Psalmyn 11
11
PSAL. 11.
In Domino confido.
1Ayns y Chiarn ta mish cur my hreishteil, kys dy vel shiu gra eisht rish m’annym, ee dy chosney ersooyl myr eean gys y chronk?
2Son cur-my-ner, ta ny mee-chrauee loobey nyn mhow, as jannoo aarloo nyn sideyn ayns y whiver:
dy vod ad lhiggey gyn-yss orroosyn ta ynrick ayns cree.
3Son bee ny undinyn er nyn dilgey sheese:
as cre oddys y vooinjer chairagh y yannoo?
4Ta’n Chiarn ayns e hiamble casherick:
ta stoyl-reeoil y Chiarn ayns niau;
5Ta ny sooillyn echey goaill tastey jeh’n voght:
as ferroogh e hooillyn prowal cloan gheiney.
6Ta’n Chiarn lowal jeh’n sleih cairagh:
agh ta dwoaie ec e annym er y vee-chrauee, as ersyn ta sleeuit er olkys.
7Er ny mee-chrauee deayrtee eh ribbaghyn, aile as brimstone, sterrym as dorrin:
shoh vees y cronney ocsyn dy iu.
8Son ta’n Chiarn cairal graihagh er cairys:
as ver e eddin my-ner shen ny ta kiart.
தற்சமயம் தேர்ந்தெடுக்கப்பட்டது:
Psalmyn 11: PS1765
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
maintained by the British and Foreign Bible Society