လံာ်တၢ်ကဲထီၣ်အခီၣ်ထံး 35
35
ကစၢ်ယွၤဆိၣ်ဂ့ၤစီၤယၤကိာ်ဖဲဝ့ၢ်ဘ့ၤသ့လး
1ကစၢ်ယွၤစံးဘၣ်စီၤယၤကိာ်, “လဲၤဆူဝ့ၢ်ဘ့ၤသ့လးခဲအံၤ တဘျီဃီ, ဒီးအိၣ်ဆိးဖဲန့ၣ်တက့ၢ်. ဖဲန့ၣ်ဘှီထီၣ်တၢ်လုၢ်လီၢ်တခါလၢ ယၤ, ကစၢ်ယွၤလၢအလီၣ်ဖျါတ့ၢ်အသးလၢနၤအဂီၢ်ဖဲ နဃ့ၢ်ထီၣ်ကွံာ်တ့ၢ်လၢနဒီပုၢ်ဝဲၢ်ခွါစီၤဧ့ၡီၤအအိၣ်အခါ, န့ၣ်တက့ၢ်.”
2လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်. 3ပကဘၣ်ဟးထီၣ်ကွံာ်ဖဲအံၤဒီးလဲၤဆူဝ့ၢ်ဘ့ၤသ့လးဖဲယကဘှီ ထီၣ်တၢ်လုၢ်လီၢ်တခါလၢကစၢ်ယွၤအဂီၢ်, လၢကစၢ်ယွၤလၢအမၤစၢၤတ့ၢ်ယၤဖဲယအိၣ်လၢတၢ်ကိၢ်တၢ်ဂီၤအကတီၢ် ဒီးအိၣ်တ့ၢ်ဒီးယၤဖဲယလဲၤတပူၤလၢ်လၢ်အဂီၢ်န့ၣ်လီၤ.” 4လၢတၢ်န့ၣ်အဃိအဝဲသ့ၣ်ဟ့ၣ်လီၤစီၤယၤကိာ်လၢကယဲၢ်ပှၤတခီဘီ မုၢ်ဖိအကစၢ်တဖၣ်လၢအအိၣ်ဒီးအီၤခဲလၢာ်ဒီးနၢ်ဒံးလၢအဝဲသ့ၣ် ဒံးဝဲတဖၣ်န့ၣ်လီၤ. အဝဲခူၣ်လီၤကွံာ်တၢ်န့ၣ်တဖၣ်ခဲ လၢာ်ဖဲသ့ထိးဖၣ်အခီၣ်ထံးလၢအအိၣ်ဘူးဒီးဝ့ၢ်ၡက့ၣ်န့ၣ်လီၤ.
5တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်. 6စီၤယၤကိာ်ဟဲဃီၤဝဲဒီးအပှၤဂီၢ်မုၢ်ခဲလၢာ်ဆူဝ့ၢ်လူးစးလၢ ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသ့လး, လၢအအိၣ်လၢကီၢ်ကနၤဧၣ်အပူၤန့ၣ်လီၤ. 7အဝဲဘှီထီၣ်တၢ်လုၢ်လီၢ်တခါဖဲန့ၣ်ဒီးကိးထွဲတၢ်လီၢ်န့ၣ် အမံၤဒ်ဝ့ၢ်ဘ့ၤသ့လးအကစၢ်ယွၤ, မ့ၢ်လၢကစၢ်ယွၤလီၣ်ဖျါတ့ၢ်အသးဒီးအီၤဖဲန့ၣ်, ဖဲအဝဲဃ့ၢ်ထီၣ်ကွံာ်လၢအဝဲၢ်အအိၣ်အခါအဃိ န့ၣ်လီၤ. 8နီၢ်ဒဘိရၣ်, ပှၤလၢအကွၢ်နီၢ်ရံးဘကၤသံဝဲဒီးဘၣ်တၢ်ခူၣ်လီၤ အီၤဖဲသ့ၣ်သ့ထိးဖၣ်အခီၣ်ထံးလၢအအိၣ်ဝဲဖဲဝ့ၢ်ဘ့ၤသ့လးအက လံၤထံးန့ၣ်လီၤ. ဒီးတၢ်လီၢ်အံၤဘၣ်တၢ်ကိးအီၤလၢ “အးလိၣ်ဘၤ ကူာ်” အခီပညီ, “တၢ်ဟီၣ်တၢ်ယၢၤအသ့ၣ်သ့ထိးဖၣ်” န့ၣ်လီၤ.
9ဖဲစီၤယၤကိာ်ဟဲက့ၤကဒါက့ၤလၢကီၢ်မ့းစပတၤမံန့ၣ်, ကစၢ်ယွၤလီၣ်ဖျါထီၣ်ကဒီးအသးလၢအီၤဒီးဆိၣ်ဂ့ၤအီၤန့ၣ်လီၤ. 10ကစၢ်ယွၤစံးဘၣ်အီၤ, “နမံၤမ့ၢ်စီၤယၤကိာ်, ဘၣ်ဆၣ်စးထီၣ်ခဲအံၤဒီးဆူညါန့ၣ်ကမ့ၢ်ဝဲစီၤအံၣ်စရ့လးန့ၣ် လီၤ.” လၢတၢ်န့ၣ်အဃိကစၢ်ယွၤကိးအမံၤလၢစီၤအံၣ်စရ့လးလီၤ. 11ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ. 12ယကဟ့ၣ်နၤထံဧိၤကီၢ်ဧိၤလၢယဟ့ၣ်တ့ၢ်စီၤအၤဘြၤဟၣ်, စီၤအံၤစဲးဒီးယကဟ့ၣ်စ့ၢ်ကီးအီၤဆူနၤဒီးနစၢၤနသွဲၣ်လၢ နလီၢ်ခံတဖၣ်န့ၣ်လီၤ.” 13ဒီးကစၢ်ယွၤဟးထီၣ်ကွံာ်လၢအအိၣ်လီၤ. 14ဖဲန့ၣ်, ဖဲတၢ်လီၢ်လၢကစၢ်ယွၤကတိၤတ့ၢ်တၢ်ဒီးအီၤန့ၣ်စီၤယၤ ကိာ်ပာ်လီၤတၢ်သ့ၣ်နီၣ်အလၢၢ်တဖျၢၣ်ဒီးပာ်စီဆှံ အီၤခီဖျိလူလီၤစပံးထံဒီးသ့ၣ်စၤယံးအသိလၢအဖီခိၣ်န့ၣ် လီၤ. 15ဒီးယုၢ်တၢ်လီၢ်န့ၣ်အမံၤလၢဝ့ၢ်ဘ့ၤသ့လးလီၤ.
နီၢ်ရၤဃ့လးအတၢ်သံ
16စီၤယၤကိာ်ဒီးအပှၤဟံၣ်ဖိဃီဖိတဖၣ်ဟးထီၣ်ကွံာ်လၢဝ့ၢ်ဘ့ၤ သ့လး, ဒီးဖဲအဝဲသ့ၣ်အိၣ်တယံၤကဲာ်ဆိးဒီးဝ့ၢ်ဖရၤသးဘၣ်အခါန့ၣ်, အဆၢကတီၢ်ဘၣ်ဝဲဒၣ်လၢနီၢ်ရၤဃ့လးကဆံးစၢ်အဖိ, ဒီးအဟုးကီဝဲလီၤ. 17ဒီးဖဲအဟုးဆါနးကတၢၢ်အခါန့ၣ်ပှၤကွၢ်ပဟုးစံးဘၣ်အီၤ, “နီၢ်ရၤဃ့လးဧၢပျံၤတၢ်တဂ့ၤ. မ့ၢ်ပိာ်ခွါဖိအသီတဂၤ လီၤ.” 18ဘၣ်ဆၣ်ဘူးလၢအကသံ, ဖဲအတၢ်သါလၢခံကတၢၢ်န့ၣ်, အဝဲယုၢ်န့ၢ်အဖိခွါအမံၤလၢစီၤဘံၣ်အိနံလီၤ. မ့မ့ၢ်အပၢ်ယုၢ်န့ၢ်အမံၤလၢစီၤဘံၣ်ယၤမံၣ်လီၤ.
19ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ. 20စီၤယၤကိာ်ပာ်လီၤတၢ်သ့ၣ်နီၣ်အလၢၢ်တဖျၢၣ်ဖဲန့ၣ်ဒီးဘၣ်တၢ်မၤ နီၣ်ဒံးအီၤဒ်နီၢ်ရၤဃ့လးအတၢ်သွၣ်ခိၣ်တုၤလၢမုၢ်မဆါတနံၤ အံၤန့ၣ်လီၤ. 21စီၤယၤကိာ်လဲၤကဒီးဆူညါဒီးသူၣ်လီၤအဒဲဖဲတၢးထီ ဧ့ၤဒ့ၢ်အဝၢ်ဘးခီန့ၣ်လီၤ.
စီၤယၤကိာ်အဖိခွါတဖၣ်
(၁ကွဲး. ၂:၁-၂)
22ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ.
စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ. 23နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ. 24နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ. 25နီၢ်ရၤဃ့လးအကုၢ်ပိာ်မုၣ်နီၢ်ဘံၤလဟၤအဖိခွါမ့ၢ်ဝဲစီၤဒၣ် ဒီးစီၤနးသၤလံလီၤ. 26နီၢ်လ့ၤအၤအကုၢ်ပိာ်မုၣ်နီၢ်စံၤလပၤအဖိခွါတဖၣ်မ့ၢ်ဝဲစီၤ ကး, စီၤအၤၡ့ၢ်လီၤ. အဖိခွါတဖၣ်အံၤအိၣ်ဖျဲၣ်ထီၣ်ဝဲလၢကီၢ်မ့း စပတၤမံန့ၣ်လီၤ.
စီၤအံၤစဲးအတၢ်သံ
27စီၤယၤကိာ်လဲၤဝဲဆူအပၢ်စီၤအံၤစဲးအအိၣ်လၢဝ့ၢ်မးမရ့ဘူး ဒီးဝ့ၢ်ဃ့ဘြိၣ်ဖဲစီၤအၤဘြၤဟၣ်ဒီးစီၤအံၤစဲးအိၣ်ဆိးတ့ၢ် ဝဲဒၣ်န့ၣ်လီၤ. 28စီၤအံၤစဲးအိၣ်မူဝဲအနံၣ်တကယၤဃိးဆံ,
29ဒီးသံဝဲလၢအသးပှၢ်တုာ်အကတီၢ်န့ၣ်လီၤ. ဒီးအဖိခွါစီၤဧ့ၡီၤဒီးစီၤယၤကိာ်ခူၣ်လီၤကွံာ်အီၤန့ၣ် လီၤ.
தற்சமயம் தேர்ந்தெடுக்கப்பட்டது:
လံာ်တၢ်ကဲထီၣ်အခီၣ်ထံး 35: KSWC
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Sgaw Karen Common Bible © Bible Society of Myanmar, 1992.