JOHN PISIKHAIRAIBO
PISIKHAIRAIBO
John niu raobo Kawicham niu lenkhaibora, Jesu hai Tingwang gu tingtheng ringbo Ladkeng si-e, haise “Chamaina lun thiuwangjiu aliu ruangga lungkhai-e.” Haibo ariakkhuangniu dinbo kumjiu, Jesu hai ladriat khaibo Tingwang Nahpiu, Rankhaipiu si-e chiubo kentao lujiu malum lumai hina tingtheng ringbo daolune. (20:31).
Jesu haitu tingtheng ringbo Tingwang gu Ladkeng tu din kadakhai lujiu, pagu tasibo tienkamdung siniu pahai ladriat khaibo Tingwang Nahpiu, Rankhaipiu si-e chiubo lenkhai-e. Sibosai tasibo tienkamdung siniu katikhaibo situ suiwang-e. Sichiujiu patu suikhai mak maidung siniu malum makjiu tadi, malum lumaidung siniu pasai suilujiu tadde. Padum 13-17 lungga Jesu niu pakhommaidungtu maluang tadbo, paliutu kathuat khaibo khatdi patu jumaseng surabo katang katikhaijiu patu minbo nai nchun katangna maluang-e. Sichiujiu patu minbo, ladjan thiubo, patu jumasengjiu kamshatbo khatdi ringsu lanbo khatdi ringsulan mibo saiga pakhommaidungtu ngaolen khaibose dinkhai-e.
Maipui khattu kamakhabo gasu minlubo (8:1-11) haise khangsiagu ariakkhuang gara khai makge, chiudi khangsia maigu gara kam tasi lujiu khai-e.
John niu dimmanbo sira Khrista pen gasu tingtheng karingbo hai kalen thiujiu, chiubora Jesu hai npui-e, majibo-e khatdi karingbo si-e chiubo gasu din kada khai-e. John niu naimachangnagu lunlung gasu hiupuinagu lunlungtu din kadakhai-e, chiubora tadui, taruak kabenbo, milykhuanpiu, khatdi pagu milydung, mumsiken khatdi parasy situ din kadakhai-e.
Palungga Bambodung
Paphibang (1.1-18)
John Baptist khatdi Jesu gu karaibo pakhommaidung (1.19-51)
Jesu niu mathiu ruangga tatien thiubo (2.1—12.50)
Jerusalem lungga khatdi pamungga kanambo tingmikdung (13.1—19.42)
Rapiu ringsulanbo khatdi ngaolen khaibo (20.1-31)
Kaloibo: Galilee ga ngaolen khaibo (21.1-25)
தற்சமயம் தேர்ந்தெடுக்கப்பட்டது:
JOHN PISIKHAIRAIBO: LIANBSI
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.