GENESIS 7
7
Buanchukcho
1 Bawipa nih Noah cu a thawh i, “Na innchung khar dihlak he lawng chungah cun lut tuah; nangmah lawnglawng hi atu mi hna lakah hin ka lung a ka tongmi na si. 2Saram thiang pawl kha cu tuah sarih cio in i luhpi hna (saram thiang timi cu ei khawhmi pawl tinak a si), asinain a thianglo pawl kha cu a nu pakhat le a pa pakhat lawngin i luhpi hna. 3Cun va zong kha tuah sarih cio in i luhpi hna. Cu ti na tuah cu saram hna le va hna kha, vawlei cungah hin an ci lo hlah seh tinak caah a si lai. 4Ni sarih chungah vawlei cungah hin ruah ni sawm li le zan sawm li ka surter lai i ka sermi thil nung vialte cu hrawh an si dih lai,” tiah a ti. 5Cun Noah nih cun Bawipa nih a chimhmi vialte kha a tuah dih hna.
6Vawlei cung i buanchukcho a tlun ah cun Noah cu kum za ruk a si. 7Amah le a nupi, a fapale hna le an nupile hna cu buanchukcho in luat awkah lawng chungah cun an lut. #Mat 24.38-39; Luk 17.27 8-9Cun Pathian nawl pek bangin, saram thiang pawl khan phun khat ah a nu le a pa cio, a thianglo pawl khan phun khat ah a nu le a pa cio ve, va hna chung khan phun khat ah a nu le a pa cio le saram hna pawl chung khan phun khat ah a nu le a pa cio ṭhiamṭhiam Noah sinah cun lawng chungah khan an lut. 10Ni sarih hnuah vawlei cungah buanchukcho cu a tlung.
11Noah kum za ruk a si kum, thla hnihnak thla#7.11 Thla hnihnak thla hi May thla a si. a ni hleisarih ni ah, vawlei tang i a ummi rilipi a hna vialte kha an i hung i van i awng vialte zong khi an i hung ve i ti cu vawlei cungah an tla, 12vawlei cungah ruah cu ni sawm li le zan sawm li a sur.
13Cu ni ah cun Noah le a nupi, a fapa pathum hna, Shem, Ham le Jafeth le an nupile kha, lawng chungah cun an lut. 14An sinah cun ramlak saram a phunphun le inn zuat saṭil a phunphun le saram a phunphun le va a phunphun zong kha an lut ve. 15Thilnung phun kip kha a nu le a pa cio Noah sinah cun, 16Pathian nawlpek ning khan, lawng chungah cun an lut. Cun Bawipa nih Noah hnu cun innka cu a khar.
17Buanchukcho cu ni sawm li chung a um i ti cu a thuh caah lawng cu a cawi khawh.#2Pet 3.6 18Ti cu a thuk deuh lengmang i lawng cu ti cungah cun a vuan. 19Ti cu a thuk chin lengmang i tlang sang bikbik kha a khuh dih hna i 20tlang par a zik cungah khan pe kul le pe nga a kai, 21vawlei cung i a ummi thilnung vialte cu an thi dih — va vialte, saṭil vialte, saram hna phun vialte, mi vialte, an thi dih. 22Vawlei cung i a ummi thilnung vialte an thi dih. 23Bawipa nih vawlei cung i a ummi thilnung vialte cu a thah dih hna, cu hna lakah cun minung zong an i tel, saṭil zong an i tel, saram hna phun zong an i tel, va zong an i tel. Hrawh lomi cu Noah le a sin i lawng chung i a ummi lawnglawng kha an si. 24Vawlei cungah ti cu ni za le ni sawm nga chung a thuk chin lengmang ko.
Iliyochaguliwa sasa
GENESIS 7: HCL06
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lai (Hakha) Common Language Bible © Bible Society of Myanmar 2006