Lukas 16இலிருந்து பிரபலமான வேதாகம வசனங்கள்

பகிர்

Yesusdi aupu pepu dingeda, aupu ton cap dukdongopra pepu. “Ware neng do yuma, sun deiyo nengdi, ‘Ukupra pel dopkurume,’ pepra yambul kecapu dopra deipmengepa, akeca dopra pel moupra telep kupra pel donge nengda, amenda taruda, sun deiyo nengdi ila mambul keca peda, weika di karepmengopda, anengdi akeca dopra, pio teleppu pel donkamenge. Dinino, ware neng do yuma, sun deiyo nengdi metek kecapu karepmengepa, akeca dopra inipmengedi, mok upu pertamengedi, upula dopropmengopda, amenda taru anengda, sun deiyo nengdi ila mambul keca peda, weika di karepmengopda, inipmengedi mok upu pertamnapu kunkamenge. Sun dipru mali neng kununga tep, malipu kunkamenga tepa.

Upepudi aupu ton pepu. “Ware neng do yuma, sun deiyo neng butene neng kuprengopda, tenpu taru neitamai di, abutene neng tep, ton ngebo tep dipru kareprap pel doapmengedi, ton yuk ngebo tep yuk pel doap, men keptenge. Tenpu pel don ngebodi, er deiyo neng butene neng kuretenge pangeda, tenpu ngebodi abutene neng tep pel men doptue. Er deiyo neng butene neng tep, dipru kareprap, ton ngebo pel doap, ton ngebo pel doap, men keptue. Ato pel don nengda, ton deiyo ngebo tep, dipru kareprap, ton deiyo ngebo tep, song teneprap kunkamenge. Tonda, sun deiyo neng butene keprengepa, ton deiyo ngebo tep, pio talepra kunkamenge. Ton deiyo ngebo tep, dabale kuprepa, tapkamenge. Er pel deiyo neng butene neng kuretengopda, ton ngebo tep, song tenepra tapredi, ton ngebo tep, kange deipra melimredi pel donkamre. Ton ngeboda, tapkamre, ton ngeboda, pio talenkamre. Aupu pepmasentopu, Allah cap, yuk tali keca cap, kikiman talepra men pel doptume. Ada, Allah cap, co bo cap, tonda yuk tali tuai keca yuma cap tep, kikiman talepra men pel doptume. Tenpungepu wepra talenkamrume,” Yesusdi pepu.

Ange tep nengeda, sun peda utopu, tuai kunumna kecapu karepsengepa, moupra telep kupra men pel dopmumdi, upula dopropmumnyopda, amendada ware ngebodi tek sisi ila mambul im deiki keca ton karepkamser do? Ada men kupmanto. Sunda dipru mali neng cadi, im deiki ila mambul kecada, Allahdi men karepkamsere. Tonda, ange utopu, sundi yuk neng talenge bunga moupra men talepmumdi, dumsisipu men kupmumyopda, ware ngebodi, sun pe keca karepkamser do? Ada men kupmanto. Sun mali kumum neng cadi, sun pe keca men karepkamsere,” Yesusdi pepu.

Aisomka ngebodi upepu dinin, Abrahamdi tamupra pepu. “Gume, Allahdi ‘Ukunkamrume, angeda men kunkamrume,’ peiamupa, Musadi sekeiamu upu cap, Allah upu jenek perami neng, nabi nengdi sengami upu cap, men gekepmengopda, depmatu ngebo gam buktudi, sun damai bena lap peptua peda, teka men tenepkamenge,” pepu. Ada Abrahamdi aisomka ngebo tep pepu. Aupu yumada, Yesusdi pepu.

Ne tek sisi pepsene. Ware ngebo do yuma, er domu ner sisa tapredi, yuk ner ton dopyopda, ada nimidi yuk nerapu upula tali nyangtamengtopu kurura tep, ukunada, pio meme. Tonda, ware ngebo do yuma, yuk nengdi domenganen, tamenge ner dopra dopyopda, ada yuk nengdi tali ner nyangtamengtopu kurure. Ange peda pio mali kuna pepsene.” Yesusdi Farisi neng tep pepu.