YOHANA 15இலிருந்து பிரபலமான வேதாகம வசனங்கள்

பகிர்

“Isie nisie omutsabibu, nenywe ninywe amasaka. Omundu yesi yesi oumenya mwisie, nasi nimenya muye, alama ebiamo ebinji, shichila shimunyala okhukhola eshindu shiosi shiosi nimulamenya mwisie tawe.

Mumenyenje mwisie, nasi ndalamenya mwinywe. Lisaka shilinyala okhwama ebiamo khubwalio lionyene tawe, habula liamanga nilishili khumutsabibu. Munjila ndala yene eyo, inywe shimunyala okhwama ebiamo nimulamenya mwisie tawe.

Nimuba nimumenya mwisie, nako amakhuwa kanje nikamenya mwinywe, mulasaba eshindu shiosi shiosi ne mulahebwa.

Inywe shimwayanzahula ta, habula nisie owamwahula inywe ne nimuraho mbu, mutsie mwame ebiamo ebinji, ebimenya inziayo. Mana Papa alamuhelesia inywe liosi liosi elia mumusaba muliira lianje.

Obuheeli obukhongo bwomundu akhoyile okhuba ninabwo khubetsabe, nokhuhaana obulamubwe khulwa bo.

Aremanga buli lisaka mwisie elilamanga ebiamo ta, ne akhalilanga buli lisaka eliamanga ebiamo kho mbu, libe lilayi nilimeeta okhwama ebiamo ebinji.

Lilako lianje khwinywe ndielino mbu muheelanenje abeene khu beene, shinga olwa isie ndamuheela inywe.

Oluyali lwa Papa wanje lulolesibungwa ninenywe khulwa inywe okhwama ebiamo ebinji, ne munjila yino mwikhola abeechi banje.

“Isie nisie omutsabibu kwatoto, naye Papa wanje niye omukholi womumukunda wakwo.

Omundu yesi yesi oulamenya mwisie ta, alasukunwa elwanyi shinga lisaka ne naniala. Amasaka shinga kano kakhung'asibwa nikasukunwa mumulilo nikasaambwa.

“Emubooleele amakhuwa ako kho mbu, omwikhoyo kwanje kube mwinywe khandi mbu, okhwikhoya khwenywe khube okhwitsuule.

Nimuba nimukhola kamalako kanje kenya, mulamenya mubuheeli bwanje, shinga olwa siesi ekholanga kamalako ka Papa yenya mana emenyanga mubuheelibwe.

Kho bulano emulaka inywe mbu, muheelanenje abeene khu beene.”

Nimwakhabeele abomushialo, khane abomushialo bakhamuheelile shinga abashiabwe. Nebutswa ndamwahula okhurula mushialo shino, khulweshio, shimuli abomushialo shino ta, niko akachila abomushialo nibamusila inywe.