Zaburi 44:17-22

Shirikisha

Zaburi 44:17-22 Biblia Habari Njema (BHN)

Hayo yote yametupata sisi ijapokuwa hatujakusahau, wala hatujavunja agano lako. Hatujakuasi wewe, wala hatujaziacha njia zako. Hata hivyo umetuacha hoi kati ya wanyama wakali; umetuacha katika giza kuu. Tungalikuwa tumekusahau wewe Mungu wetu, tukamkimbilia mungu wa uongo, ee Mungu, ungalikwisha jua jambo hilo, kwa maana wewe wazijua siri za moyoni. Lakini kwa ajili yako twakikabili kifo kila siku; tunatendewa kama kondoo wanaopelekwa kuchinjwa.

Zaburi 44:17-22 Swahili Revised Union Version (SRUV)

Haya yote yametupata, bali hatukukusahau, Wala hatukulivunja agano lako. Hatukuiacha mioyo yetu irudi nyuma, Wala hatua zetu hazikuiacha njia yako, Japo ulituponda katika pango la mbwamwitu, Na kutufunika kwa uvuli wa mauti. Ikiwa tumelisahau jina la Mungu wetu, Au kumnyoshea mungu mgeni mikono yetu; Je! Mungu hangegundua jambo hilo? Maana ndiye azijuaye siri za moyo. Hasha! Kwa ajili yako tunauawa mchana kutwa; Tunafanywa kama kondoo waendao kuchinjwa.

Zaburi 44:17-22 Maandiko Matakatifu ya Mungu Yaitwayo Biblia (SUV)

Haya yote yametupata, bali hatukukusahau, Wala hatukulihalifu agano lako. Hatukuiacha mioyo yetu irudi nyuma, Wala hatua zetu hazikuiacha njia yako. Hata utuponde katika kao la mbwa-mwitu, Na kutufunika kwa uvuli wa mauti. Ikiwa tumelisahau jina la Mungu wetu, Au kumnyoshea mungu mgeni mikono yetu; Je! Mungu hatalichunguza neno hilo? Maana ndiye azijuaye siri za moyo. Hasha! Kwa ajili yako tunauawa mchana kutwa; Tunafanywa kondoo waendao kuchinjwa.

Zaburi 44:17-22 Neno: Bibilia Takatifu (NEN)

Hayo yote yametutokea, ingawa tulikuwa hatujakusahau wala hatujaenda kinyume na agano lako. Mioyo yetu ilikuwa haijarudi nyuma; nyayo zetu zilikuwa hazijaiacha njia yako. Lakini ulituponda na kutufanya makao ya mbweha, na ukatufunika kwa giza nene. Kama tungalikuwa tumelisahau jina la Mungu wetu au kunyooshea mikono yetu kwa mungu mgeni, je, Mungu hangaligundua hili, kwa kuwa anazijua siri za moyo? Hata hivyo kwa ajili yako tunauawa mchana kutwa; tumehesabiwa kama kondoo wa kuchinjwa.