Somabiblia Kila Siku 3Mfano

Yesu huwatia moyo wanafunzi kwa kuwaambia kwamba akisharudi kwa Baba yake atawapelekea Msaidizi. Jina lingine ni Roho wa kweli au Roho Mtakatifu (Yn 14:25; 15:26 na 16:5-7). Kazi yake itakuwa ni kuwaokoa wanadamu (m.8-11) na kuwatia wanafunzi wa Yesu katika kweli yote (m.13). Zaidi sana atamshuhudia na kumtukuza Yesu kwao(15:26; 16:14 na 17:10). Ikiwa YESU anashuhudiwa na kutukuzwa maishani mwako ni dalili moja muhimukuwa Roho wa kwelihufanya kazi ndani yako! Wapenzi, msiiamini kila roho, bali zijaribuni hizo roho, kwamba zimetokana na Mungu; kwa sababu manabii wa uongo wengi wametokea duniani. Katika hili mwamjua Roho wa Mungu; kila roho ikiriyo kwamba Yesu Kristo amekuja katika mwili yatokana na Mungu. Na kila roho isiyomkiri Yesu haitokani na Mungu. Na hii ndiyo roho ya mpinga Kristo ambayo mmesikia kwamba yaja; na sasa imekwisha kuwako duniani(1 Yoh 4:1-3).