ꓟ˗ꓗꓴ ꓟꓮꓴ ꓢꓮꓴ 8
8
ꓐꓬꓴ ꓟꓲ ꓔꓴꓥ ꓡꓰ ꓜꓥ ꓐꓲ ꓝꓳ ꓰ
1ꓮ ꓘꓪꓲ ꓧꓮꓴ ꓬꓳ ꓡꓰ ꓐꓬꓴ ꓙꓴꓟ ꓟꓳ ꓓꓴꓟ ꓜꓴꓑ ꓟꓶꓥ ꓐꓴꓟ ꓡꓪꓲ ꓰ꓾ ꓬꓥ ꓟꓳ ꓜꓳ ꓒꓳ ꓮ ꓪꓳ ꓗꓳ ꓘꓴꓠ꓾ ꓬꓥ ꓰ ꓡ ꓖꓬꓳ ꓪꓲ ꓡꓰ ꓪꓴꓔ ꓬꓴ ꓡꓪꓲ꓾ 2ꓫꓶʼꓪ ꓐꓬꓴ ꓑꓰ ꓢꓴꓟ ꓠꓲ ꓥꓳ ꓰ ꓣ ꓧ ꓠꓲ ꓡꓪꓲ꓾ ꓧꓮꓲ ꓙꓴꓥ ꓜꓳ ꓒꓳ ꓡꓰ ꓮ ꓪꓳ ꓗꓳ ꓰ ꓬꓠ ꓟꓮꓲ꓾ ꓥꓳ ꓬꓥ ꓟꓳ ꓡꓰ ꓫꓳ ꓖꓬꓳ ꓐꓰ꓿ 3ꓜꓳ ꓟꓴꓔ ꓔꓳ ꓡꓰ꓾ ꓬꓴꓟ ꓢꓶꓥ ꓰ ꓬꓴꓟ ꓒꓬꓥ ꓬꓥ ꓟꓳ ꓡꓰ ꓠꓥ ꓗꓔ ꓡꓰ ꓖꓶ꓾ ꓬꓥ ꓟꓳ ꓘꓬꓳ ꓘ ꓟ ꓟꓳꓲ ꓫꓲ ꓗꓳ ꓣ꓿ ꓬꓥ ꓟꓳ ꓚꓥ ꓟ ꓣ ꓪꓟ ꓖꓶ ꓪꓰ ꓫꓴꓔ ꓟꓮꓲ ꓙꓰ ꓡꓰ ꓗꓳ ꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 4ꓡ ꓖꓬꓳ ꓑꓰ ꓖꓶ꓾ ꓬꓥ ꓡꓰ ꓔꓴ ꓰ ꓖꓶ꓾ ꓫꓲ ꓬꓳ ꓢꓳ ꓟ ꓬꓥ ꓟꓳ ꓡꓰ ꓖꓲ ꓫꓳ ꓘ ꓟ ꓟꓴꓗ ꓪꓳ ꓬꓴ ꓣ ꓡꓴ꓾ ꓖ ꓗꓳ ꓰ꓿ 5ꓬꓥ ꓬꓴ ꓖꓶ꓾ ꓠꓴꓥ ꓟꓳ ꓟꓴꓗ ꓘ ꓟꓬꓳ ꓪꓳ ꓔꓳ ꓮ ꓗꓳ ꓕ꓾ ꓖ ꓡꓪꓲ꓾ ꓟꓲ ꓙꓥ꓾ ꓬꓥ ꓟꓳ ꓖꓶ ꓠꓲꓔ ꓡꓴꓟ ꓜ ꓥꓴꓔ ꓐꓰ꓾ ꓖ ꓗꓳ ꓰ꓿ 6ꓧꓮꓴ ꓟꓴ ꓡꓪꓲ ꓫꓶʼꓪ ꓐꓬꓴ ꓑꓰ ꓡꓰ ꓟꓲ ꓖꓴꓥ ꓟ ꓜꓴꓥ ꓔꓳ ꓣ ꓟ ꓔꓴ ꓔꓮꓲ ꓔꓳ ꓐꓰ꓾ ꓧꓮꓴ ꓘꓴꓠ ꓬꓥ ꓖꓶ ꓧꓮꓴ ꓟꓴꓗ ꓠꓲꓔ ꓡꓴꓟ ꓡꓰ ꓬꓴ ꓡꓪꓲ꓾ ꓘꓬ ꓳꓠ ꓬꓮꓴ ꓙꓥ꓾ ꓧꓮꓴ ꓡꓰ ꓮ ꓙꓑ ꓙꓑ ꓗꓴꓔ ꓟꓴ꓾ ꓬꓥ ꓟꓳ ꓧꓶ ꓟ ꓖꓟ ꓐꓴꓟ ꓔꓳ ꓗꓳ ꓫꓥ ꓖ꓾ ꓬꓥ ꓰ ꓡ ꓖꓬꓳ ꓑꓰ ꓡꓰ ꓐꓲ ꓰ꓾ ꓬꓥ ꓟꓳ ꓡꓰ ꓫꓶʼꓪ ꓐꓬꓴ ꓑꓰ ꓧꓶ ꓟ ꓖꓟ ꓐꓴꓟ ꓔꓳ ꓗꓳ ꓰ꓿ 7ꓥꓳ ꓜꓳ ꓔꓲ ꓮ ꓜꓪꓲ ꓡꓰ ꓬꓥ ꓟꓳ ꓪꓳ ꓔꓳ ꓡꓰ꓾ ꓧꓮꓴ ꓖꓴ ꓡꓰ ꓫꓶʼꓟꓠ ꓐꓲ ꓡꓪꓲ꓾ ꓧꓮꓴ ꓡꓰ ꓡꓰ ꓖꓟ ꓐꓴꓟ ꓔꓳ ꓗꓳ ꓫꓥ ꓖ ꓔꓮꓲ ꓔꓳ ꓐꓰ꓿ 8ꓧꓮꓴ ꓘꓴꓠ ꓬꓥ ꓟꓳ ꓜꓳ ꓖꓲ ꓐꓴꓟ ꓰ꓿ ꓟꓲꓔ ꓰ ꓮ ꓙꓑ ꓮ ꓟꓲꓔ ꓠꓲꓔ ꓑꓬꓑ ꓔꓴꓑ ꓪꓳ ꓘꓬꓳꓟ ꓬꓴ ꓗꓳ ꓰ꓿ 9ꓐꓬꓴ ꓟꓲ ꓔꓴꓥ ꓗꓳ ꓥꓴꓔ ꓔꓳ ꓮ ꓗꓳ꓾ ꓧꓮꓴ ꓕꓥ ꓬꓥ ꓬꓥ ꓟꓳ ꓡꓰ ꓑꓴꓠ ꓗꓔ ꓰ꓿ 10ꓧꓮꓴ ꓘꓴꓠ ꓙꓥ ꓬꓥ ꓰ ꓡ ꓖꓬꓳ ꓪꓲ ꓰ ꓣ ꓧ ꓡꓮꓲꓸꓽ ꓘꓮꓴ ꓫꓴꓔ ꓬꓥ ꓪꓥ ꓡꓪꓲ꓾ ꓓ˗ꓡ˗ꓟ˗ꓠꓴ˗ꓕ ꓟꓮꓴ ꓗꓬꓳ ꓫꓴꓔ ꓰ ꓙꓰ ꓰꓺ꓿
ꓡʼꓟꓲꓗ ꓧꓳ ꓐꓥ ꓡꓰ ꓔꓮꓲ ꓰ ꓓꓥ
11ꓧꓮꓴ ꓘꓴꓠ ꓒ˗ꓣꓲ˗ꓫꓰ ꓑꓰ ꓕꓳ ꓡꓰ ꓡꓪꓲ꓾ ꓬꓥ ꓰ ꓧꓰ ꓡꓴꓟ ꓡꓰ ꓰ꓾ ꓬꓥ ꓡꓰ ꓚꓟ ꓪꓴ ꓴ ꓚꓥ ꓟꓮꓴ ꓘꓴꓥ ꓫꓴꓔ ꓟ ꓡʼꓟꓲꓗ ꓫꓲꓔ ꓪꓴ ꓣꓸꓽ꓾ ꓖ ꓓꓴꓥ ꓗꓳ ꓰ꓿ 12ꓧꓮꓴ ꓟꓴ ꓬꓥ ꓰ ꓪꓳꓲ ꓠꓲ ꓟ ꓢꓳ ꓟꓳ ꓖꓬꓮꓲ ꓫꓰ ꓡꓪꓲ꓾ ꓫꓲ ꓲ ꓑꓬꓔ ꓧꓮꓲ ꓟꓴ ꓡʼꓟꓲꓔ ꓫꓲꓔ ꓣ ꓓꓴꓥ ꓡꓰ ꓡꓲ꓿ ꓥꓳ ꓠꓴꓥ ꓟꓳ ꓡꓰ ꓔꓰꓥ ꓔꓰꓥ ꓔꓮꓲ ꓗꓳ ꓡꓰ꓾ ꓫꓲ ꓲ ꓑꓬꓔ ꓡꓰ ꓧꓮꓲ ꓡʼꓟꓲꓗ ꓡꓰ ꓡꓳ ꓕꓳ ꓫꓲꓔ ꓣ ꓮ ꓥꓴꓔ꓾ ꓖ ꓰ꓿ 13ꓧꓮꓴ ꓘꓴꓠ ꓬꓥ ꓬꓥ ꓟꓳ ꓡꓰ ꓑꓬꓟ ꓔꓳ ꓡꓪꓲ꓾ ꓡꓮꓲ ꓫꓴꓔ ꓓꓴꓟ ꓪꓥ ꓡꓪꓲ꓾ ꓧꓰ ꓒꓳ ꓫꓴꓔ ꓖꓴ ꓓꓑ ꓐꓬꓴ ꓡꓳ ꓰ꓿
ꓮ ꓔꓰꓥ ꓰ ꓘꓬꓳ꓾ ꓟꓴꓠ ꓛꓶ ꓡꓰ ꓓꓥ ꓗꓰ ꓗꓰ ꓰ
14ꓬꓥ ꓟꓳ ꓚꓮꓴ ꓖꓶ꓾ ꓟꓴꓗ ꓪꓴꓠ ꓣ ꓔꓳ ꓟꓲ ꓑꓬꓟ ꓗꓳ ꓰ꓾ ꓧꓮꓴ ꓡꓮꓲꓸꓽ ꓟ ꓟꓴꓗ ꓣ ꓕꓴꓥ ꓟꓮꓲ ꓡꓮꓲꓺ ꓡꓪꓲ꓾ ꓜꓳ ꓙꓴꓥ ꓧꓮꓲ ꓡꓰ ꓮ ꓙꓳ꓿ 15ꓧꓮꓴ ꓘꓴꓠ ꓬꓥ ꓬꓥ ꓟꓳ ꓡꓰ꓾ ꓒ˗ꓣꓲ˗ꓫꓰ ꓑꓰ ꓟꓴꓠ ꓛꓶ ꓰ ꓧꓰ˗ꓣꓳꓓ ꓰ ꓟꓴꓠ ꓛꓶ ꓡꓰ ꓪꓳ ꓗꓳꓲ ꓑꓬꓟ ꓫꓥ ꓖ ꓢ ꓓꓲ ꓗꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓔꓳ ꓐꓰ꓿ 16ꓧꓮꓴ ꓟꓴ ꓬꓥ ꓟꓳ ꓖꓶ꓾ ꓲ ꓠꓴꓥ ꓟꓴꓗ ꓮ ꓐꓳ ꓠꓴꓥ꓾ ꓖ ꓡꓪꓲ꓾ ꓫꓶʼꓓ ꓓ ꓔꓮꓲ ꓡꓴꓟ ꓗꓳ ꓰ꓿ 17ꓬꓰ˗ꓢꓴ ꓧꓮꓴ ꓡꓰ ꓢꓰ ꓙꓥ꓾ ꓠꓴꓥ ꓟꓳ ꓟꓴꓗ ꓮ ꓐꓳ ꓰ ꓘꓬꓳ ꓧꓮꓲ ꓟꓴ ꓔꓮꓲ ꓡꓴꓟ ꓠꓲ ꓮ ꓗꓳ ꓕ꓾ ꓮ ꓘꓪꓲ ꓙꓰ ꓫꓳ ꓮ ꓓꓔ ꓢꓰ ꓮ ꓓꓔ ꓟꓲꓥ ꓐꓰ ꓬꓴ ꓗꓳ ꓡꓴ꓾ ꓠꓴꓥ ꓟꓳ ꓰ ꓲ ꓟꓲꓔ ꓠꓲꓗ ꓡꓴꓟ ꓣꓴ ꓕꓠ ꓠꓲ ꓮ ꓫꓲ ꓗꓳ ꓡꓴ꓿ 18ꓟꓬꓳ ꓓꓑ ꓗꓳ ꓡꓥ꓾ ꓠꓴꓥ ꓟꓳ ꓮ ꓟꓬꓥ ꓗꓳ ꓡꓴ꓾ ꓠꓳ ꓓꓑ ꓗꓳ ꓡꓥ꓾ ꓮ ꓪꓳ ꓖꓬꓳ ꓗꓳ ꓡꓴ꓾ ꓮ ꓪꓳ ꓟʼꓝꓶꓥ ꓗꓳ ꓡꓴ꓿ 19ꓧꓮꓴ ꓟꓴꓗ ꓥꓳ ꓡꓴꓟ ꓜ ꓐꓬꓴ ꓥꓳ ꓔꓴꓥ ꓡꓰ ꓐꓲ ꓝꓳ ꓰ ꓕꓥ꓾ ꓠꓴꓥ ꓟꓳ ꓘꓬꓳꓟ ꓬꓴ ꓰ ꓮ ꓙꓑ ꓮ ꓟꓲꓔ ꓟꓴꓥ ꓘ ꓟꓬꓳ ꓐꓲꓥ ꓡꓰ ꓡꓴ꓾ ꓖ ꓰ꓿ ꓬꓥ ꓟꓳ ꓖ꓾ ꓣ ꓞꓰ ꓲ ꓟꓴꓮ ꓥꓴꓔ ꓡꓰ꓾ ꓖ ꓗꓳ ꓰ꓿ 20ꓧꓮꓴ ꓟꓴꓗ ꓠꓲꓔ ꓡꓴꓟ ꓡꓰ ꓡꓰ ꓐꓬꓴ ꓟꓲ ꓔꓴꓥ ꓡꓰ ꓖꓟ ꓐꓲ ꓡꓰ ꓠꓴꓥ ꓟꓳ ꓘꓬꓳꓟ ꓬꓴ ꓰ ꓮ ꓙꓑ ꓮ ꓟꓲꓔ ꓑꓬꓑ ꓘ ꓟꓬꓳ ꓐꓲꓥ ꓰ ꓕ꓾ ꓖ ꓡꓪꓲ꓾ ꓓꓴꓟ ꓟꓲ ꓙꓥ꓾ ꓬꓥ ꓟꓳ ꓖꓶ꓾ ꓠꓲꓔ ꓑꓬꓑ ꓥꓴꓔ ꓡꓰ꓾ ꓖ ꓔꓮꓲ ꓗꓳ ꓰ꓿ 21ꓬꓥ ꓖꓶ ꓬꓥ ꓟꓳ ꓡꓰ꓾ ꓠꓴꓥ ꓟꓳ ꓮ ꓘꓪꓲ ꓙꓰ ꓫꓳ ꓮ ꓓꓔ ꓟꓲꓥ ꓐꓰ ꓗꓳ ꓡꓴ꓾ ꓖ ꓔꓮꓲ ꓰ꓿
ꓟꓬꓳ ꓙꓲꓔ ꓢꓴ ꓡꓰ ꓡꓳ ꓖꓰ ꓐꓲ ꓰ
22ꓧꓮꓴ ꓘꓴꓠ ꓬꓥ ꓟꓳ ꓖꓶ꓾ ꓐꓰ˗ꓝꓮꓲ˗ꓓ ꓫꓴꓔ ꓙꓰ ꓗꓳ ꓰ꓿ ꓧꓮꓴ ꓟ ꓟꓬꓳ ꓙꓲꓔ ꓢꓴ ꓣ ꓬꓴ ꓡꓰ ꓬꓥ ꓟꓳ ꓬꓥ ꓚꓥ ꓫꓴꓔ ꓫꓪꓲ ꓡꓰ ꓡꓪꓲ꓾ ꓬꓥ ꓡꓰ ꓢꓳꓑ ꓐꓲ ꓣ ꓓꓴꓥ ꓗꓳ ꓰ꓿ 23ꓬꓥ ꓖꓶ ꓧꓮꓴ ꓟꓬꓳ ꓙꓲꓔ ꓢꓴ ꓰ ꓡꓳꓼ ꓟ ꓜꓪꓲ ꓡꓪꓲ꓾ ꓪ ꓬꓟ ꓫꓴꓔ ꓫꓪꓲ ꓰ ꓡꓪꓲ꓾ ꓬꓥ ꓟꓬꓳ ꓟ ꓢꓳ ꓗꓠ ꓐꓬꓰ ꓐꓲ ꓟꓴ꓾ ꓬꓥ ꓮ ꓕꓳ ꓟ ꓡꓳ ꓗꓰ ꓴ ꓚꓥ꓾ ꓠꓥ ꓧꓮꓲ ꓙꓴꓥ ꓙꓴꓥ ꓟꓬꓥ ꓐꓰ ꓡꓴ꓾ ꓖ꓾ ꓬꓥ ꓡꓰ ꓟꓲ ꓰ꓿ 24ꓬꓥ ꓖꓶ ꓐꓬꓴ ꓪꓴ ꓡꓪꓲ꓾ ꓐꓬꓴ ꓡꓰ ꓥꓳ ꓟꓬꓥ ꓐꓰ꓾ ꓬꓥ ꓟꓳ ꓢꓶꓗ ꓖꓟ ꓢꓴ ꓢꓳ ꓪꓴꓠ ꓮ ꓗꓳ꓾ ꓥꓳ ꓟꓬꓥ ꓐꓰ꓾ ꓖ ꓰ꓿ 25ꓧꓮꓴ ꓕꓥ ꓟ ꓬꓥ ꓰ ꓟꓬꓳ ꓕꓳ ꓟ ꓡꓳ ꓓꓴꓟ ꓗꓰ ꓔꓳ ꓡꓰ꓾ ꓧꓮꓴ ꓬꓴ ꓖꓶ ꓐꓬꓴ ꓟꓬꓥ ꓡꓪꓲ꓾ ꓟꓬꓳ ꓟ ꓙꓲꓥ ꓓꓴꓟ ꓓꓴꓔ ꓐꓬꓴ ꓐꓰ꓾ ꓮ ꓜꓶꓥ ꓡꓴꓥ ꓡꓥ ꓡꓰ ꓢꓠ ꓜ ꓪꓳ ꓐꓬꓴ ꓟꓬꓥ ꓐꓰ꓿ 26ꓧꓮꓴ ꓘꓴꓠ ꓬꓥ ꓰ ꓬꓴꓟ ꓫꓴꓔ ꓬꓥ ꓡꓰ ꓠꓥ ꓗꓔ ꓡꓪꓲ꓾ ꓧꓮꓴ ꓪ ꓘꓮꓴ ꓒꓬꓥ ꓡꓥ꓾ ꓠꓥ ꓘ ꓪꓥ꓾ ꓖ ꓗꓔ ꓰ꓿
ꓬꓰ˗ꓢꓴ ꓖꓶ ꓘꓣꓲꓢ˗ꓔꓴ ꓥꓴꓔ ꓡꓰ꓾ ꓖ ꓡꓪꓲ ꓰ꓾ ꓑꓰ˗ꓔꓣꓴ ꓔꓴ ꓰ
27ꓧꓮꓴ ꓕꓥ ꓬꓰ˗ꓢꓴ ꓰ ꓬꓥ ꓰ ꓡ ꓖꓬꓳ ꓑꓰ ꓖꓶ꓾ ꓗꓰ˗ꓢ˗ꓣꓰꓔ ꓒꓲ˗ꓡꓲ˗ꓑꓲ ꓰ ꓪ ꓓꓴꓟ ꓑꓰ ꓒꓬꓥ ꓡꓳ ꓡꓪꓲ꓾ ꓘꓬꓳ ꓟ ꓬꓥ ꓰ ꓡ ꓖꓬꓳ ꓪꓲ ꓡꓰ꓾ ꓐꓬꓴ ꓑꓰ ꓥꓳ ꓡꓰ ꓳ ꓥꓴꓔ ꓡꓰ ꓖ ꓮ ꓗꓳ ꓕ꓾ ꓖ ꓡꓪꓲ꓾ ꓟꓲ ꓰ꓿ 28ꓬꓥ ꓟꓳ ꓖꓶ꓾ ꓪꓲ ꓠꓳꓑ ꓢ ꓣ ꓬꓳ˗ꓧꓠ ꓥꓴꓔ ꓡꓰ꓾ ꓖꓳ ꓐꓥ ꓖꓶ ꓰ˗ꓡꓲ˗ꓮ ꓥꓴꓔ ꓡꓰ꓾ ꓧꓮꓴ ꓟꓮꓲ ꓓꓴꓟ ꓖꓳ ꓐꓥ ꓖꓶ꓾ ꓟꓲ ꓕꓳꓲ ꓑꓰ ꓚꓥ ꓟ ꓣ ꓬꓴ ꓥꓴꓔ ꓔꓳ ꓡꓰ ꓖ ꓮ ꓗꓳ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓗꓬꓳ ꓗꓳ ꓰ꓿ 29ꓬꓥ ꓬꓥ ꓟꓳ ꓡꓰ꓾ ꓠꓴꓥ ꓟꓳ ꓬꓴ ꓥꓳ ꓡꓰ ꓳ ꓥꓴꓔ ꓡꓰ ꓥꓴ ꓔꓳ ꓮ ꓗꓳ ꓡꓴ꓾ ꓖ ꓡꓪꓲ꓾ ꓟꓲ ꓰ꓿ ꓑꓰ˗ꓔꓣꓴ ꓔꓴ ꓴ ꓚꓥ꓾ ꓠꓥ ꓖꓶ ꓘꓣꓲꓢ˗ꓔꓴ ꓥꓴꓔ ꓔꓳ ꓡꓰ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓰ꓿ 30ꓧꓮꓴ ꓟꓴ ꓡꓪꓲ ꓬꓥ ꓰ ꓘꓬꓳ ꓳ ꓡꓰ ꓡꓰ ꓮ ꓔꓮꓲ ꓗꓬꓳ ꓫꓥ ꓖ꓾ ꓬꓥ ꓬꓥ ꓟꓳ ꓡꓰ ꓔꓮꓲ ꓔꓳ ꓐꓰ꓿
ꓬꓰ˗ꓢꓴ ꓫꓲ ꓘꓟ ꓣ ꓟ ꓔꓴ ꓠꓬꓳ ꓟꓳ ꓧꓶ ꓰ
31ꓧꓮꓴ ꓘꓴꓠ ꓧꓮꓴ˗ꓐꓬꓴ˗ꓬꓥ˗ꓜꓳ ꓖꓶ꓾ ꓮ ꓫꓳ ꓮ ꓪꓲ ꓟꓬꓳ ꓟꓬꓳ ꓧꓪꓲ ꓡꓪꓲ꓾ ꓮ ꓖꓲ ꓢꓴ ꓪꓴꓠ ꓑꓰ ꓬꓥ ꓙꓳꓥ ꓮ ꓖꓲ ꓑꓰ ꓰ꓾ ꓟꓮꓴ ꓢꓮꓴ ꓗ ꓰ ꓢ ꓣ ꓑꓰ ꓰ꓾ ꓠꓬꓑ ꓑꓬꓟ ꓣ ꓰ꓾ ꓢꓔ ꓑꓬꓟ ꓣ ꓧꓪꓲ ꓡꓪꓲ꓾ ꓢꓴꓟ ꓠꓲ ꓕꓥ ꓡꓰ ꓓꓴꓟ ꓓꓪꓲ ꓔꓳ ꓡꓳ ꓣ ꓘꓬꓳ ꓬꓥ ꓬꓥ ꓟꓳ ꓡꓰ ꓠꓬꓳ ꓟꓳ ꓧꓶ ꓰ꓿ 32ꓬꓥ ꓧꓮꓴ ꓓꓥ ꓡꓰ ꓓꓠ ꓓꓠ ꓡꓰꓥ ꓡꓰꓥ ꓔꓮꓲ ꓗꓬꓳ ꓰ꓾ ꓧꓮꓴ ꓟꓴ ꓡꓪꓲ ꓑꓰ˗ꓔꓣꓴ ꓖꓶ ꓬꓥ ꓡꓰ ꓜꓪꓲ ꓜꓶꓥ ꓡꓪꓲ꓾ ꓙꓳꓑ ꓑꓬꓟ ꓰ꓿ 33ꓬꓥ ꓡꓲꓥ ꓡꓳ ꓡꓪꓲ꓾ ꓬꓥ ꓰ ꓡ ꓖꓬꓳ ꓑꓰ ꓡꓰ ꓐꓬꓴ ꓪꓴ ꓴ ꓚꓥ꓾ ꓑꓰ˗ꓔꓣꓴ ꓡꓰ꓾ ꓢ˗ꓔꓠ ꓰ꓾ ꓥ ꓕꓥ ꓫꓴꓔ ꓧꓪꓲ ꓐꓬꓴ ꓡꓳ ꓮ꓾ ꓗ˗ꓣꓮꓲ ꓗ˗ꓢꓥ ꓰ ꓢꓰꓥ ꓰ ꓘꓬꓳ ꓮ ꓥꓴꓔ꓾ ꓐꓬꓴ ꓰ ꓢꓰꓥ ꓰ ꓘꓬꓳ ꓡꓰ ꓜ ꓠꓥ ꓟꓲꓔ ꓔꓳ ꓣ꓾ ꓖ ꓡꓪꓲ꓾ ꓔꓠ ꓑꓬꓟ ꓰ꓿ 34ꓫꓶʼꓪ ꓐꓬꓴ ꓑꓰ ꓰ ꓬꓥ ꓰ ꓡ ꓖꓬꓳ ꓪꓲ ꓡꓰ ꓬꓥ ꓪꓴꓔ ꓬꓴ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ ꓖꓶ꓾ ꓥ ꓕꓥ ꓫꓴꓔ ꓛꓥ ꓡꓰ ꓠꓮꓴ ꓢꓴ ꓳ ꓥꓴꓔ ꓗꓳ ꓡꓥ꓾ ꓬꓴꓟ ꓢꓶꓥ ꓖꓴꓥ ꓡꓰ ꓧꓰ ꓑꓬꓟ ꓡꓪꓲ꓾ ꓬꓥ ꓰ ꓥʼꓓꓥ ꓪ ꓴ ꓚꓥ꓾ ꓥ ꓚꓥ ꓛꓥ ꓫꓥ ꓖ꓿ 35ꓬꓴꓟ ꓢꓶꓥ ꓮ ꓢꓗ ꓡꓰ ꓘꓲ ꓬꓴ ꓠꓮꓴ ꓢꓴ ꓳ ꓥꓴꓔ ꓗꓳ ꓡꓥ꓾ ꓮ ꓢꓗ ꓢꓴꓟ ꓐꓴ ꓣ꓾ ꓥ ꓟ ꓔꓴ ꓰ ꓗ ꓐꓴ ꓓꓥ ꓡꓴ ꓬꓠ ꓟꓮꓲ ꓮ ꓢꓗ ꓢꓴꓟ ꓢꓴ ꓚꓮꓴ ꓖꓶ꓾ ꓧꓮꓴ ꓮ ꓢꓗ ꓡꓰ ꓪꓳ ꓘꓲ ꓬꓴ ꓐꓴ ꓣ꓿ 36ꓐꓬꓴ ꓖꓶ꓾ ꓫꓲ ꓟꓲ ꓓꓟ ꓐꓠ ꓫꓳ ꓡꓰ ꓬꓴꓟ ꓢꓶꓥ ꓔꓳ ꓡꓪꓲ꓾ ꓬꓴꓟ ꓢꓶꓥ ꓰ ꓮ ꓢꓗ ꓢꓴꓟ ꓐꓬꓴ ꓡꓰ ꓖꓶ꓾ ꓬꓥ ꓰ ꓟ ꓔꓴ ꓧꓮꓲ ꓮ ꓗꓬꓴ ꓙꓳ ꓡꓰ ꓡꓴ꓿ 37ꓐꓬꓴ ꓖꓶ꓾ ꓧꓮꓲ ꓙꓴꓥ ꓬꓴ ꓡꓪꓲ ꓬꓴꓟ ꓢꓶꓥ ꓰ ꓮ ꓢꓗ ꓡꓰ ꓪꓳ ꓕꓮꓲ ꓬꓴ ꓣ ꓡꓴ꓿ 38ꓘ ꓢꓴ ꓟꓴ ꓖ ꓡꓰ ꓫꓴꓔ ꓒꓲꓔ ꓰ ꓬꓴ ꓐꓗ ꓓꓑ ꓰ ꓲ ꓑꓬꓔ ꓟ꓾ ꓥꓳ ꓰꓸ ꓥꓳ ꓔꓮꓲ ꓰ ꓓꓥ ꓡꓰ ꓧꓳ ꓠꓲ ꓢꓴ꓾ ꓳ ꓥꓴꓔ ꓗꓳ ꓡꓥ꓾ ꓧꓮꓴ˗ꓐꓬꓴ˗ꓬꓥ˗ꓜꓳ ꓖꓶ꓾ ꓬꓥ ꓪ ꓰ ꓒꓴꓥ ꓪꓴꓑ ꓰ ꓚꓳꓲ ꓬꓴꓥ ꓰ ꓟꓮꓴ ꓟꓥ ꓑꓰ ꓰ ꓣ ꓧ ꓙꓰ ꓡꓰ ꓙꓥ꓾ ꓧꓮꓴ ꓬꓴ ꓡꓰ ꓧꓳ ꓑꓬꓟ ꓣ ꓥꓴꓔ ꓡꓰ꓿
Iliyochaguliwa sasa
ꓟ˗ꓗꓴ ꓟꓮꓴ ꓢꓮꓴ 8: ATB1938
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
First published in Fraser script in 1938.
