YOHANIS 12இலிருந்து பிரபலமான வேதாகம வசனங்கள்

பகிர்

Tulun nopo dit orohian do momonsoi'd karaja' ku om mositi' no do tumanud doho'; om kowoyo' indo doho' do hinonggo oku nopo do poundorong. Tulun nopo di momonsoi'd karaja' ku om momusou no di Tapa' ku,” ka di Yesus.

Tulun nopo dit osianan do dau'd koposion om okon nogi' dot atagakan di koposion dau. Nga' tulun nopo dit okon ko' dau nod koposion o kosianan do hiti'd pomogunan diti, om ogompi' nogindo dau iri do kumaa dot id koposion dit otopot kopio om i poingompus.

Otopot i' kopio iti poboroson ku do poingkaa: Ondung a' potonomon do hilo'd tana' o sowatu o gandum do gisom dot apatai iri, om sowatu-watu kasai' no iri. Nga' ondung apatai i sowatu o gandum diri, om milo nogindo do mongua' dot asapou.

Ruminikot oku do hiti'd pomogunan do miagal do tanawau, om a' indo koundorong dot id totuong o koinsanai'd tulun dit otumbayaan doho'.

Tulun nopo di korongou do ponudukan ku, om a' indo tumanud diri, om okon no ko' iyoho' o momohukum dau. Tu' okon i' ko' mongoi pomohukum o kinorikatan ku do hiti'd pomogunan, suwai ko' mongoi pamasi'd tulun do hiti'd pomogunan.

Om rikot noddi i Maria do kiinigit do tumau dit owongi' om agayo gatang, do haro i' doti' o satanga' lito do kogoyoo' di tumau'ddi. Om potuntugo' no dau i tumau'ddi do hiri'd kolung di Yesus, om luhado' nogiddi dau di tobuk dau. Om koponu' nopoddi di winongi' di tumau'ddi o hiri'd walai.

Om ongoi noddi iyolo' panganu do papa' do palma, om ngoyo' no diyolo' rubao' i Yesus, do mikuwo'd sanggara-gara' do popimboros do poingkaa, “Royohon no o Kinorohingan! Barakatan nod Kinorohingan i rumikot dot id suang do ngaran do Tuhan. Barakatan nod Kinorohingan i Raja' dot Israil!” ka diyolo'.

Om boros ka di Yesus dot id diyolo', “Norikot noddi i maso do poinggoyoon i Tanak do Tulun.