San Mateo 1
1
Jesukristueri sïrukua
(Lc 3.23-38)
1Ísti karakata Jesukristueri sïrukueri, enga Dabidi ka Abrani uájpeka:
2Abrani Isakiri tátjembespti ka Isaki Jakobueri ka Jakobu Juderi, ka imeri erachi jémbecheri. 3Ka Juda Tamari jingunksï Fáresini ka Sérani kángorheaspti ka Fáresi Esromueri tátjembespti ka Esromu Aramueri. 4Aramu Aminadabiri tátjembespti ka Aminadabi Naasoniri ka Naasoni Salmoniri. 5Ka Salmoni Raabini jinguni Bóosinksï kángorhespti ka Bóosi Rutini jingunksï Obedini kángorhespti ka Obedi Isairi tátjembespti, 6ka Isai irecha Dabiri tátjembespti.
Ka irecha Dabi Salomoniri tátjembespti ka ima enga Uriasiri uarhitipka ima amambespti. 7Salomoni Roboamiri tátjembespti ka Roboami Abiasiri ka Abiasi Asari. 8Asa Josafatiri tátjembespti ka Josafati Joramueri ka Joramu Usiasiri. 9Ka Usiasi Jotamueri ka Jotamu Akasiri ka Akasi Esekiasiri. 10Ka Esekiasi Manasesiri tátjembespti ka Manasesi Amoniri ka Amoni Josiasiri. 11Ka Josiasi Jekoniasïri tátjembespti ka imeri erachi jémbecheri, jiájkani isï engaksï Babilonia pánhapka k'atakata.
12Tátsekua engaksï Babilonia uératini k'uanhatsentapka, Jekoniasï Salatielini kángorhespti ka Salatieli Sorobabelini.
13Ka Sorobabeli Abiudini ka Abiudi Eliakimuni ka Eliakimu Asorini, 14ka Asori Sadokini ka Sadoki Akimuni ka Akimu Eliudini. 15Eliudi Eleasarini kángorhespti ka Eleasari Matanini ka Matani Jakobueri tátjembespti, 16ka Jakobu Joseri tátjembespti, enga Mariaueri uámbepka engaksï Jesusini kángorhepka enga Krístu arhinhajka.
17Ísï jimbo jiájkani uératini enga Abranika ka enga jamberi Dabika témbeni t'ámu sïrurichesptiksï. Ka máteru xánderu Dabi jinguni uénani ka jiájkani jamberi engaksï Babilonia k'atakata pánhapka, ka máteru xánderu jiájkani engaksï Babilonia uératini k'uanhatsentapka ka enga jamberi Krístuekia.
Jesukristueri andajpenukua
(Lc 2.1-7)
18Jesukristueri andajpenukua arisï úkorhespti: Jose Mariani, imani enga Jesusiri nánde jémbeka kurhajkorhetixaptia, ka engaksï nótki márku irekani jápka, Maria Espiritu Sántuni jimbo sapini erokorhexaptia. 19Jose kaxumbespti ka no uékasïrempti uandantani, ka Mariani úekaspti sïpatekuarhku jurajkuni. 20Enga Jose íni ambe eratseni jápka, Acheri ánjeli ma tsánharhikuarhu xarhakuspti ka arhispti: “Jose, Dabi uájpa, ásï jáma chéni Mariani tembuni, jimboka Espiritu Sántueriska enga inde kóndenhatini jaka. 21Ka Maria sapini ma kángorheati ka Jesusiri arhiratarkorheaka jimboka inde, inderi iretani k'amanharhintskuarhu p'ímutantaaka.”
22Iámendu i ambe ísï úkorhesti eskamendu Acha imeri uandarini jimbo na uandarini jápka:
23“Iurhitskiri ma ixu jarhasti
enga uájpani ma kángorheaka,
ka Emanueli arhinhaati.”
(Enga arhikuekajka: “Diósï juchantsïni jingunisti”).
24Ka enga Jose tsínharhipka ísï jámaspti eska Acheri ánjeli na juramukupka ka Mariani tembuspti. 25K'óru no p'árhespti enga jamberi ima uájpa urhetini kángorhepka ka Jesusi arhiratarkorhespti.
Iliyochaguliwa sasa
San Mateo 1: DKPJ
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en P´urhépecha, Michoacán, México © Sociedad Bíblica de México, A.C.
