Лукаца бицараб Рохалил хабар 23இலிருந்து பிரபலமான வேதாகம வசனங்கள்

பகிர்

Гӏисаца абуна: – Я, дир Эмен! Гьазда тӏасалъугьа мун. Жидецаго гьабулеб бугеб жо гьазда лъалеб гьечӏо, – ян. Рагъухъаби рукӏана, можоро тӏамун, гьасул ретӏел жидедаго гьоркьоб бикьулел.

Гӏисаца гьесда абуна: – Хӏакълъун абулеб буго дица дуда: жакъаго дида аскӏов алжаналъувин мун вукӏине вугев!

Гӏисадехун гьес абуна: – Я, Гӏиса, Парччахӏлъун мун вачӏараб мехалъ, дунги ракӏалде щва дуда, – ян.

Цо гучаб гьаракь гьабун ахӏана Гӏисаца: – Я, дир Эмен! Дуда кодобе кьолеб буго дица дирго рухӏ! Гьедин абун хадуб гьесул рухӏ босун ана.

«Гвангвара» абулеб бакӏалде щведал, Гӏиса хъанчида вана; цояв кваранаб рахъалда, цогидавги квегӏаб рахъалда – дов кӏиявго хъачагъги вана хъанчида.

Къалъулеб гӏужалда бакъ ккуна. Къалъудаса лъабго сагӏат инегӏан тӏолабго дуниял бецӏлъана. Мукъадасаб Рукъалъул бищунго хирияб рокъоб бигъун букӏараб пардав бакьулъа бихъун ана.

Гьеб бихьарав Мукъадасаб Рукъ цӏунулел рагъухъабазул нусилбетӏерас, Аллагьасе рецц гьабун, абуна: – Хӏакъикъаталдаги вацӏцӏадав чи вукӏун вуго гьав.