Zaburi 67
67
Wimbo wa shukrani
(Kwa Mwimbishaji: Na ala za nyuzi za muziki. Zaburi. Wimbo)
1Utuonee huruma, ee Mungu, utubariki;
utuelekezee uso wako kwa wema;
2dunia yote ipate kutambua njia yako,
mataifa yote yajue nguvu yako ya kuokoa.
3Watu wote wakutukuze, ee Mungu;
watu wote na wakusifu!
4Mataifa yote yafurahi na kuimba kwa furaha;
maana wawahukumu watu kwa haki,
na kuyaongoza mataifa duniani.
5Watu wote wakutukuze, ee Mungu;
watu wote na wakusifu!
6Nchi imetoa mazao yake;
Mungu, Mungu wetu, ametubariki.
7Mungu aendelee kutubariki.
Watu wote duniani na wamche.
Iliyochaguliwa sasa
Zaburi 67: BHN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia Habari Njema kwa Watu Wote (Yenye Vitabu vya Deuterokanoni): Tafsiri ya Ushirikiano wa Makanisa (BHN): Hakimiliki -1995, 2001: kwa Chama cha Biblia cha Tanzania na Chama cha Biblia cha Kenya. Haki zote zimehifadhiwa.