Noo Mian 1
1
CAB. I.
1Lioar Sheeloghe Yeesey Creest, Mac Ghavid, Mac Abraham.
2Hooar Abraham Isaac, as hooar Isaac Jacob, as hooar Jacob Judas as e vraaraghyn.
3As hooar Judas Phares as Zarah rish Thamar, as hooar Phares Esrom, as hooar Esrom Aram.
4As hooar Aram Aminadab, as hooar Aminadab Naasson, as hooar Naasson Salmon.
5As hooar Salmon Booz rish Rachab, as hooar Booz Obed rish Ruth, as hooar Obed Jesse.
6As hooar Jesse David yn Ree, as hooar David yn Ree Solomon ree‐ish v’er ny ve Ben Urias.
7As hooar Solomon Roboam, as hooar Roboam Abia, as hooar Abia Asa.
8As hooar Asa Josaphat, as hooar Josaphat Joram, as hooar Joram Ozias.
9As hooar Ozias Joatham, as hooar Joatham Achaz, as hooar Achaz Ezekias.
10As hooar Ezekias Manasses, as hooar Manasses Amon, as hooar Amon Josias.
11As hooar Josias Jechonias as e vraaraghyn, my‐geart y tra va’d goit ersooyl nyn gappeeyn gys Babylon.
12As ayns earish yn chappeeys ayns Babylon, hooar Jechonias Salathiel, as hooar Salathiel Zorobabel.
13As hooar Zorobabel Abiud, as hooar Abiud Eliakim, as hooar Eliakim Azor.
14As hooar Azor Sadoc, as hooar Sadoc Achim, as hooar Achim Eliud.
15As hooar Eliud Eleazar, as hooar Eleazar Matthan, as hooar Matthan Jacob.
16As hooar Jacob Joseph dooinney‐poost Moirrey, jee ruggyr Yeesey, ta enmyssit Creest.
17Myr shen ta ooilley ny Sheeloghyn veih Abraham gys David, kiare Sheeloghyn jeig; as veih David derrey’n chappeeys ayns Babylon, kiare Sheeloghyn jeig; as veih’n chappeeys ayns Babylon derrey Creest, kiare Sheeloghyn jeig.
18¶ Nish va cheet er y teihl Yeesey Creest er yn aght shoh: Erreish da e Voir Moirrey ve poost rish Joseph, roish my daink ad dy vaghey cooidjagh, va liannoo er ny gheddyn dy ve aynjee, jeh’n Spyrryd Noo.
19As va Joseph e Sheshey ny ghooinney Cairagh, as liorish dy row e niau‐vooiaght yn narey eck y insh magh, ghow e ayns laue Screwnyn‐scarree chur jee gy follit.
20Agh choud as va ny reddyn shoh ayns e smooinaghtyn, cur‐my‐ner haink Ainle y Chiarn huggey ayns ashlish, gra, Yoseph Vac Ghavid, ny gow aggle Moirrey yn Ven ayd y ghoal, son shen t’er ny ye'ntyn aynjee, te jeh’n Spyrryd Noo.
21As ver ee Mac son y teihl, as enmys‐ee oo yn ennym echey Yeesey; son Sauee e e phobble veih nyn beccaghyn.
22(Nish va ooilley shoh jeant, dy voddagh shen ve cooilleenit va’n Chiarn er loart liorish y Phadeyr, gra,
23Cur‐my‐ner bee Liannoo ec Moidyn, as ver ee Mac son y teihl, as nee ad e y enmys Emmanuel, ta shen dy ghra, Jee marin)
24Tra va Joseph eisht er nirree veih cadley, ren e myr va Ainle y Chiarn er noardagh da, as ghow e thie e Ven.
25As cha row veg echey dy yianoo ree, derrey hug ee e chied Mac son y teihl, as denmys e yn Ennym echey Yeesey.
தற்சமயம் தேர்ந்தெடுக்கப்பட்டது:
Noo Mian 1: NMian
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
historic text maintained in digital form by the British and Foreign Bible Society (Sheshaght y Vible)
