Yoosuwa AAKAMA
AAKAMA
A kitaabak migaq «Yoosuwa» deqsita. Yoosuwa akah iyyeenim, Israayil mari Kanqaan baaxo yabbixe'gidih gexe saaku abbah keenik tenem Yoosuwak teneeh; tohuk gexxaamah kitaabak migaaqah Yoosuwa iyyen. Yoosuwa Muusak lakal Israayil marak abba yekke numuk ten.
A kitaabal yan yaabak giffa itta exxay edde yaabaanahiyyah taniimihii: Israayil mari Ordon weeqaytuuk tabba 'yeenih, Kanqaan rasu elle yibbixen inna kee, Yerikô-magaalat aben mabbux kee, Qaay deqsitta magaalat aben mabbux kee, Yallih Qahdih nammeyhaak aben xagana wagita aydaada.
A kitaabal tan kutbeh addak cubbuseh meqemii, Yoosuwa abe yaabaay; iyyaamahaa, «YALLA taqbudeenim faxe wayteenik, ta saakut edde taqbudoonu waytaanam yoo iysixxiga. ... Yoo kee yi buxah maraay yi buxal taamita marah tu gactekiiy, nanu YALLA aqbudenno» 'yaanam axcuk edde yaabe yaaba. (24:15)
A KITAABAL TAN BARITTOH EXXAAXIH GORANA
Israayil mari Kanqaan baaxo elle yibbixe'nna 1:1—12:24
Baaxo elle kurraasiten inna 13:1—21:45
Ordon Weeqaytuk ayrô-mawqa le kabuk sugte baaxo 13:1-33
Ordon Weeqaytuk ayrô-culma le kabuk sugte baaxo 14:1—19:51
Megloh yamaaten magaalooli 20:1-9
Leewih yooboke marah dabaaqah elle gacan magaalooli 21:1-45
Dabqah ayrô-mawqa le kabul gacte kedooda isi baaxo fan tuduure 22:1-34
Yoosuwa ellecabol edde yaabe yaaba 23:1-16
Seekem deqsita aracal qahdi nammeyhaak elle culen inna 24:1-33
Iliyochaguliwa sasa
Yoosuwa AAKAMA: NKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia