சங்கீதம் 61

கம்பியிசைக் கருவிகளுடன் பாடகர் குழுத் தலைவனுக்கு ஒப்புவிக்கப்பட்ட தாவீதின் சங்கீதம்.

1என் இறைவனே, என் கதறுதலைக் கேளும்,

என் மன்றாட்டுக்குச் செவிகொடும்.

2பூமியின் கடைசிகளில் இருந்து உம்மை நோக்கிக் கூப்பிடுவேன்;

என் இருதயம் சோர்ந்து போகையில் உம்மைக் கூப்பிடுகிறேன்;

என்னைப் பார்க்கிலும் உயரமான கற்பாறையினிடத்திற்கு என்னை வழிநடத்தும்.

3நீரே என் புகலிடமாய் இருக்கிறீர்;

பகைவருக்கு எதிரான பலமுள்ள கோபுரமாய் இருக்கிறீர்.

4நான் என்றென்றும் உமது கூடாரத்தில் குடியிருப்பேன்;

உமது சிறகுகளின் அடைக்கலத்தில் தஞ்சமடைவேன்.

5இறைவனே, நீர் என் நேர்த்திக்கடன்களைக் கேட்டிருக்கிறீர்;

உமது பெயருக்குப் பயந்து நடக்கிறவர்களுக்குரிய உரிமைச்சொத்தை

நீர் எனக்குத் தந்திருக்கிறீர்.

6அரசனின் வாழ்நாட்களை அதிகமாக்கும்;

அவனுடைய வருடங்களை தலைமுறை தலைமுறைகளாக அதிகமாக்கும்.

7இறைவனின் சமுகத்தில் அவன் என்றைக்கும் சிங்காசனத்தில் அமர்ந்திருப்பானாக;

அவனைப் பாதுகாப்பதற்காக உமது உடன்படிக்கையின் அன்பையும்

உண்மையையும் நியமித்தருளும்.

8அப்பொழுது நான் என்றென்றைக்கும் உமது பெயருக்குத் துதி பாடுவேன்;

நாள்தோறும் எனது நேர்த்திக் கடன்களை நிறைவேற்றுவேன்.

தற்சமயம் தேர்ந்தெடுக்கப்பட்டது:

சங்கீதம் 61: TCV

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

இந்திய சமகால தமிழ் மொழிபெயர்ப்பு™ பரிசுத்த வேதம்

இஅனுமதியுடன் பயன்படுத்தப்படுகிறது.

உலகளாவிய முழு பதிப்புரிமை பாதுகாக்கப்பட்டவை.

Holy Bible, Indian Tamil Contemporary Version™

Used with permission.

சங்கீதம் 61
இலிருந்து பிரபலமான வேதாகம வசனங்கள்