Matthew 21
21
CHAPTER XXI.
1OT SIT AS TO TOS AU Jerusalem ot sit o tos au Bethphage, i tumʼu as u aie Olives anʼĭstŏp Jesus i tŭpʼsku yiu ax naʼtsi tap pix ot ŭs ksĭn ĭm-atsʼ ax,
2Ki anʼĭs tsiu ax, ak apʼi o yĭs as tsiʼĭm ĭs tsi-piʼĭk, ki kit ak stŭm o kon o au ŭskʼo mŭk sto kiu a aksʼĭs ksi pĭs tau, ki oʼkos e pok ai akʼo pok it ai-pu yim iu: a poʼtok au ki pukʼsi pĭp po tok ĭk au.
3Ki sĭt sĭp sats e no ai ni ki ma tapʼpi, kit akʼan-ĭs tai au Ninʼa auʼan ĭs tsiu ax; ki akʼo tŭm ŭt si-tŭp sku yiu ax.
4I kŏn anʼĭs tuts ip mŏksʼe nŭp an ĭs tos i ot anʼ-i ip i aie prophet ki anʼiu,
5Anʼĭstok Sion otŭnʼni, Sŭmʼmĭs kits ĭnʼ-aim an kit si puk si paʼak, i kĭn ĭsʼsi u, ki ŭsk omŭkʼsto ki i tokh ito piu, ki oʼkos e po kai ŭsk omŭkʼsto ki oʼkos aie.
6Ki ŭs ksĭn ĭm atsʼax i tap poʼiau, ki Jesus it ŭnʼ ĭs tuts im i ax man ist an ĭs to pi ax.
7Ki it si puk si pĭpʼpi au aie ŭsk o mŭkʼsto ki ki o kos eʼpo kai, ki i tokhʼit stom i au ots ĭs to tosʼo au-ĕsts ki it sit tokh its tsiʼi au aie os toʼi,
8Ki ekʼa kai tap pix sai eʼku yi i au aie ots ĭs to-tosʼ su an ĕsts mok so kui; ki stsĭkʼ ix kai akʼ ĭm iau o kŭnʼi ksĭsts ki mok so kuʼi it ŏkhʼtŭm iau ĕsts.
9Ki an niksʼisk ma tapʼpixk iʼtom au mat to-yixk ki it o pok iu oʼixk, awkʼum iau, ki anʼiau, Hosanna ŭn ni an ists i tŭpʼi tsĭs David ok kui: A-tsĭmʼsiu an nŏkʼ ai puk si puʼŏk ninʼa otsĭnʼi kŏs-ĭm; Hosanna mĭsʼtŭp spiu.
10Ot sit si pĭsʼsi Jerusalem, kon aiʼak ap i o yis apʼai tsi tai au, ki anʼiau, Tŭk kaʼats?
11Ki a kaiʼtap pix anʼiau an nŏkʼauk Jesus Nazareth ist si prophet, Galilee ĭst au ŏs ĭmʼim.
12Ki Jesus it si pim Apʼĭs to tok iu ă ot a toiʼ-ap i o yĭs ki an niksʼĭsk i tsipstʼ au mŭts ko tŭk ixk, ki i tsi pst awkʼpum axk na toiʼap i o yĭs, it saiʼtŭp i-ksĭs tsiu ax, ki auʼŏt su au tu yixk ot sitʼai sĭn ak i-pu an ĕsts i maʼpĭx ĭm ĕsts, ki auʼmŭts ko tŭk ixk kŭk kuʼ ix ots as soʼ pŏts u au ĕsts i maʼ pĭx ĭm ĕsts.
13Ki anʼĭs tsiu ax, Sĭnʼaip, No koʼai akʼan ĭs-top aʼtsĭm oi ik ap i o yĭs, ki ksĕs toʼau kan ĭsʼtu tsip u au kŏm osʼi e pĭts ix o koʼau ai.
14Ki napsʼtsix ki ŭsʼtse kai ix i tsips to to yi-au aie Na toiʼap i o yĭs; ki i kut to to yiu ax.
15Ki omŭkʼa toi ap i e ku ax ki ai sĭn ak ix, ot-ĭn ĭsʼĕsts skaiʼpĭs si tap ĭsts ot apʼĭs tuts ip ĭsts, ki pokax ot si tsĭpstʼ awk kum sau na toiʼ ap i o yĭs, ot-anʼĭs sau Hosanna ŭn ni an ĭsts i tŭpʼi tsĭs David ok kuʼi, eksʼ ka ai sau okh si tŭk ki au.
16Ki an ĭs tsi au aie, ki kŭt tai ai okh tsĭpʼă ot-anʼi i pi au amʼoxi? Ki Jesus anʼĭs tsiu ax, A; ki kŭt tom i sau an ĭs to pa sĭn ak sin, po kax ki usʼ-stax ma auʼ au ĕsts ku mutʼtots sŭp an ists ĭs tuts ip ĭs tsakʼsin?
17Ki it skĭtʼsiu ax ki ak apʼi o yĭs it tŭpʼsŭx ki-tsĭm aie Bethany; ki an nimʼ its okʼau.
18Ki ksĭs kŭn aʼtŭn ni matʼski tap po si akapʼi o yis, itunʼots iu.
19Ki ot sĭts ĭn noʼŏsi mok so kuʼi o mŭxʼin i-ĭs tsĭs i, i to toʼaie ki mat sit o kon ĭm auʼats aie, namʼi tai tsi i suioʼpok ĭsts, ki an ĭs tsiu aie, Ŭn ni-an ĭstʼsau ŭsk sai ĭn as it ksĕs toʼa. Ki o mŭxʼin-ĭs tsĭs so tŭmʼ i kŭn i pi su iu.
20Ki ŭs ksĭn ĭm ats ax ots ĭn ĭsʼau, skaiʼe tŭk-ki au, ki anʼiau, Mauʼmni kip i kŭn i pi su iu!
21Jesus anʼis tsiu ax, kit auʼmŭn ĭs to pu au Au mai tŭk ki e no ai ni ki, sai etŭk ki e no e ni ki its-ĭs tutsʼi pi omŭxʼĭn is tsĭs i ki mat aks i kaks ĭs tuts-ip a, ki nok ŭtʼan ĭs tom ĭn o ai ni ki amʼo ni tumʼ-moi, ŭn ĭs tŭpʼi tsit, ki ŭn ĭs tŭpʼa pi ksĭs tŭk it omŭkʼsi kĭm i; akʼ ŭn ĭs tuts ip.
22Kitakʼo mi an ĭst auʼkŏm ŏn i pu ai aʼtsĭm-oi i kai no a ni ki au maiʼtŭk ki e no e ni ki, kitakʼo-kok o su ai.
23Ki ot sit si pĭsʼsi na toiʼap i o yĭs, o mŭk a toi-ap i e ku ax ki ma tap pix otʼo mŭx im o au ax ot-ŭsʼksĭu ĭm ats tŭk si i toʼto iau aie, ki anʼiau, Tsan ĭs tap o tŭm ap sĭnʼ na ku mutʼ an ĭs tuts ip iau amʼostsk? Tŭk kaʼ kitʼo kok aii amʼok otŭm-ap sĭn nik?
24Ki Jesus anʼĭstsiu ax kitakʼok sŭp po ŏt se-sat to pu au tuksʼkai i an ikʼi e no ai ni ki kit akʼŭt-an ĭs to pu au o tŭm apʼ siu ni nu mutʼ au an ĭs tuts-ip i amʼostsk,
25John ot ŭsʼta pĭn ŭk sĭn ni, Tse ma i tots tsiuʼ-ats? spotsʼim, ki ma tapʼpi? Ki aiʼsĭt sĭp sat tse-iau, ki anʼiau, makʼan ĭn an i ki spotsʼim; nit-akʼan ik ĭn an, ku maukʼstau au mai to au ai ĭsks ĭx?
26Ki makʼan in an i ki ma tapʼpi, nit stŭn nau-ŭn an iau ma tapʼpix; tŭkʼka i kŏnʼau an iau John mŏk o prophet si.
27Ki an ĭs tsi au aie Jesus, ki auʼiau, Ni mat-o kotʼan i pĭn an. Ki anʼĭs tsiu ax, ki mat o kotʼ-an ĭs to pu au o tŭm apʼsĭn ni ni mutʼau an ĭs tutsip iau amʼostsk.
28Ki Tsa kitʼsta pu au? Tŭksʼkŭm i ma tapʼ-pi, naʼto kŭm oʼkos ix; Ki ma tomʼsi i i to toʼaie, ki anʼiu, no koʼă, mat apʼo tŭk kĭt an nokʼ ksĭs-tsi kuʼi nits ĭnʼsĭm man.
29Anʼiu Ni matʼak it tap po pa: ki it sakoʼi-sau ai tsi tau ki it si tapʼpo.
30Ki mat stsĭkʼi i to toʼaie ki matʼan ĭs tsiuaie. Ki anʼiu nit akʼit tap po, ninʼă; ki mat si-tap poʼ ats aie.
31Tŭmaʼ am oxi ŭsʼsats ĭma unʼni ot si tsiʼ-tan i aie? Anʼĭs tsi au aie, Ma tomʼsiu ă. Jesus anʼĭs tsiu ax, kit auʼ mŭn ĭs to pu au kit sau om aiʼ-pi su ai Ap ĭs to to kiu ă ĭs sĭnʼnai i sĭn ni publican-ĭx ki matsʼa kex aiʼak si pim iau.
32Tŭkʼka John kitsi to taʼak u au mokomʼ-ots i tap pi i sĭn ni ĭst okhʼso kui, ki ki mat au mai-to au auʼ ats: ki publican ix ki matsʼa kex auʼ-mai tu yi au aie: ki ksĕs toʼau kits ĭn ĭsʼu ai ki mat-sa ko i sau ai tsi ta pu au a kŏk au maiʼ to au su ai.
33Okhʼtsĭk stsĭkʼi parable, its tsiuʼ tuksʼ-kŭm i nĭnʼau, napʼi o yĭs ĭsts ĭnʼaim, it sŭp pi-pum at tom aie ĭn sĭmʼman minʼis tsix, ki its ĭs-tseʼpĭs kŭn at tom aie, ki it a tunʼi ak i u its ĭnʼi ok-ke ĭm skau pi, ki spi apʼi o yĭs it apʼĭs tuts ĭm aie, ki it ŏkʼku ma to ku yiu ax aiʼĭn sĭm ax ki it siʼ-pi o:
34Ki ot asʼtsĭs si mĭnʼĭsts ot aiʼak its ets pi ĕsts i tŭpʼsku yiu ax ot apʼo to mok ix ai ĭn sĭm ax mokʼ-o ku yĭs si ĭsts ĭnʼĭsts.
35Ki aiʼĭn sĭm ax matʼ tu yiu ax ot apʼo to mok-ix, ki tuksʼkŭm i, it au aiakʼiau aie, ki stsĭkʼi init siʼau aie, ki stsĭkʼi ok o tok ix it auʼai ak iau aie.
36Ki matsʼi tŭp sku yiu ax stsĭkʼix ot ap o tomok ix: ki ne toiʼ anʼĭs tu tu yi au ax.
37Ki sa koʼokh tsim, ĭtŭpʼsku yiu ok kuʼi, ki an iu, akʼa tsĭm mim mi au no koʼa.
38Ki niʼĭn sĭm ax ots ĭn noʼŏs sau ok kuʼi anʼ-ĭs tse iau Amʼo ot akʼsi nan; ki, ŏksʼen ĭt ai, ki nŏk si nanʼat top ĭn an iau ot si nan.
39Ki e enʼiau aie, ki it saiʼtŭp i ksĭs tsi au aie ĭn sĭmʼman, ki i ni tsiʼau aie.
40O toʼsi in sĭmʼman ists ĭnʼaim, Tsaʼ ak anĭs tu tu yiuʼats ax an niksʼĭsk aiʼĭn sĭm axk?
41An ĭs tsi au aie, akʼ sai ĭn a ku ai ats ĭs tu tu yiu-ax an niksʼisk sau umʼit si tap pixk, ki aiʼak ŏk ku-matu yiu ax ots ĭnʼsim man stsikʼix aiʼĭn sĭm ax, an niksʼĭsk ai ak o ko tsi au aie ĭsts ĭnʼĭsts aitsʼĭs au.
42Jesus anʼĭs tsiu ax, ki kŭt tom ai sau an is to-pu ai ĭsks ix na toiʼsĭn ak sĭsts, Okʼo tok i an nŏk its ĭsʼ tŭp a pi ksĭs tau ŭk ai ok o toks ap i ok o ĭs kai-au, ne toiʼni tsiu ko keʼi ĭst o tomʼok o tok; amʼok Ninʼa otʼap ĭs tu tŭk sĭn ni ki skai eʼtsip no ŏpsʼ-pĭn an ĭsts?
43Ŭnʼnik aie ku mutʼan ĭs to pu au Spotsʼim ists ĭnʼ nai i sĭn ni akʼots ip ksĕstoʼau ki akʼo ko tau no keʼtap pix, an niksʼisk aksʼin as i ĭxk.
44Ki an nŏkʼ aiʼak it tu tŭts ĭn nĭs siu ŭk an nŏkʼ okʼo tok i, ak siʼk sĭs iu, ki an nŏkʼ ma tapʼiu-ŏk aiʼak it tu tŭts ĭn ĭs siu ŭk ok o tok i ak si pinʼiau.
45Ki o mŭkʼa toi ap i e ku ax ki Pharisees otokhʼtsĭm sau parables, ĭs ksĭn ĭmʼiau os toʼau ai u-mut aiʼpu yi sai e.
46Ki ot apʼsŭm mŏs ax mŏkʼsix en ŏsax, usʼ-stŭm nu yi au ax a kaiʼtap pix, tŭkʼka ŭsʼ tai au mŏkʼsi prophet si.
தற்சமயம் தேர்ந்தெடுக்கப்பட்டது:
Matthew 21: BLAMAT
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
First published by the British and Foreign Bible Society in 1890.
