Mataio 2
2
1Iesu unu kinia pani ai Betelehema ai Iudea anu eiei ai, Heroda amua anu pani ai, lai evera a’a‐oro anu eiei mere anenave Ierusalema ai, erau voa oro veve?-?emakei’inave ane,
2U ane U Iudea a’a anu amua nawawrea kiniakeina U ekeiana? uku Una rawpu anu eiei ai enei inamu‐oiane euna, avioiai enei ei‐anena ane.
3Heroda amua ei voa viriaka’ane u lai kukupunakei’inave, Ierusalema a’a aruru uriria ane.
4Omoro amua a’a uriria, a’a aruru unu kikiria a’a ane, u kaupukinave, u voa veve?-?einave uku kurua mako eiai Keriso kiniakeiakana.
5Oro erau voa kurunave, Betelehema ai Iudea anu eiei ai: uku laikorava a’a anu voa erau voa kikiriakeina,
6Ni Betelehema e, Iudea anu eiei ai, Iudea anu amua mako awkono avao ai avioia mau’u ni miape! Uku ni mere Kavana elemaneakana, Na Isaraela a’a‐oro U amua‐ekavakana.
7Heroda lai evera a’a vauavaua laea‐elauaka’ane u ai aneai, u voa veve’einave uku rawpu unu erea pani miki eiai.
8U ekinave Betelehema ai enavai, u erau voa kurunave, Enara, voa akere‐akere evorora uku ei upi eiai; noro auiane, voa minane, nai awku anea’ane, avioiane‐iai ane.
9Oro amua anu voa viriaka’ane oro Betelehema ai enanave, akoi’i, kurua rawpu oro anu eiei ai inamu‐oiaka era’anave anea’anea u paiaka’ane kurua marea upa mere upi i‐rokoakei’inave.
10Oro kurua rawpu inamu‐oiaka’ane kopai ovara?-?mai oro kopaili’inave kapoi.
11Oro marea ikirinave, upi Una mei Maria kiripai oro inamu‐oinave, Una paku ai oro are‐epo ai‐inave, oro avioinave ane, omo aruku maua oro au’unave, moni, mera‐muri mena‐mena, muro la’aruku oro awkunave.
12Uku Eloi i aiaro omo lai ei’inave Heroda ai vairuai omo pani va’au ai kapea e oro vairunave.
13Oro enavaka’ane Iehova anu aivara‐avaea Iosepa anu aiaro ai erenave, erau voa kurunave ane, La’ane, upi Una mei ane ni e‐mi’ine, area‐enara Aikupito ai, ipo?-?koira anea’anea nai voa mi‐anea’ane ni eiai. Uku Heroda ei upi voroai‐awkamakina u a’ane‐iai.
14Iosepa la’anave, upi una mei ane u e‐mi’inave, kipere pani ai u Aikupito ai enanave.
15U ipokoinave anea’anea Heroda anu imua pani ai, uku Iehova anu voa evere’?-?eakeia’ane‐iai U i laikorava a’a erau voa kurunave, Aikupito mere Na Mere Nai laea‐ulau’unave.
16Heroda inamu‐oiaka’ane i lai evera a’a‐oro u ewaea‐awkavakei’inave, u ia’ia kei’inave, aumeia rere enu vaki‐upi uriria e‐avai u a’a ekaivirinave Betelehema ai, eiei iki arekamu ai ane, aumeia pani orau lai evera a’a‐oro awkiaka.
17Ou pani ai Ieremia laikorava a’a anu voa evere’eakei’inave,
18Rama ai voa viriakei’inave, Viki awni mu’u mailau ane: Rakela una mere‐oro eiai vikirimakei’inave, Umu u inakali’inave uku oro e’avakei’inave.
19Heroda imuakei’inave ane Iehova anu aivara‐avaea Iosepa anu aiaro ai erenave Aikupito ai,
20La’ane, upi Una mei ane ni e‐mi’ine, Isaraela a’a anu pani va’au ai enara, uku oro upi avai evoromakei’inave oro imuakeina
21U la’anave, upi Una mei ane u eravaka‐anenave Isaraela pani va’au ai.
22U uru virimakei’inave Akelau Heroda anu mere Iudea ai ipokoimakei’inave amua anu pakara ai, i‐enavai u korekei’inave; aiaro ai i Eloi u ipawkiakei’inave u Galilaia eiei ai inunave:
23Nasareta pai’iri ai u anenave, ipokoinave ane: uku laikorava a’a‐oro onu voa evere’eakeia’ane‐iai, Nasarene a’a U oroiakeiakana.
Iliyochaguliwa sasa
Mataio 2: IAR1920
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Published by the British and Foreign Bible Society in 1920.
