Salmow 11
11
SALM 11.
In Domino confido.
1Y'n Arloedh y hwilav skovva : fatell yllowgh leverel dhe'm enev, ‘Nij dhe'n menydh avel edhen?
2Rag otta, an debeles a bleg an warak, i a dharbar aga sethow war an gordenn : rag may tennons y'n tewlder dhe'n re ewn aga holonn.
3Mars yw an selyow distruys : pandr'a yll an den gwiryon dhe wul?’
4Yma an Arloedh yn y dempel sans : yma se an Arloedh y'n nevow.
5Y dhewlagas a vir : kreghyn y dhewlagas a brev mebyon den.
6An Arloedh a brev an den gwiryon ha'n tebelwas : ha'y enev a gas an den a gar garowder.
7Ev a wra dhe golennow tan ha loskven koedha war an debeles avel glaw : gwyns gwyls a vydh kevrenn aga hanaf.
8Rag an Arloedh yw gwiryon, ev a gar ewnder : an den ewnhynsek a wel y fas.
தற்சமயம் தேர்ந்தெடுக்கப்பட்டது:
Salmow 11: ASK
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© Kesva an Taves Kernewek 1997, 2019
© Cornish Language Board 1997, 2019