YOHANIS 13இலிருந்து பிரபலமான வேதாகம வசனங்கள்

பகிர்

Iti no o ponuhuan do wagu do poboroson ku dot id dokoyu: Pogiinsian-sian kou no. Om poingkuro oku nopo do nosianan dokoyu, om apatut dot iyokoyu nga' iyo nogiddi do mogiinsian-sian. Ondung mogiinsian-sian kou, om oinsanan nopondo o tulun do koilo do tumatanud kou doho',” ka di Yesus.

Om ondung mongoug oku do lapap dokoyu, iyoho' i Tuhan om Guru dokoyu, om iyokoyu nga' apatut nogi' do mogioug-oug do lapap. Om winonsoi ku o miagal diri do maan dokoyu'd omitanan, om momonsoi kou indo iyokoyu do miagal di winonsoi ku dot id dokoyu.

Om boros ka di Yesus do suminimbar, “A' ko po kosuhut diti wonsoyon ku do dinondo poo, nga' kosuhut ko indo do koimbagu,” ka.

Otopot i' kopio iti poboroson ku dot id dokoyu do poingkaa: turipon nopo om a' i' agayo ko' i tuan dau, om i sinuhu' nga' a' i' agayo ko' i minonuhu'.

Ondung nongoilaan ngai' dokoyu iti, om olumaag kou no ondung wonsoyon dokoyu o miagal diti.

Om iri noddi o kinoingkakatan dau, mikuwo'd minongidu' di rasuk dau dit id soibau, om poogkoso' no dau o tuala' dot id tawak dau. Om potungu noddi iyau do waig dot id iso' o mimpun, om timpuun no do mongoug do lapap di tumatanud dau. Om i tuala do poingagkos dau o pomihid dau.