Soma Biblia Kila Siku 01/2024Mfano

Tunaposingiziwa kwa mambo tusiyoyatenda inauma sana. Ndivyo ilivyompata Dauti. Analalamika kwa kusingiziwa mambo ya uongo toka kwa maadui zake. Katika mazingira hayo, bado Daudi anaweka mategemea yako kwa Mungu na kuamini kuwa Mungu hatawaruhusu maadui zake wapate ushindi juu yake. Daudi anaona vema kwamba badala ya kutumia kinywa chake kuwalaumu maadui zake, yeye atumie midomo na kinywa chake kueleza sifa na haki ya Mungu. Ombi lake kubwa ni kwamba uovu ushindwe na haki ipate ushindi (m.26-28,Waaibishwe, wafedheheshwe pamoja, Wanaoifurahia hali yangu mbaya. Wavikwe aibu na fedheha, Wanaojikuza juu yangu. Washangilie na kufurahi, Wapendezwao na haki yangu. Naam, waseme daima, Atukuzwe Bwana, Apendezwaye na amani ya mtumishi wake. Na ulimi wangu utanena haki yako, Na sifa zako mchana kutwa).