প্রেরিত 1
1
পুজখ্রাং
1-2আস্যাং মাং থিয়ফিল, যীশুগো থাওরা ফুরাদুঃ তাংফু হ্রিঃগা তয়ং য়াংসুউ যা লুকলিইরি অর সুওয়েং সাং পিইলিরি য়াংচা আলুংচা ঙা ঙামা পাথামা চাউমা রুঈলিরি। যা তিবিরোগু য়াংসুউ রুঈকক য়ুউলিরিলি, যীশুগো থাওরা ফুরাদুঃ তাংফু হ্রিইগা য়াং তিবিরোগু য়াংসুউ সেংস্যাংস ওয়িঞেং আতুওয়ংগা আঃনা পিইলিরি। 3য়াংসুউ দুঃখাওয়া খেংব্রিনক দিঃ লুঃউরোবামা আম্রাং পিইলিইরি অর য়াংসুউ আহ্রাং হিকচাগো ক্যুংঅং কংগং আম্যা লাকখানা প্রালিইরি। রাক লিছি তৈঅং য়াংসুউ তিবিরোগু আম্রাং পিইরো থাওরা ফোরা নেংঙেংদ আক্রং আরাগু প্রপ্রালিইরি। 4য়াং আখিংমা যাখা যীশু তিবিরোনা হিকলিইরি, য়াংখা য়াংসুউরোগু দিঃ আঃনা পিইলিইর, “নাংরো যিরুশালেনগো বৈরো মাঃলাগেকি। ছুগি ঙামা ফাখাং গাঃধি খেংরো যা হ্লুউফু চাঃগাগো, নাংরো ঙাগা ক্রারো হিকরি য়াংচাগো চংগে। 5যোহনচা রিঃমা রিঙুক মাঙ্গালা পিইলিরি, য়িগিলি লৈগারাক আতুওয়ংমা ফাখাং গাঃধি খেংরো হিকচা আতৈং সেংস্যাংস ওয়িঞেংনা নাংরোগু রিঙুক মাঙ্গালা পিইফু।”
যীশু থাওরা ফোরা ফুংদুঃ তাকখারি
6নক্কা তিবিরো তেরে তৈংমা চুকরো যীশুগো মিংগেলিরি, “আস্যাং, দিঃ আখিংমা কুঃবাং ঈস্রায়েলীয়রো আঃলাকমা মাং খেংগো প্রেং পিফুলঃ?” 7যীশু য়াংসুউরোগু প্রলিইরি, “যা রাকনা আখিংগো ফাখাং কুঃ তাওয়েং আতুওয়ংমা থালিইরি, য়াংচা নাংরোগু আসিক মিপিইলিই। 8ছুগি সেংস্যাংস ওয়িঞেংচ যাখা নাংরো আপমা রককি নাংরো গুংধ আঃগো রাঃমি অর যিরুশালেম, সারা যিহূদিয়ানা শমরিয়া প্রিনিমা অর কাঃবা আছুং রকঅং নাংরো ঙা সাকসি ফৈলিমি।” 9দিঃ চাঃগা প্রব্রিনক তিবিরো ম্যাকচি আথাকমা যীশুগো থাওরা ফুরা ফুংদুঃ তাংখারি অর য়াংসুউচা মুঃরি আঃথিদুঃ ওয়ংখালিরিব্যা। 10যীশু যাখা আথাকতু তাক লাঃরি, য়াংখা তিবিরো ম্যাকতং মাঃখেব্রি গংখাংদুঃ ক্রিরো হিকগেলিইরি। য়াং আখিংখা আওয়ে আফ্রুউ ওয়েরো লুঃউ নৈয়ক তিবিরো নেংমা রেঃরো প্রলিরি, 11“গালীলমা লুঃউরো, দিঃমা রেঃরো গংখাংদুঃ যাফু ক্রি নিংগেতিলি? যাসুউগো নাংরোগা তাং য়ুউখালি য়াং যীশুগো নাংরো যা পুয়েং থাওরা ফোরা ফুংদুঃ তাকতি ম্রাংরিলি, য়াং পুয়েং প্রেংরো লাঃফু।”
যিহূদা ঈষ্কারিয়ত আঃরামা মত্তথিয়
12যাখা তিবিরো জৈতুন তংগা যিরুশালেংদুঃ প্রেং লাঃগেলিরি। যিরুশালেং ম্রুগা দিঃ তংচা তেম লেংখ্রিরি হিরি। যাখা তিবিরো জৈতুন তংগা যিরুশালেংদুঃ প্রেং লাঃগেলিরি। যিরুশালেং ম্রুগা দিঃ তংচা তেমে লেংখ্রিরি হিরি। 13ম্রুমা রকরো য়াংসুউরো ঈংমা নিংচা আঃথাক খেংদুঃ তাকলিগেতি। য়াং তিবিরো নাঃমি হিকলিরি পিতর, যোহন, যাকোব, আন্দ্রিয়, ফিলিপ, থোমা, বরথলময়, মথি,আলফেমা সাঃ যাকোবনা কুঃ জেকুঃ সিঃসা শিমোন অর যাকোমা সাঃ যিহুদা। ম্রুমা রকরো য়াংসুউরো ঈংমা নিংচা আঃথাক খেংদুঃ তাকলিগেতি। য়াং তিবিরো নাঃমি হিকলিরি পিতর, যোহন, যাকোব, আন্দ্রিয়, ফিলিপ, থোমা, বরথলময়, মথি,আলফেমা সাঃ যাকোবনা কুঃ জেকুঃ সিকসা শিমোন অর যাকোমা সাঃ যিহুদা। 14য়াংসুউরো হিচা ক্যুংসু মিঃমারোনা আতু অর যীশু আঃমি মরিয়মনা য়াংসুউ ঞিংরোনা আঃতু, খ্যাংখা মুছু তিজিতৈং প্যাংরো ছুতংগেতি। 15য়াং আখিংমা পিতর তারাকখা খ্রিরিতগো ক্যুংসা তাঃরা নৈছিলক লুঃউ আতুওয়ংমা রেঃরো প্রলিরি, 16“ঞিং-আকুরো, সেংস্যাংস ওয়িঞেং আয়াংখা দায়ুদ মাং খুনাংগা যিহূদা আক্রংলিলাগো যা প্রলিরিলি, সেংস্যাংস কেইং চাউমা য়াং চাঃগাচা আব্রিচুং ফৈফু আলু হিকরি। যাসুরো যীশুগো তিঃগেলিরি, দিঃ যিহূদা য়াংসুউরোগু লেং প্রারো খঃ য়ুলিরি। 17য়াংসুউলি ঙারোমা তয়ক হিকলিরি অর ঙারোনা আতু আলুব লুকফু আতুওয়ক রুঈকক য়ুউলিরি।” 18মকং লুকরো যিহূদা যা তেংগা রালিইরি, য়াংচা পিইরো য়াংসুউ আঃরা তেকে ওয়িলিইরি অর য়াংদে লিঃরো ওয়েং পুওয়ংলিইরি, য়াংখা ওয়েংগা ওউরো থুওয়ক লাঃলিইরি। 19যিরুশালেংমা আলুংসুউ ক্রারো হিরি। য়াংচা কিজু য়াংসুউরো আঃমুঃনা য়াং আঃরাগো আকেলদামা মহুক্কি সুঈ লিব্রাং খঃরি। 20নক্কা পিতর প্রলিরি, সেংস্যাংস কেইং চাউমা ঈঃ নাঃমিনা চাউমা রুঈরো হিরি, ঈং আঃলে হিবেচি। য়াংদেমা তয়কলি মিনিগেকি অরলি রুঈরো হিরি নক্কা পিতর প্রলিরি, "সেংস্যাংস কেইং চাউমা ঈঃ নাঃমিনা চাউমা রুঈরো হিরি,
য়াংসুউ ইংচা আঃলে হিবেচি;
য়াংদেমা তয়কলি মিনিগেকি অরলি রুঈরো হিরি,
য়াংসুউ আম্রাং আঃরাগো অরতয়ক য়ুউ লাঃবেচি। 21-22“য়াংচা কিজু যীশু আঃসিগা হ্রাংথাচাগো য়ুউরো সাকসি পিফু আতুওয়ক ঙারোমা অরতয়ক্কু লুকরি। যোহন যাখা রিঃখ্যু মাঙ্গালা পিইলিরি য়াংখা কাবাং চাঃরো যীশুগো ঙারোবাগা তাং য়ুখারি তৈঅং, আস্যাং যীশু মনৈরাক তৈঅং ঙারোনা আঃলা আঃওসা হিকলিরি, য়াহ্লকরাক তৈংঅং যাসুরো ঙারো আঃরুঈমা হিকলিরি, য়াং লুঃউচা য়াংসুউরো আতুওয়ংমা তয়ক ফৈঅং।” 23য়াংখা তিবিরো যোষেফ, যাসুগো বরশাব্বানা যুষ্ট খঃরি। দিঃসুনা মত্তথিয় নৈয়ক নাঃমি প্রগেলিরি। 24-25য়াং নক য়াংসুউরো দিঃচা প্ররো ছুউক তংগেলিরি, “আস্যাং, কুঃবাং আলুংসুউ চিইঞেংগো সিকরি। যিহূদা য়াংসুউ ডেং রাঃফু কিজু তামেংদ আঃরাগো ফ্রুবলৈতি। আগু দিঃ নৈয়ক আতুওয়ংমা য়াং আঃরা কিজু যাসুউগো কুঃবাং রুঈকক য়ুউরিলি, য়াংসুউগো ঙারোগু প্রাবা।” 26য়াংসুউরো মিঃফক লুক্কেরিখা মত্তথিয়ে নাঃমি তাকলিরি। য়াংচা কিজু মত্তথিয়চা থুউ তিছিতয়ক তামেংদরোমা পংলিরি।
Iliyochaguliwa sasa
প্রেরিত 1: BBSRMZ
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
