লূক 10

তিবি খনৈকিগো রুওয়েখ্রাং

(মথি ১১:২০-২৭; ১৩:১৬,১৭)

1য়াং নক আস্যাং যীশু অর তিছি খনঃয়ক তিবিগো তাঃরা হঃ রুওয়েফু কিজু রুইকক য়ুলিরি। যীশু যা যা রুওয়াদুঃ অর যা যা আঃরাদুঃ লাঃফু ম্হেলিইরিলি, য়াং আঃরারোদুঃ লাঃফু হ্রিইগা, তিবিরোগো নৈয়ক নৈয়ক প্যাংরো য়াং আঃরাদুঃ রুওয়েলিইরি।

2যীশু তিবিরোগো প্রলিইরি, “আম্হেংচাংজ আঃসিইচা আম্যা ফ্রইতি, য়িগিলি য়াংচাগো লূকফুচা লুঃউ নৈইরি। য়জংকিজু আঃসিইস্যাংবামা লাঃরো আফিক থাফুচাগা, আঃসিই ফ্রেফু কিজু লুঃউ রুওয়েলৈফি। 3নাংরো লাঃগেলি, ক্যুগ্রুক আলাকমা সাংফছুয়িঞ্যং, ঙা নাংরোগো রুওয়েতি। 4টেংগা ওয়িই, ওয়িই অর ফেনেং য়ুউ মাঃলাগি অর লেংমা তয়ককোলি ক্রোমুছুগি। 5নাংরো খ্যাং ইংদুঃ লাঃলি, পাথামা প্রফুচাগা, ‘দিঃ ইংচা কেইংমালি, খেংসালি।’ 6য়াদেরা আকেইংসাগো লুঃউরি, য়াংপুয়েং লুঃউঃও হিরিরাছুগি, নাংরো খেংসাফুচা য়াংসুউ আঃপমা হিকফু। ছুগি য়াংপুয়েং লুঃউঃও মিহিছুগি, য়াংখা নাংরো আখেংসাচা নাংরোদুঃ প্রেংরো লাঃমি। 7য়াং ইংমা নিংগেলি, অর য়াংসুউরো যা পিরি য়াংচা চাঃগেলি আক্রংগা যাসুউ আলুং লূকতিলি, য়াংসুউ লাকখা রাথৈতি। তিইংগো বৈরো, অর তিইংদুঃ মালাগেলিগি।

8“ছুগি খ্যাং রুওয়াদুঃ লাঃখা অর য়াংদেমা লুঃউরো লাকখেংগি, য়াংখা নাংরোগো যা চাঃফু পিইরিলি, য়াংচা চাঃগেলি। 9য়াং রুওয়ামা মাকেইংমা লুঃউঃওরোগো কেইংমাজিলি অর য়াংসুউরোগো প্রগেলি, ‘থাওরা ফুরা ঈ নেংঙেংদচা নাংরোবামা লাঃব্যা।’ 10ছুগি তুখু রুওয়াদু লাঃগি অর য়াংদেমা লুঃউঃওরো নাংরোগো লাকমেখেংছুগি, য়াংখা য়াং রুওয়া লেংমা লেংমা লাঃরো দিঃ চাঃগাগো প্রগেলিই, 11‘নাংরো রুওয়ামা যা ক্যুকমুক ঙারো আখ্রিইমা কেঃচাগোলি, ঙারো নাংরোগো ছেংগ্যাংফাক লুকরো খাঃবৈতি। য়িগিলি নাংরো ম্হেরো থাঃগে, থাওরা ফুরা ঈ নেংঙেংদচা নেংমা লাঃব্যা।’ 12ঙা নাংরোগো প্ররি, আকং মকং তাঃরা চৈতি রাকমা, য়াং রুওয়া থাক প্রফুছুগি সদোম ম্রুমা লুঃউঃওরোচা, য়াংসুউরোথাক কংগং আকং হিফু।

13“সোরাসীনরো সিইবেচি! সিইবেচি বৈৎসৈদা লুঃউঃওরো! যা এংঅফুয়ি অলূকরো, নাংরোবামা লূকলিইরি, য়াং আলূকরা সোরনা সীদোন ম্রুমা লূকলিইগি, য়াংখা য়াংসুউরো আয়াংকাবাং কোরুন রুওয়েরো, প্রাবুংমা থৈইরো দকতয়ং আপ্রইকা চিই হ্লিয়ংফু। 14আম্হেং, আকং মকং তাঃরা চৈইতি রাকমা সোরনা সীদোনমা লুঃউঃওরোচা, নাংরোথাক আকং হিকফু। 15অর নাং, কফরনাহূম, নাং লঃ সাগ্রাফুং রকঅং আম্রাংদুঃ তাকফুচা? তাখালি মুহু, নাককো অকতো আওয়িজিদুঃ খ্যালৈফু।”

16যীশু প্রেংরো য়াংসুউ তিবিরোগো প্রলিইরি, “যাসুউরো নাংরো চাঃগাগো নাথংরি, য়াংসুউরো ঙা চাঃগাগো নাথংরি। যাসুরো নাংরোগো লাক মেখেং, য়াংসুউরো ঙাগোলি লাক মেখেং। যাসুউরো ঙাগো লাক মেখেং, ঙাগো যাসু রুওয়েলৈতিলি, য়াংসুউরো য়াংসুউগো লাক মেখেং।”

17য়াং আয়ক খঃনঃছি তিবি আপ্রইনা প্রেং লাঃরো প্রগেলিইরি, “আস্যাং, কুঃবাং নামিঃগো থুউকপ্রগি, মকং নেঃরোতয়ং ঙারো চাঃগাগো নাথংরি।”

18যীশু য়াংসুউরোগো প্রলিইরি, “ঙা মেংনেকো সাগ্রাফুংগা সেয়েপ্রাকতি পুয়েং, ক্যাচাগো ম্রাংলৈতি। 19ক্রি,নাঃথং, ম্রিং আথাকা সওয়াঃলো লাঃন্হৈলৈঞ্যং তাইংখো ঙা নাংরোগো পিঃরে, য়ল্হমগে নাংরো রাইংসুউ মাইংনায় মাংমা হিচা আঃগো নৈং লৈঞ্হং তাইংখোঁ গোলেঃ ঙা নাংরোগো পিঃরে, তখুপাং ফিঃলা নাংরোগো ঞিহছেঃ নৈংমহু। 20য়জং ছোগেলেঃ, নায়ছোঃরো নাংরো চগাঃগো নাঃথংরেল্হো ওয়াঁই মাম্রকে য়জং ছোগেলেঃ নাংরো আমে গংখাং ফুংমা চারাং তাংরে ক্যেঃজুরা ওয়াইংম্র কায়।”

21য়াংখা যীশু সেংস্যাংস ওয়িইঞেং পিইচা আপ্যনা প্যরো প্রলিইরি, অ ফাখাং, কোবাংচা লঃগানা নেঃফুংমা ফুরা। ঙা কোবাংগো খিম্যুয়েংবারি আক্রংগা দিঃ আক্রংলিলারোগো ঞাইং পুয়েংঞা হিকরি লুঃউরোগা কুয়িঃ থাঃগিলি আশ্যিপুয়েং লুঃউঃওরোবামা ক্যঞালিইরি। হকতি ফাখাং, কোবাং ছেংদা আলৈই দিঃচারো ফ্রইরি।

22ঙাক ফাখাং, ঙাক আলাকমা আলুঃউংজুংচা পিলিরি। ফাখাং আপি তয়কলি মিসি সাঃদচা যাসুলি, অর সাঃদ আপি তয়কলি মিসি ফাখাংচা যাসুলি। দিঃচাগো আপি সাঃদচা যাসুবামা ফাখাংগো ক্যঞাফু ছেংদা রকতিলি, য়াংসুউরা সিঃকরিব্যা।

23থুঃউনকা য়েসু তিবিরোদো ল্হে ক্রেলো প্রঃরে, “নাংরো আচা আচা ম্রাংগায়রেলেঃ য়াংচাগো আখ্রাঃ লুঃউরো ম্রাংরি ছোগে য়াং ম্যাচিরো মাংগলা হিরে। 24ঙা নাংরোগো প্রঃরে, নাংরো আচা আচা ম্রাংগায়রেলেঃ য়াং ম্রাংচাগো পরঃফা ম্যাঃরোলা মাংরোলেঃ ক্রেখ্যাংলো বাং মাম্রাংরালি। অর নাংরো আচা আচা ক্রাঃগায় রেলেঃ, য়াং ক্রাঃচাগো নাঃথং খ্যাংলো মাক্রাঃ রালি।”

ক্রাংনাসু শ্যামরি লুঃউ ওয়াইথুঃউ

25তখকখা কেইছারা তয়ক যীশুবাদুঃ লাঃলিইরি। যীশুগো চেংফু আতুওয়ক য়াং ছারাচা মিংলিইরি, “ছারা, যা লুককি ঙা তিম্রিজ বাওয়াগো রানৈংফুলি?”

26য়েসু য়সুগো প্রঃরে, “মশ্যে ক্যাইংমা আচা রুইলো হিরেলেঃ? য়াংদেমা আচা ফাইরেলেঃ?”

27য়াং কেইংছারাচা যীশুগো আফ্রি পিইলিইরি, “নাংরো তয়কমক্যুয়েং হিকচা চিইনুন্হুংনা, হিকচা আসাকনা, হিকচা আঃনা অর হিকচা চিইনা নাংরো ফোরাগো রুসিইগে; অর নাক ইংনেংবাসারোগো কুঃপুয়েং খ্যরাফু।”

28য়েসু থুঃউসুগো প্রঃরে, “হুতে কোবাং আফ্রিচা ম্হাইংরে, য়াংচাগো ক্যাংরেছোগে থাওরা আসাকো রালিমে।”

29য়াং কেইংছারাচা কুও ম্যাকন্হা রালৈঅং যীশুগো প্রলিরি, “ঙাক ইংনেংবাসা যাসুউলিঃ?”

30য়েসু আফ্রি পিঃলিরে, “লুঃউতয়ক য়েরূশ্যালাংগা য়েরিখা ম্রোদো লাঃরেখা লাইংমা দাঃপ্রা হ্রিমা আতওয়ি ক্যালিরে, দাঃপ্রাঃরো থুঃউ লুঃউগা আওয়াইকো খ্যওয়াইলো আসাক সিললুঃউ বুলো লাইংনামা খ্যালো লখারে। 31থুঃউ নকা য়ৈপুরহিঃ তয়ক য়াং লাইংগা লাঃরেখা য়সু য়াং লুঃউগো ম্রাংলো য়সু নাইংগা পায়লো লখারে। 32থুঃউ নেঃলা আতু লেঃওয়ি তয়কলেঃ য়াং আরামা রল্হারেখা থুঃউ সুগো ম্রাংলো কা স্যংলো লখারে। 33থুঃউ নকা শ্যামারি প্রেগা লুঃউ তয়কলেঃ য়াং লাইংগা খারিঃ সওয়াঃলো লাঃলো লাঃলো য়াং লুঃউ নাইংমা রল্হারেখা য়সুগো ম্রাংলো চিমা ওয়াসনাখ্রাং ফ্রৈলিরে। 34থুঃউসু নাইংদো লাঃলো য়সু অনামা ছি লা চপ্যৈরে লিংলো আওয়াই লা চেঃব কো তারিছাইং আথামা তাংলো চরায় তাছংদো য়ুলো য়সুগো প্রুজুলিরে। 35ন্হাক ফ্রাইংনি দিনারী ন্হৈ খ্যাইকো থুঃউলো চরায় স্যাংগো পিঃলো প্রঃরে, ‘এ সুগো ক্রেহ্রু প্রুজুলি, ঙা পিঃচা থাক পোলো কুংরেছোগে ঙা প্রাইংলো লাইতেখা য়াংচাগো ছায়মে।’”

36আছুংমা য়েসু প্রঃরে, “আগো কোবাং আচা তওয়কতেলেঃ? থুউ লুঃউ সুংয়মা আসু য়াং দাম্রা লাকমা ক্যাসুউমা চায়ছৈংসঃ সু আসুলেঃ?”

37য়াং ক্যাইংপ্রু ছরাচা প্রঃরে, “থুঃউসুগো আসু সনাঃখ্রাং প্রুরেলেঃ য়সু ফ্রইতি।”

থুঃউখা য়েসু য়সুগো প্রঃরে, “য়জং ছোগে কোবাংলেঃ লাঃলো থুঃউ নেঃ আতু লুঃউলি।”

মাসাঃ লা মারি

38থুঃউনকা য়েসু কো তিবিরোলা খারি সওয়াঃলো সওয়াঃলো রওয়া তরওয়ামা ওয়ং গায়রে। য়াংদেমা মাসা খলো মমা তয়ক চিমা সায়ালো য়েসুগো ইংদাং খাইংলিরে। 39মারি খলো মাসা ঞিমা তয়ক হিকলিরি, থুঃউ মারিচা ফোরাঃ সখাং য়েসু আখ্রিদ রাংমা থৈংলো য়েসু চগাঃগো নাথংলো নিরে। 40য়জং ছোগে মাসাচা আচা আসক আলুঃউ আক্রং ক্রোঃজালো হিকলিরি। য়জং ক্যেঃজু লায়লো প্রঃরে, “ফোরাঃসখাং, কোদ ম্রাংরিলঃ, ঙা ঞিমাচা লূক্যওয়েঃফো আলুঃউ আকুংচাগো ঙা আথামা খ্যালো নিরে? লুঃউক্যওয়েঃফো আলূকো ঙাগো কুঞি লৈঞ্যং কোদ য়সুগো প্রঃলৈপা।”

41থুঃউখা য়েসু ফোরাচা মাসাগো প্রঃরে, “মাসা, মাসা, নাংচা আচায় চায় আলুঃউ আতওয়ক চি পুবাইংরে। 42য়জং ছোগে তাখুতেঃ আরেঃ ক্রিঃচা আক্রং হিরে। মারিচা য়াং আরেঃ ক্রিঃচাগো আকং ম্হাইলো য়ুরে। য়াংচাগো য়সুগাব য়ুউ ন্হৈং মাহু।”

Iliyochaguliwa sasa

লূক 10: BBSRMZ

Kuonyesha

Shirikisha

Nakili