Hekima Ya KirohoMfano

Hekima ya kiroho haichanganyi mtazamo wa Mungu na mtazamo wake mwanadamu.

Katika barua ya Yakobo, tunaona kwamba kuna aina mbili za hekima: hekima ya “kidunia” na “hekima itokayo juu” (Yakobo 3:15 – 17). Hekima ya kidunia imewekewa mipaka na dhambi na ukomo wa mwanadamu; hata hivyo, hekima itokayo juu—hekima ya Mungu—ni safi, yenye upole, imejaa rehema, isiyoyumba yumba, na haina unafiki (Yakobo 3:17).

Watu wengi huchanganya hekima ya Mungu na hekima ya kidunia inayojumuisha maoni kutoka kwa familia, marafiki, televisheni, na magazeti; hata hivyo, ili kupata hekima inayotoka juu, ni lazima tuliendee Neno la Mungu na kupata maoni Yake kwanza.

Katika barabara ya uzima, mara nyingi tutafika kwenye makutano, hali ambazo tutahisi tumepotea, tukishangaa ni mwelekeo gani wa kuchukua na maamuzi gani ya kufanya. Lakini ikiwa tunaendelea kukua katika ujuzi wetu wa Mungu kwa kujifunza Neno lake, tutapewa manufaa ya roho ya hekima na ufunuo (Waefeso 2:17) ambayo itatuandaa kuendelea katika njia ifaayo—maelekezo ya Mungu—haidhuru kila sehemu isiyonyoofu na iliyopinda pinda tunazokutana nazo.

Utapata wapi ushauri wa kufanya kuhusu maamuzi yako? Unatafuta ushauri wa nani mara kwa mara? Kuchanganyikiwa hutokea wakati aina mbili za hekima zinachanganywa. Je, shauri unalopokea linakuelekeza kwenye “hekima inayotoka juu”—mtazamo wa Mungu kuhusu hali zako—au kuelekea “hekima ya kidunia”?

Tunatumai kuwa mpango huu umekuhimiza. Ili ujue zaid kuhusu huduma ya Tony Evans, bofya hapa.