biag̱ẖ, mardom dem̱vá soád sángá nawash paṛhag̱ẖ, áṉháṉrá whashê. Ráste gálwar ma gusháṉ ki áṉhání waṯẖí inám gipta. 6Waktá ki thau duá loṭí andare handá baro, galo band, azẖ waṯẖí Phiṯẖá ki likí, duá loṭ. Guḍá thai Phiṯẖ ki likí gindí thará inám sahrá dá. 7Haḏẖeṉ ki duá loṭe thih siyál wájá thare thare yak gálware ma khane, ki hawáṉ mard dilá gushant ki báze gálwar sángá Huḏẖá márá bashkhat. 8Írge shá ma bí; ki shai Phiṯẖar kal asti ki shuár chih garze, pheshá ki shá duá loṭe. 9Írge shá duá loṭe ki Phiṯẖ maní, ki bihishtá asti, thai nám pák bí; 10thai ráj khai, thai marzí cho ki bihishtá philave, írge jiháná phílav bí: 11mai harro whard maroshe márá de: 12cho ki má waṯẖí wámdárár bashkṯẖo dáṯẖa, írge thau mai wám bashk de. 13Márá sai ma khanain, azẖ Shaitáná darbar. 14Shá thih mardár gunáh bashke guḍá shai Phiṯẖ ki bihishtá asti shuár bashk dá. 15Shá thih mardár gunáh na bashke guḍá shai Phiṯẖ shai gunáh bashk na dá.
16Thibare roshag̱ẖ waktá riyáí‐khanoḵẖ wájá waṯẖí dem̱vá munjhá ma khane, ki waṯẖí dem̱vá muhram khanant, ki roshag̱ẖ soád sángá sahrá bí. Ma ráste gálwar gusháṉ ki áṉháṉí waṯẖí inám gipta. 17Thau ki roshag̱ẖ dárí waṯẖí phután moshiná mush, 18dem̱vá shoḏẖ ki mardomar sahrá na ví ki thau roshag̱ẖ dárí; thewag̱ẖe hál Phiṯẖ, ki likí, gindí, guḍá thai Phiṯẖ ki likiá gindí, thara inám sahrá dá.
19Waṯẖí jind sángá tarká bunag̱ẖá jiháná much ma khane ki haweḏẖa hes o juzẖ wárant, duz duzí khanant. 20Waṯẖí jind sángá tarká bunag̱ẖá bihishtá much khane, ki hawoḏẖa na hes na juzẖ wárant, ki hawoḏẖa duz duzí na khanant: 21hawáṉ handá ki thai ḵẖazáná bí, hawoḏẖa thai dil bí. 22Jind chirág̱ẖ chhamê. Pas thai chham sáf bí, thai thewag̱ẖe jind azẖ roshá phílav bí. 23Thai chham gandag̱ẖ bí, thai thewag̱ẖe jind tahár bí. Pas rosh thai jind neáṉwáṉ tahár bí, sakhia tahár bí. 24Do wázẖá khizmat khase mard khuṯẖá na khat: hai yakear duzẖmaní khat, iptiar dostí khat, hai yakear gwashtai girt, iptiar hachi na khat. Huḏẖá wa Shaitán, har do khizmat shá khuṯẖa na khane. 25Hawí sángá ma shuár gushán ki waṯẖí jind o ján sará shíwar ma bie, ki chih nag̱ẖan warún, chih áf warún, chih jar waṯẖí jindar deún. Azẖ whardá ján jawán ne? Azẖ jará jind jawán ne? 26Murg̱ẖ na khishant, na ron khanant, na khuliháná much khanant. Shai Phiṯẖ ki bihishtá asti áṉháṉrá whard dá. Shá azẖ eshání sakhiá jawán ne? 27Khai shíwar bí, guḍá hawí sababá waṯẖí jindar yak harashe mazan khuṯẖa khat? 28Jar sará de pachi shíwar bí? Jaur phúl ginde, chachho morant; kár na khanant, na gofant. 29Ma shuár gusháṉ ki Sulaimáná waṯẖí thewag̱ẖe raunaká írge sharre jar jindar na dáṯẖa. 30Huḏẖá írge jar rem̱var dáṯẖa ki maroshe asti báng̱ẖá rokhanant, shuár jawáeṉ jar pachi na dá, yá be‐imán álam? 31Hawí sángá shíwar ma bie, ki má chih nag̱ẖan warún? chih áf warún? chih jar má waṯẖí jindar deún? 32ki írge thih siyál mard pholant; shai Phiṯẖ ki bihishtá asti zání ki shai sángá chih pakarê. 33Pheshá Huḏẖá ráj rástbázi phole guḍá har chih shai dastá khai. 34Hawí sángá báng̱ẖá sará shíwar ma bie ki báng̱ẖá waṯẖí sángá shíwar bí. Maroshe dukh maroshe sángá gwasê.
தற்சமயம் தேர்ந்தெடுக்கப்பட்டது:
Matí Injíl 6: BGPRMAT
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Published in 1884 for the Punjab Bible Society.
