मत्ती 22

ईसु बियाह लेटे राः उदाहराड़िय कहनी तेडा

(लूका 14:15-24)

1ईसु फेर हेंकू थरे उदाहराड़िय कहनी तेडा, 2“सरग राज#मत्ती 13:24 कोड़ा होपोन तुय बियाह तेडा,#दरसन 19:7,9 हेंय राजा घयगिआ। 3अवुर हेंय नेंवेथरिकू राः लगड अनेज रेनकू हरवाह कुय कुलतेडा; लेकिन हेंकू मेने मेज गिसन गडकुआ। 4फेर हेंय अवुर हरवाहकू न याःते कहनी केतेय कुलतेड कुआ, ‘नेंवेथरिकू थरे पे कहनियू, अँजोम पे, इंञ लेटेंञ उसरो केडा, ईञाःकू हरवाहकू बयेलकू अवुर मोट मोट चीज बतुसकू जोमकू लगाडिंञ एर ञेंड केडकुआ, अवुर सींड़ चीज उसरो यना; खवा पिवा रेपे मेजुऊ।’ 5लेकिन नेंवेथरी कू मेने कू धियान गडा, अवुर जतकत हनतेकू चलो यनु, कोई खेत हनते, कोई काम धंधा हनते। 6अवुर कुदो हरवाह कुतय सबकेड कुते कू बेजती तेडकुआ, अवुर कू ञेंड गोजतेड कुआ। 7तहाँ राजा धको केनते अनेज रेनकू सेना कुय कुलतेडा। अवुर हेंकू ञेंञेंड कुकू ञेंड गोजतेडा, अवुर हेंकू राः सहर कू तुयंग गोत्तेडू। 8हेना वरी हेंय अनेज रेनकू हरवाहकू थरेय कहनी तेडा, ‘बियाह लेटे दो उसरो केना, लेकिन नेंवेथरी कू नआँ लायिक कोवा कुआ।#परेरित 13:46 9हेनाते चवुक तेपे सेनुऊ, अवुर जेतना होड़कू पे ञाँमा, सींड़कू बियाह लेटे जोम लगड पे राः अगकू।’#मत्ती 13:47 10हेना वरी हेंकू हरवाहकू सँड़क ते सेनकेन ते, काय खराब गिआ, काय बढ़ियाँ गिआ, जेतना कू ञँमेना, हेंकू सींड़ कुकू जवर तेडकुआ, अवुर बियाह ओड़ाः जोमुःकू मेजेन हेंकू ते पेरेज यनु। 11राजा जोमुः मेजेन कू ञेंञेंल भीतारिय बोलो एना, तहाँ हेंय हेनारे मियाँहोड़ीय ञेंलवाडा, हेंय हरवाहकू एमतेड हेना बियाह कपड़ा मेनेय तुसींञ गडा। 12हेना वरी हेंयिय होंबोर तेडा, ‘ए भाई; अम बियाह राः कपड़ा बेगर तुसींञ ते ची लगड न रेम मेजकेना?’ हेंय जपनो यनियू। 13हेना वरी राजा नोकरकू थरेय कहनी तेडा, ‘नेंय ती कटा तोलकेते अंधरा ओत रेपे कसो गोत्तेयू, हेनारे नेय ईयामयू अवुर हहस ते तिरींग तुय लुकड़ूमा।’#मत्ती 8:12; 25:30; लूका 13:28 14कहेकि राःकेड कुः हेंकू दो अखीर इदान कुआ, लेकिन चुनो केडकुः हेंकू ठुवा गिआकू।”

रोमि सरकार लगड मलगुजारी

(मरकुस 12:13-17; लूका 20:20-26)

15तहाँ फरीसिकू अकू अकू सेनकेन ते करा टेबोः रेबू फसोविया मेनते कू सलाह एना।#एहुन्‍ना 8:6 16हेना वरी हेंकू अनाकू रेनकू चेलाकू हेरोदिकू#22:16 हेरोदेस राजा राः दल रेनकू सदस्य कू सुदा#मरकुस 3:6; 12:13 हेंय थरे नआँ कहनी लगड कू कुलतेड कुआ, “ए गुरू, अले पपाड़ी तना अम सही गिआमूँ, अवुर भगवान राः होर सही तेम चेडयड कुआ, होड़कू कनर मेनते कू कहनी वम रेहो अम मेनेम बोरो गेव्वाआ, कहेकि अम होड़कू तियाग केते मेनेम टेबोआ। 17हेनाते अलेम लायवा अम काःतेम पसींद यडा? कयसर #22:17 रोमि सम्राट केयसर लगड मलगुजारी एम जयेज इदाना किदो कोवाआ।”#मत्ती 17:25 18ईसु हेंकू राः हुसयारी ञेंलके तेय कहनी तेडा, “ए कपटिकू, इंञ ची लगड पे अजमो यडिञाँ? 19मलगुजारी एम हेना सिक्‍का पे तिःवाँञू।” हेना वरी हेंकू मियाँटंग दीनार#22:19 रोमि सरकार राः चाँदी राः सिक्‍का ञुमू हवे दीनार हेंय थरे कू अक्‍तेडा। 20हेना वरी हेंय हेंकू थरेय होंबोर तेडा, “ना रे ईया राः छाप अवुर ञुमू इदाना?” 21हेना वरी हेंकू कहनी तेडा, “कयसर राः।” तहाँ हेंय हेंकू थरेय कहनी तेडा, “कयसर राः हवे, हेना कयसर पे ओवा;#मत्ती 17:25; रोमि 13:7 अवुर भगवान राः हवे, हेना भगवान पे ओवा।” 22नआँ टेबोः अँजोम केते हेंकू अहचरज यनु, अवुर बगी अटु वडिय तेकू चलो यनु।

जियो रिमुआँ अवुर बियाह राः बारे ते

(मरकुस 12:18-27; लूका 20:27-40)

23हेनेन देवह गोजकोः वरी एरो कू जियो रिमेना #परेरित 23:6,8; 1 कुरि 15:12 मेनते कहनिय हेंकू सदूकिकू ईसु थरे कू मेजेना, अवुर कू होंबोर तेडिया, 24“ए गुरू, मूसा कहनी तेडा, अगर कनय कोड़ाहोन बेगर चोंडिज तेय गोजुः रेदो, हेंय कन्याँ, बोहोत बियाहियू, अवुर अनेज मगत राः पिढ़ी अलो टोवीजुः लगड चोंडिजकू कींञ हँबुडू।#उत्प 38:8; बेवस्था 25:5,6 25अले थरे सात झन मगियाकू दोहो एना; मगत कू बियाह केनतेय फटियो यनु, अवुर चोंडिजकू मेने कू दोहो गना ते अनेज कन्याँ, बोहोत लगाडिय अटु तेडिया। 26मंझला हो बेगर चोंडिज वनतेय गोजेना, अवुर संझला हो बेगर चोंडिज वनतेय गोजेना, नेन याःते सातो झन मगिया बेगर चोंडिज वनतेकू फटियो यनु। 27अखरी रे कोड़ीहोन होय फटियो यनु। 28हेना वरी जियो रिमुः रे हेंकू सातो झन रे हेंय कोड़ीहोन काय कन्याँ होयाआ? कहेकि हेंय सींड़ कुकू कन्याँ तेडिया।” 29हेना वरी ईसु हेंकुय जबाब वडा, “अपे धरमग्रंथ अवुर भगवान राः सक्‍ति मेने पे पपाड़ी तना; हेनाते अपे भूल रेपे पड़ो केना।#एहुन्‍ना 20:9 30कहेकि जियो रिमुः रे हेंकू एरो कू बियाह एना, अवुर न बियाह कू लगड कू एमकुआ, लेकिन हेंकू सरग रे भगवान रेनकू दूतकू घयतेकू दोहोना। 31गोजकोः वरी जियो रिमुः राः बारे ते भगवान अपे ची मेनतेय कहनी वडपेआ, नआँ बेगर पे पड़होआ किदो? 32हेना टेबोः न घयतेआ कि ‘इंञ अबराहम रेनिय भगवान अवुर इसहाक रेनिय भगवान, अवुर एकूब रेनिय भगवान#निर्ग 3:6,16; परेरित 7:32 हवे।’ हेंकू गोजकेन ते अखीर दिन बितो केन रे न याःतेय कहनी तेडा। न राः मतलोब हेंकू निहों हो जीवत इदान कुआ, नआँ समझोःबू, हेंय गोजकेनकू रेनिय ना लगे, लेकिन जीवत गिआकू हेंकू रेनिय भगवान हवे।” 33नआँ अँजोम केते होड़कू हेंय चेडतेड कुआ हेनातेकू अहचरज यनु।

सींड़ वरी बडेआ हुकूम

(मरकुस 12:28-34; लूका 10:25-28)

34ईसु सदूकी कुय टेबोः जपनो गोत्तेड कुआ मेनाआ, फरीसिकू अँजोम तेडा, तहाँ कू जवर एना। 35हेंकू मेंडे मियाँहोड़ एहूदी नियम चेचेडय अजमोविय लगाडिय होंबोर तेडिया, 36“ए गुरू, धरम नियम रे करा हुकूम सींड़ वरी बडे गिआ?” 37हेना वरी ईसु हेंय थरेय कहनी तेडा, “अम अमाअय परभु भगवान, अमाः पूरा मन लगय ते अवुर पूरा जीव लगय ते अवुर पूरा बुदही लगय तेम परेमियूँ#बेवस्था 6:5; 10:12; 30:6 38बडेआ अवुर खास हुकूम ने-ना हवे। 39अवुर दूसरा हुकूम न घयते इदाना, अम अनामअय परोसी अनम घयतेम परेमियूँ।#लेवी 19:18; मत्ती 19:19 40ने-ना बाटंग हुकूम सींड़ नियम अवुर भविस्यवक्‍ताकू राः#22:40 मूसा एमकेड हेना ओर भविस्यवक्‍ताकू लिखो केड नियम मेनते सहारा हवे।”#मत्ती 7:12

मसीहा ईया होपोन हवे?

(मरकुस 12:35-37; लूका 20:41-44)

41हेना वरी फरीसिकू हेना रेकू जवर तन तोलोग ईसु होंबोर तेडकुआ, 42“मसीहा#22:42 मसीहा मतलोब भगवान चुनो केडिया राजा राः बारे ते काःतेपे पसींद यडा? हेंय ईया होपोन हवे?” हेना वरी हेंकू कहनी तेडा, “दाऊद रेनिय।”#मत्ती 9:27; एहुन्‍ना 7:42 43हेना वरी हेंकुय होंबोर तेडा, “फेर आत्मा राः अगुवाय ते दाऊद, हेंय ‘परभु’ मेनते ची लगाडिय कहनी तेडा? 44दाऊद नआँः घयतेय कहनी तडा कि परभु, इंञाअय परभु थरेय कहनी तेडा, ‘इंञ अमाःकू मुदेयकू अम कटा दुबी रे अनायिन अगकू मेन दिन, ईञाः जोम गतर रेम दुड़ूबु।’#22:44 मुदेयकू कटा दुबी रे अगकू मतलोब हरो गोत्ते कुआ हेना। जोम गतर रेम दुड़ूम मतलोब मान मरजाद अवुर अधिकार ञँमुः हेना जघा रे दुड़ूबु#सिरिंग 110:1; परेरित 2:34,35; 1 कुरि 15:25; इबरानी 1:13; 10:13 45फेर दाऊद मसीहा, परभु मेनतेय कहनी वडिया, दो हेंय होपोन काःतेय होयाआ?” 46तहाँ कनय मियाँ अखर हो मेने कू जबाब सको गना। हेन चेका वरी फेर हेंय थरे कनारा होंबोर लगड कनय मेने हियो गडा।#लूका 14:6; 20:40

தற்சமயம் தேர்ந்தெடுக்கப்பட்டது:

मत्ती 22: ksz

சிறப்புக்கூறு

பகிர்

நகல்