Juan 7

Wawqinkunapis Jesúsman mana creyiyanqan

1Tsëpitanam Galileachö këkaq markakunapa Jesús purirqan. Judea provinciapaqa manam ëwëta munarqantsu Israel autoridäkuna wanutsita munayaptin.

2Israel nunakunapa Ramäda fiestanpaq#Lev. 23.34; Deut. 16.13. ichikllana pishikaptinnam 3Jesústa wawqinkuna kënö niyarqan: <<Milagru rurashqëkita discïpulïkikuna rikäyänanpaq Judeaman ëwë. 4Reqishqa këta munarqa manam këllachötsu milagruta rurankiman, sinöqa llapan nunakuna rikäyänanpaq rurë>>.

5Jesúspa wawqinkuna tsënö niyarqan pëman mana creyirmi.

6Tsëmi wawqinkunata Jesús kënö nirqan: <<Noqa ëwanäpaq manam hörä chämunraqtsu. Tsënö kaptinpis qamkunaqa imë hörapis ëwayankimanmi. 7Qamkunataqa nunakuna manam chikiyäshunkitsu. Noqatam sï rurëninkuna mana alli kashqanta niptï chikiyäman. 8Tsë fiestamanqa qamkunalla ëwayë. Noqa ëwanäpaqqa manam hörä chämunraqtsu>>.

9Tsënö nirmi Galileachö Jesús quedakurqan.

Ramäda fiestaman Jesús ëwanqan

10Wawqinkuna jeqariyaptinnam Jesúspis ratakïllapa Ramäda fiestaman ëwarqan. 11Jesústa fiestachö ashirpis mana tarirnam Israel autoridäkuna niyarqan: <<¿Mëchöraq tsë nuna këkan?>>

12Jerusalénchö juntarëkaq wakin nunakunam niyarqan: <<Jesúsqa alli nunam>>.

Y wakin kaqnam niyarqan: <<Llutantam yachatsikun>>.

13Israel autoridäkunata mantsakurmi kikinkunapuralla tsënö parlayarqan.

14Fiesta pullanchö këkaptinnam templupa patiunman yëkïkur Jesús yachatsikur qallëkurqan. 15Yachatsikushqanta wiyëkurmi Israel nunakuna espantakur niyarqan: <<Ley yachatsikuqkunawanpis mana purishqa këkar ¿imanöparaq kë nuna tsëläya yachëkun?>>

16Jesúsnam nirqan: <<Yachatsikushqäqa manam kikïpa yarpënïllapitatsu, sinöqa kachamaqnï Teyta Diospitam. 17Pipis Teyta Dios munashqanta rurëta munarqa yachatsishqäkuna Diospita kashqanta o yarpënïllapita kashqantapis käyikunqam.

18<<Kikinpa yarpëninllapita yachatsikuqkunaqa alabashqa këta munarllam yachatsikuyan. Tsënö kaptinpis noqaqa kachamaqnï Teyta Dios alabashqa kananpaqmi rasun kaqllata yachatsikü. 19Qamkunaqa Moisés qellqashqan leykunata chaskishqa këkarpis manam mëqëkipis cumpliyankitsu. ¿Imanirtaq wanutsimëta munëkäyanki?>>

20Nunakunanam niyarqan: <<¿Pitaq qamta wanutsita munëkäshunki? ¡Supëmi qamtaqa löcuyëkätsishunki!>>

21Jesúsnam nirqan: <<Jamakï junaqchö milagruta ruranqäpitam#Juan 5.1-9. qamkuna piñakurkuyanki. 22Käyikuyë. Ollqu wamrata señalanantsikpaqmi Moisés yachatsikurqan.#Lev. 12.3. (Moisés tsënö yachatsiptinpis tsë costumbriqa karqan Abrahampita patsanam.)#Gén. 17.10. Moisés qellqashqankunata cumplir ¿manaku jamakï junaq këkaptinpis ollqu wamrata señalayanki? 23Ollqu wamrëkikunata jamakï junaq këkaptinpis señalëkarqa ¿imanirtaq piñakurkuyanki jamakï junaqchö qeshyaq nunata kachakëkatsiptï?#Juan 5.9-10, 16. 24Alliraq mana käyikarqa ama llutanta parlayëtsu. Alli tantiyëkurraq parlayë>>.

Mëpita kanqantapis Jesús willakunqan

25Tsëmi Jerusalénchö täraq wakin nunakuna kënö niyarqan: <<¿Manaku kë nunaqa wanutsiyänanpaq ashiyanqan nuna? 26Llapanpa nöpanchö yachatsikuptinpis manataq pipis ima niyantsu. ¿Teyta Dios kachamushqan Cristo kashqantatsuraq mandakuqkunapis yarpëkäyan? 27Noqantsikqa tsë nuna më markapita kashqantapis musyantsikmi. Teyta Dios kachamushqan Cristo shamuptinqa manam mëpita kashqantapis pipis musyanqatsu>>.

28Tsënö parlëkäyashqanta musyarirnam templupa patiunchö yachatsikïkar Jesús qaparipa nirqan: <<Pï kashqäta reqiyämaptikipis y mëpita shamushqäta musyayaptikipis manam kikïpa munënïllapitatsu shamurqü, sinöqa Teyta Dios kachamaptinmi shamurqü. Pëtaqa manam reqiyankitsu. 29Pë kachamashqa kaptinmi noqaqa pëta reqï>>.

30Tsënö niptinnam autoridäkuna Jesústa prësu tsarita munayarqan. Tsënö kaptinpis höran manaraq kaptinmi tsariyarqantsu. 31Y atskaq nunakunam pëman creyir niyarqan: <<Teyta Dios kachamushqan Cristo shamurqa kë nuna milagruta ruranqanpita ¿mastatsuraq ruranqa?>>

Fariseukuna Jesústa prësu tsariyämunanpaq kachayanqan

32Jesúspaq parlëkäyashqanta wiyarirnam mandakuq sacerdötikunawan fariseukuna Jesústa prësu tsariyämunanpaq templu täpaq wardiakunata kachayarqan. 33Manaraq chäyaptinnam Jesús nirqan: <<Ichikllanam qamkunawan karishaq. Kachamaq kaqmannam ewkushaq. 34Noqa ëwanqä kaqmanqa manam ëwëta puëdiyankitsu. Ashiyämarpis manam tariyämankitsu>>.

35Jesús tsënö niptinnam Israel autoridäkuna kikinpura kënö ninakuyarqan: <<Mana tarinantsikpaq ¿mëparaq ewkunqa? ¿Juk nacionchö täraq marka mayintsikkunaman yachatsiqtsuraq ëwanqa? Tsëchöqa capaz griego nunakunatapis yachatsinqa. 36¿Imanirtaq <ashirpis manam tariyämankitsu> nimantsik? ¿Imanirtaq <ëwashqämanqa manam ëwëta puëdiyankitsu> nimantsik?>>

Kawatsikuq yakupaq ninqan

37 Ramäda fiestapa diyan junaqnam#Lev. 23.36; Núm. 29.35. llapan nunakuna wiyayänanpaq Jesús qaparipa nirqan: <<Pipis yakunaq kaqqa noqaman shamur uputsun.#Juan 4.13-14. 38Teyta Diospa palabran nishqannömi noqaman markäkamuqkunapa shonqunpita kawatsikuq yaku mayunöraq yarqamunqa>>.

39Tsënö nirmi Jesús käyitsikurqan pëman markäkuqkuna Espíritu Santuta chaskiyänanpaq kashqanta. Tsë tiempuqa Espíritu Santu manaran shamurqanraqtsu. Gloriaman Jesús kutikuptinran shamurqan.

Nunakuna rakikäkuriyanqan

40Jesús tsënö nishqanta wiyarirnam wakin nunakuna niyarqan: <<Moisés nishqannö shamunanpaq kaq profëtam pëqa këkan>>.#Deut. 18.15, 18.

41Wakinkunam niyarqan: <<Pëqa Teyta Dios kachamushqan Cristum>>.

Y wakinkunanam niyarqan: <<¿Imanöpash Galileapitaqa Cristo shamunman? 42Teyta Diospa palabranmi nikan rey Davidpa castanpita Cristo kananpaq kashqanta.#2Sam. 7.12-13; Sal. 89.3-4; 132.11-12. Tsënöllam nikan David tärashqan Belénchöraq yurikunanpaq kashqanta>>.#Miq. 5.2.

43Tsënö nirmi Jesús rëkur kikinpura rakikäkuriyarqan. 44Chikiq kaqkunam prësu tsarita munayarqan. Tsënö karpis manam mëqanpis almitiyarqantsu.

Israel autoridäkuna mana creyiyanqan

45Tsëpitanam mandakuq sacerdötikunawan fariseukuna këkäyashqanman templu täpaq wardiakuna kutikuyarqan. Chäriyaptinnam tapuyarqan: <<¿Imanirtaq Jesústa prësu apayämurqunkitsu?>>

46Wardiakunanam niyarqan: <<¡Pë parlashqannöqa manam pipis parlantsu!>>

47Tsënö niyaptinmi fariseukuna niyarqan: <<¿Qamkunatapis creyiratsiyäshurqunkiku? 48Tsë nunataqa manam mëqan autoridäkunapis ni fariseo mayïkunapis creyiyantsu. 49Moisés qellqashqan leykunata mana yachaq nunakunallam pëtaqa creyiyan. ¡Tsë nunakunaqa maldisishqam këkäyan!>>

50Tsënö niyaptinnam Jesúsman ëwaq fariseo Nicodemo#Juan 3.1-2. nirqan: 51<<Leynintsikkuna nishqannöpis pitapis acusanantsikpaqqa kikin parlashqantaran puntata wiyanantsik y rurashqankunataran alli rikänantsik>>.

52Tsëmi fariseukuna kënö niyarqan: <<¿Qampis pëman qaqänëkipaq marka mayinku kanki? Maski Teyta Diospa palabranta alli leyi. ¡Manam imëpis nimantsiktsu Galileapita profëta kananpaq kashqanta!>>

53[Tsëpitanam wayinkunapana llapan kutikuyarqan.

Iliyochaguliwa sasa

Juan 7: qwhB

Kuonyesha

Shirikisha

Nakili