मत्ती 3

यूहन्ना बपतिस्मा दिहंण आलअ

(मरकुस 1.1-8; लूका 3.18; यूहन्ना 1.6-8,15-34)

1त्याह धियाड़ी यूहन्ना बपतिस्मा दिहंण आल़े इच्छी करे यहूदीया रे बूणे एउ प्रचारा करदअ लागअ: 2आपणे पापा री क्षमा री तणी मन फिराव करा किबेकि स्वर्गा रा राज्य नेड़ आउआ। 3यह यहुना सह मन्श साहा जासके बारे मे यशायाह भविष्यद्वक्ता बोलू थी:

बूणे सुनसान जागहा एकी पुकारण आले रअ शब्द शुणन्दअ लागअ दअ साहा,

कि परमेश्वरा री सडका

त्यार करा तेऊरी सड़का सीधी करा।

4यह यूहन्ना ऊंटा रै शरयाला रे झिकड़े बानीं दे थी, होर आपणी कमरा में चामड़े री गाची बानीं दी थी। तेऊरा खाणा टिडिया होर जंगली खमीर थी। 5तेबा यरूशलेम शहर होर सारा यहूदिया प्रदेश, होर यरदना नइ रे नेडा तेडा का सारी ज़ाघा रे लोका युहना सेटा बे आउए। 6त्याहे आपणे पाप मनीकरे युहना बपतिस्मा दीण आल़े का यरदना नइ में बपतिस्मा लउ। 7जेबा यूहन्ना बहू फरीसी होर सदूकियो भी बपतिस्मा बे आपु सेटा इहंदे हेरी, तेबा युहना तया वै बोलू, हे सर्पा साही बुरे लोका रे शोहरूओ, तमावै कुणीऐ बोलू कि इहंण आले रोषा का ठुरा? 8अगर तूह सची आपणे पापा का मन फिराव करा तेबा रामड़े कामे संगे तेता रीहा; 9होर आपणे -आपणे मना मे यह नांई सोचा कि माहरअ बापू अब्राहम साहा; किबेकि हांऊ तमावै बोला कि परमेश्वर याह पाथरा का अब्राहमा री तणी शोहरू पैदा करी सका। 10एबा खुराडअ बूटे री जड़ा सेटा पूजअ, एतकी तणी जोह-जोह बूटअ नांई फल़दअ, तेऊ काटणअ होर आगि में पाऊण।

11हाऊं तअ पाणी का तमाबे मन फिराव रा बपतिस्मा दींदा, पर जोह महा बाद इहंण आल़अ साहा, सह महा का शक्तिशाली साहा; हाऊं तेऊरे बूटा चुआकणे रे लायका भी नांई आंधअ। तेऊ तमाबे पवित्र आत्मा होर आगि संघे बपतिस्मा दींणा। 12तेऊरअ शुप तेऊरे हाथे हुणअं, होर तेऊ आपण भंडार रामबडअ साफ करणअ, होर गिहू आपणे भंडारा मे ही कठे करने, होर भुख्ला तेसा आगि में पाऊणा जोह कधी हिशणे री नांई साहा।

यूहन्ना रे साबे यीशु रा बपतिस्मा

(मरकुस 1.9-11; लूका 3.21-22; यूहन्ना 1.31-34)

13तेऊ वक्ते यीशु गलील प्रदेशा का यरदना नइ रै कनारे यूहन्ना सेटा तेऊका बपतिस्मा लऊंदअ आउअ। 14पर यूहन्ना यह बोलि करे तेऊ रोकतअ लागअ, महा तेरे हाथा का बपतिस्मा लउंणे री जरूरत साहा, होर तूह महा सेटा आउअ दअ साहा? 15यीशु तेऊबै उतर दिंना, एबा एडा ही हूँणे देह, किबेकि हामा एसी रीति का सबे धार्मिकता पूरी करनी जरूरी साहा। तेबा यहुना यीशु री गला शूणी। 16होर यीशु बपतिस्मा लई करे तेवरी पाणी मेज़ा का उझे निकतअ, होर हेरा, तेऊबै सरग खुलू, होर तेऊ परमेश्वरा रा आत्मा कबूतरा साही उतरती होर आपु पैंदे इहंदअ हेरू। 17होर हेरा सरगा का, परमेश्वरे यह आकाशवाणी करी : यह मेरअ प्यारअ शोहरू साहा, जासू का हाऊं बहु खुश साहा।

Iliyochaguliwa sasa

मत्ती 3: ISJNT

Kuonyesha

Shirikisha

Nakili