ዮሃንሳ ምሽራቹዋ 15இலிருந்து பிரபலமான வேதாகம வசனங்கள்

பகிர்

“ታን ዎይንያ ቱራዉ አኖ፤ ህንተንቱ ሄ ቱራ ማራቱዋ። ታ ግዶን ደእያ ኡራይ፥ ታንካ አ ግዶን ደእያ ኡራይ፥ ዳሮ አይፍያ አይፋና፤ አያዉ ጎፐ፥ ታን ባይናን ህንተረካ አይነ ኦናዉ ዳንዳይክታ።

ታ ግዶን ደእተ፤ ታንካ ህንተንቱ ግዶን ደአና። ዎይንያ ቱራ ማራይ አኑዋና እትፐ ደኤናን ዮፐ፥ ሄ ማራይ ባረካ አይፍያ አይፋናዉ ዳንዳየናዋዳን፥ ህንተንቱካ ታ ግዶን ደኤናን ዮፐ፥ አይፍያ አይፋናዉ ዳንዳይክታ።

ህንተንቱ ታ ግዶን ደኦፐ፥ ቃይ ታ ቃላይካ ህንተንቱ ግዶን ደኦፐ፥ ህንተንቱ ኮዬዳዋ አያ ግድናካ ዎስተ፤ ህንተንቱ አካንታ።

ታን ህንተንታ ዶሬዳዋፐ አትን፥ ህንተንቱ ታና ዶርበይክታ። ህንተንቱ ቢደ አይፍያ አይፋና ማላነ ደአና ማላ፥ ታን ህንተንታ ሱንድ። ቃይ አዉካ ህንተንቱ ታ ሱንን ዎሴዳዋ ኡባ እማና።

ባረ ሸምፑዋ ባረ ላገዉ አደ እምያዋፐ አያ ሲቁ ኦስነካ ባዋ።

ታ ግዶን ደእያ አይፍያ አይፈና ቱራ ማራ ኡባ እ ካሬ፤ አይፍያ ቱራ ማራ ኡባይ ካሰዋፐ ሎይ አይፋናዳን፥ ሄ ማራ ጼራ እ ጭጊደ ጌሻና።

ታ አዛዙ ሀዋ፤ ታን ህንተንታ ሲቅያዋዳን፥ ህንተንቱካ እቱ እቱዋና ሲቀትተ።

ህንተንቱ ዳሮ አይፍያ አይፎፐነ ቃይ ታና ካልያዋንታ ግዶፐ፥ ሄዋን ታ አቡ ቦንቼታናዋ።

“ታን ዎይንያ ጌተትያ ቱራዉ ቱሙ አኖ፤ ጎሻንቻይ ታ አባ።

ታ ግዶን ደኤና ኡራይ ቱራ ማራዳን፥ ካረን የግና መሌዳዋ ሺሺደ ታማን ዎና፥ እ ኤጻናዋ።

“ታ ናሸቻይ ህንተናና ደአና ማላነ፥ ህንተንቱ ናሸቻይ ኩመን ግዳና ማላ፥ ታን ሀዋ ህንተንቶ ኦዳድ።

ታን ታ አቡ አዛዙዋ ናጋደ አ ሲቁዋን ደኤዳዋዳን፥ ህንተንቱካ ታ አዛዙዋ ናጎፐ፥ ታ ሲቁዋን ደአንታ።

ታን ህንተንታ አዛዝያዌ ሀዋ፤ እቱ እቱዋና ሲቀትተ።

ህንተንቱ አላምያሳ ግዴደንቶ፥ አላሚ ባረዋዳን ህንተንታ ሲቃና፤ ሽን ታን ህንተንታ አላምያፐ ዶሬዳዋፐ አትን፥ ህንተንቱ አላምያሳ ግድክታ፤ አላሚ ህንተንታ እጽያዌ ሀዋሳ።