KEJADIAN 10
10
At Nuh amlogomi ambisangma mene nen taginabik wagaukwa wene
1At Nuh amlogomi taginafikhe mene inenu re yi: Sem, Ham, Yafet inom taginafikhe. Nen, i fu a'nogo wagaikhe huli nen iren inamlogomi taginafukwa.
2At Yafet en taginafikhe mene inenu re, Gomer, Magog, Madai, Yawan, Tubal, Mesekh, Tiras inom taginafikhe. 3At Gomer andi ambisangma mene re Askenas, Rifat, Togarma inap andoma. 4Nen, at Yawan andi ambisangma mene re afuni o Elisa mene inom, o Spanyol mene inom, Siprus mene inom, Rodes mene inom andoma. 5It ap andire it afuni i hokho yenggelek mene esanggokwe werek mene inom, i alonggenma tulem hulirogo werek mene inom, inunggulenu andi mene inombawi. At Yafet ambisangma mene inebe mondogat he andem. Nen it andire inunggulenu lombok inaiba o sili lombok logolik inane ogore inamu-inamu ikhi lagaukwa.
6At Ham en taginafikhe mene re Kush, Mesir, Libia, Kanaan inap inom 7andoma, nen at Kush ambisangma nen ta'lagaikhe mene re o Seba, Hawila, Sabta, Raema, Sabtekha inap inom andoma. Nen at Raema ambisangma mene re it Syeba inap inom Dedan inap inom andoma. 8Hun Kush amlogo abengge ekhe enu re Nimrod attak mene o kweangma yoma enu werek agaikhe agun. 9At ebe Tuhan en lebethugunem yi mene ti mene wasuagaluk sikhe enggi pagat weak mene agaikhe andiba afuni we mene nen ikhi logolik, ”Allah nen harogo at Nimrod hak hasikhe henggi pagat weak mene hilinghobagauwak,” iluk ikhi lagaukwa. 10Attak-attak ap inenu werek logolik wene melalinafunem it kerajaan aren mene re Babel inom, Erekh inom, Akad inom, o sili andem he, o Babylonia kweang oba andoma welagaikhe. 11Andoma nen at o Asyur lagaikhesik o it kota Niniwe inom Rehobotir inom Kalah inom, 12o Resen andi re Niniwe inom Kalah inom tulem honggole'ma wutukwa. O kota andi re hokho mene wutukwa.
13At Mesir en tago mene ambisang ma mene re o Lidia inap inom, Anamim, Lehabim inap inom, Naftuhim inap inom, 14Patrusim, Kasluhim inap inom, Kaftorim inap inom taginafukwa. Nen it inunggulenu Kasluhim inap andire it afuni Filistin mene inombawi welagaukwa.
15Nen, at Kanaan nen taginafikhe mene re Sidon amlogo manggusa mene inom, Het inom taginafikhe. 16Hun Kanaan andi ogore it Yebusi inap, Amori Girgasi inap, Hewi Arkisini inap. 17-18Arwadi, Semari, Hamati inap inomba. It Kanaan inap andire mondogat yatma sik-pikhogo wialagik lagaukwama. 19It inaiba sili huli-hulire o Sidon abel selatan fikhiren hiling-hiling o Gerar en hilingirik he o Gaza huli andoma nen haningisogo timur fikhit he o Sodom Gomora nen fikhit Adma, Zeboim en hiling-hiling he o Lasa horokhogo andoma huli welagaukwa.
20Andire at Ham en taginafikhe mene ambisangmangge it inebe inunggulenu lombok inawi sili lombok logolik inane ogore amu-amu ikhi lagaukwa.
21Nen at Sem oe Yafet andire it afuni Ibrani mene inomba welagaikhe. 22At Sem en taginafikhe mene re Elam inom, Asyur inom, Arpakhsad inom, Lud inom, Aram inom taginafikhe. 23At Aram andi ambisangmangge mene it Us inap inom, Hul inap inom, Geter inap inom, Mas inap inom andoma. 24Arpakhsad eisena re Selah, Selah eisena re Eber, 25hun Eber andire amlogomi inebe pire welagaukwa. Amlogo manggusa mene andi re o andem oba afuni o kweangma mondogat sumbut-sambathogo hilinglagaukwa andi nen enu Peleg salhikhe, ombo'ne mene enu re Yoktan salhikhe. 26Nen At Yoktan andi nen tagoma mene re it Almodad, Selef, Hazar, Mawet, Yerah inom, 27Hadoram, Uzal, Dikla inap inom, Opal, Abimael, Syeba inap inom, 28-29Ofir, Hawila inap inom, Yobab inap inom andoma, nen it mondogat andire at Yoktan ambisangmangge mene welagaukwa. 30O kweang it welagaukwa kwere o Mesa nen fikhit o Sefar huli it mo ero fikhit he tom ebene andoma welagaukwa. 31At Sem ambisangma nen ta'lagaukwa mene mondogat andire, it inebe inaiba lombok logolik inane ogo inamu-inamu ikhi lagaukwa.
32It mondogat andi re at Nuh nen taginafikhemo ambisangmangge mene nen it inunggulenu lombok, inombawi lombok, ta'larik wagaukwa mene nen i fu wagaikhe huli a'nogo afuni yi inunggulenu ti inunggulenu ta'larik wagaukwa mene kweangma wialagaukwasik welagaikharek andi.
தற்சமயம் தேர்ந்தெடுக்கப்பட்டது:
KEJADIAN 10: inohap
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்