YOHANIS 15இலிருந்து பிரபலமான வேதாகம வசனங்கள்

பகிர்

Iyoho' no i guas dot anggur om iyokoyu i raan di guas dot anggur. Iri nopo tulun di poingiso' kasai' doho' om poingiso' oku iyoho' dau om mongua' no dot asapou; tu' ondung potongkiad kou doho', om aiso' i' o milo dokoyu'd wonsoyon.

Miso' kasai' kou no doho' om poingiso' kasai' oku indo iyoho' dokoyu. Iri nopo raan om a' i' milo do mongua' dot ondung a' poindokot kasai' di guas. Om iyokoyu nga' milo nopod mongua' om poingiso' kasai' kou doho'.

Ondung poingiso' kasai' kou doho' om poingopi' dot id suang do ginawo dokoyu i ponudukan ku, om pokianu kou no di Tapa' do nunu nopo i korohian dokoyu; om patahakon indo dau i pokionuon dokoyu'ddi.

Okon i' ko' iyokoyu o minomili' doho', suwai ko' iyoho' o minomili' dokoyu, om iyoho' o monuhu' dokoyu do mongua'd asapou — i tua' dit a' rumaag. Om onuan kou indo di Tapa' do nunu nopo i pokionuon dokoyu dau dot id suang do ngaran ku.

Tulun nopo dit osianan kopio do tambalut dau om uhang no dot iyau ot apatai ko' apatai po i tambalut dau.

Pointikid-tikid do raan dit a' mongua', om tutuon no dau, om pointikid-tikid do raan di mongua' om piralapan dau o roun, om pillanggaan dau i raan om sumapou indo o tua'.

Iti no o ponuhuan ku: pogiinsian-sian kou no do miagal doho' tu' nosianan dokoyu.

Ondung ogumu' o tua' dokoyu, om koinggayo no i Tapa' ku; om osiliu kou nondo kopio do tumatanud ku.

Om boros ka kawagu di Yesus, “Iyoho' no o miagal do guas dot anggur dit otopot kopio, om i Tapa' ku o gompomogompi' di guas dot anggur.

Iri nopondo tulun dit a' poingiso' doho' om pataamon no do miagal di raan, om rumiou nondo. Om iri nopo raan do miagal diri om timungon nondo om pataamon do hiri'd tapui do tutudan.

Posunudon ngai' ku nopo iti dot id dokoyu, om haro i' o kataadan di mantad id doho' dot id suang do ginawo dokoyu, om otood kou indo kopio om aiso' o koiyo di kataadan dokoyu'ddi.

Ondung mumboyo' kou di ponuhuan ku, om ogirot kasai' kou no dot id kosianan ku, do miagal doho' tu' ogirot kasai' dot id kosianan di Tapa' tu' mumboyo' oku i' di pinonuhuan dau.

Iti no o ponuhuan ku dokoyu: Pogiinsian-sian kou no,” ka di Yesus.

Ondung posokodung kou diti tulun do hiti'd pomogunan, om kosianan kou i' daa diyolo' do miagal di tulun di kosokodung diyolo'. Nga' nopili' ku no iyokoyu om a' kou i' posokodung di tulun do hiti'd pomogunan, om a' kou noddi kosokodung diyolo'. Om iri no o kokuwaan dot araatan dokoyu iti tulun do hiti'd pomogunan.