Lukas 15இலிருந்து பிரபலமான வேதாகம வசனங்கள்

பகிர்

Utenepudi, amutu tapra er nai damai tamupra beu. Bisai uyakanmaupa, er nai ati dam tekra dinmauadi, er mi karen uyakanmaupa epu. Epu dingeda, er mi tep bicau kupupa, sepdaro beudi, bena iriprap mutupu.

Ada tali tep gume. Ne mi yanmanerada, dena utopu kwamu dinin, ukutaruda, gam bungdongoramenga utopu kupre. Tonda, ne mi dimpemneu dinin, konum yanmarpa epmapa cadi, kailya kaleprumupa, pingpinga di jepkupe,” pepu. Upepka tep, sun yuma kange deipidi, kailya gonga kepra kalepi.

Upepudi aupu ton pepu. “Adomon upu pepmasentopu, sun nai Allah im deiki kurur ngebo, er kangeda, nimi tenpu ngebo pe ton, er mali kure keca tapredi, dumsisipu kuryopda, kange pio telep derirure. Yuk nesala denge weik, 99 neng mali men kungedi, tupa dumsisipu kungepa, er kange yambul telep derirure dinin, mali nengdi sun mali kun keca tapra, dumsisi kungopda, ila kange derirure.” Yesusdi sun Farisi neng cap, Musa sekeiamu upu peteremna deiyo neng cap tep aupu pepu.

Ange tep nengeda, ne nai damai tamupra benedi, upepkamne. “Naio, Allah cap, kan cap tep pio mali kuramsi.

Ukupu pangeda, er midi er nai tep pepu. “Uo ne naio, Allah cap, kan cap tep, pio mali kwamsa cadi, amenda taru yumada, kandi ne tep, ‘Ada ne mi,’ men penkamnerume,” pepu.

“Sun kangeda, ware tenepmarum do? Tenpu ngebo er domba bisam 100 kuramenge dinin, tenpungepu yukai embanmaryanen, tu pepyopda, domba bisam 99 nge ataprap, tu pepmarenge tep erbarur do, ‘Dakwapye’ tenen, kaukemrur do? Gume, ‘Tu pepmarenge epkun’ tenen, epra embanmaryanen, epre dingeda, ‘Akonum epmane’ tenen, kange deirure.