Luk Túlɓay
Túlɓay
Njuku ka ɗé mbété nɛ́ rɛŋɛ́ ɓá Luk, ké ɗé mbété sére: Bélaɓay a Luk rá̧ mbété a Péna a Apotereri. A ɓil ɗambɛl a mbété a mɛ̌; Luk saɓay hí̧ njuku láɓulawri ka sɛ̧w a kuriri zi tí ɓá Juyífri yáy, ka sa nzáʼa girɛ́k. Ké ten táŋa ɓay a ŋgɛ́rɛ́kéri rá̧ káwa a Juyífri a kú zi tu yáy. Nǎŋnɔ́, njukuri ka zi tí ɓá Juyífri yáy ka tísiri nɛ́ too rá̧ sêe too, kú tu ɓá Zezú kaw ɓá njuku pɛ̧́ kuriri.
Bélaɓay a Luk, sé mbêw kuu mbété a Bélaɓay a sáykéri. Dáy mbétéké saɓay sé ŋgboro a gɔ́rɔ́ a Zezú tí ka Galilê sé ka̧ Zerúzalɛ̂m. (9:51 sé ka̧ 19:28) A ɓil ɓayké nɔ́, mbí ŋgboro sé gé ɓá Zerúzalɛ̂m, gel ka Zezú e ziŋ hûl karúy. Luk saɓay a hɛ̧ri̧ rá̧ tâ̧w hɛ̧ri̧ ka zi tí a ɓil mbété a Bélaɓay a ǎ̧wrí̧ nyáy, ɓá báŋa séna a Zezú sé gel a Márta rá̧ Marí, (10:38-42) galaɓay a béla a njuku Samarí, (10:29-37) rá̧ galaɓay a bâa gun a há̧na ka rezíŋ gun a mɛ̌ ka ɓɔ́l (15:11-32).
Luk tɔ́ʼɔ ɓá hɛ̧ ka erú ka nɛ́rɛ̧ mambá hí̧ nɛ́ a ɓil mbété a mɛ̌ rá̧ káwa a Zezú ɓá:
Gáŋvbôn pé Zezú Kiris ɓay a gí pɛ̧́ njukuri a kaw ɗɛ́ŋ ɓay a nyá nɛ́. Zezú ɓá nûn nɛ́ ka̧n tûl a njukuri a kú yáw kuriri: ɓéké njukuri, gun a léléri, fóyári, njuku záŋmári̧, gɔ́rɔ́ri.
Njuku láɓulawri ka Luk saɓay hí̧ kuriri e kaw ɓá njuku hɛ̧zíŋári̧. Luk saɓay ri ɓá ŋgɛ̧́náké ka Zezú sa sé tûl hɛ̧zíŋári̧, ɓá báŋa Luk 12:16-21 rá̧ gáŋké 16. Ké tɔ́ʼɔ hí̧ gunbɛʼɛri ɓá kú mbí hɛ̧zíŋa a kuriri a kú niŋ péna rú̧ hí̧ Gáŋvbôn rá̧ njuku ǎ̧wrí̧.
Gunbɔʼɔ a Zezúri séséna kuu Zezú a kaw ɗɛ́ŋ ɓay a fere káwa a kuriri. Kú tu ɓá Gáŋvbôn ɓá béla njuku, a zi njukuri too. A ɓil pûri ka Rɔmɛri̧ kaw tûl a kuriri, njukuri kaw sa ɓá: «Mbây lúkí kaw ɓá gáŋmbây.» Dáy njuku láɓulawri sa ɓá: «Zezú pé ɓá Gáŋmbây. » Katína, Gáŋvbôn toma Zezú a hûl, a hí̧ nɛ́ kpɔ́ŋa sé tûl hɛ̧ri̧ too. A ɓil mbété a Bélaɓay a Luk, kú ɗí Zezú ɓá Gáŋmbây daw ndé a ɓil mbété a Bélaɓay a ǎ̧wrí̧.
Mbété a Bélaɓay a Luk, ɔ ka Zerúzalɛ̂m (Luk 24), gelka ké tí ka (gáŋké 1 sé ka̧ 2). Zezú tɔ́ʼɔ mûn nɛ́ hí̧ gunbɛʼɛri, nǎŋnɔ́, kú kaw ka mûnrína. Ka títáʼa péna ɓil dawá a Zezú, ké mbá ka Têm Pukí ka gí a gel a Gáŋvbôn (Luk 3 rá̧ 4). Gunbɔʼɔ a Zezúri ziŋ Têm Pukíké kɔ́ (Luk 24:49). Ɓá báŋa a Zezú, kú ma ɓay a gɔ́ŋ Gáŋvbôn, a ma ɓay ɗí si̧ŋ a ɗél béla a Gáŋvbôn.
தற்சமயம் தேர்ந்தெடுக்கப்பட்டது:
Luk Túlɓay: pnz
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2023 CABTAL