Soma Biblia Kila Siku Machi 2021Mfano

Katika somo hili unatumika mfano wa mwili wa binadamu ili hali ya Kanisa ieleweke zaidi. Mwili unaundwa na viungo vingi. Kila kiungo kipo kwa lengo na kazi maalumu. Kila kiungo kina manufaa na umuhimu wake. Kanisa ni mwili wa Kristo. Kristo anaonekana duniani kwa njia ya kanisa. Kila Mkristo ni kiungo cha thamani na bora katika mwili huu. Furahia zawadi ya kuwa sehemu muhimu ya mwili wa Kristo. Kumbuka kuwaambia waumini walio viungo tofauti vya mwili huu kwamba unawahitaji!