Jenesesi 5
5
Makolo a wanle romela Adawu fiyeda Nowe
1Ula gu muselu wa makolo romela Adawu. Mulugu ampandutchaga mutu, ampandutchile ofwalrafwana na liye. 2Mulugu aapandutchaga atu, ampandutchile mulombwana na muhiyana. Nomala eno, ohareliha, liye avaha nzina na atu.#5:2 liye avaha nzina na atu: Owu hehi liye avaha nzina na Adawu. Tchoira Adawu ku wonga mutu.
3Adawu aganna yaka 130, ohombala mwana mmohi wa mulombwana, ofwalrafwana na liye eto olingana na liye, nvaha nzina na Seti. 4Agambanle Seti, Adawu ohomala yaka 800 dimohi diwa, hiya yaka 130 doroma dile. Muwari mwa yaka 800 dimohi diwa dile, ohabala ahima amohiwa, alombwana vamohi na ahiyana. 5Adawu kalawo waye watene amanle yaka 930.#5:5 Adawu kalawo waye watene amanle yaka 930. Wanle Mulugu ahanatolotche ilambo ya vati na mahindje, atu kokalawo yaka didjindji dene. Mbwenye Mulugu agamanle tolotcha ilambo ya vati tempu ya Nowe, yaka dokalawo mutu dohoroma vunguwa vang'ono vang'ono. Abarahamu ohokalawo yaka 175. Mozeji ohokalawo yaka 120. Davi ohowonga ira kalawo wa mutu afiyedaga yaka 70 owu 80, yaka dedo unakalawo muwari mwa goyi. (Salmu 90:10) Mwa enne ohokwa.
6Mulombwana Seti agamanle yaka 105, ohombala Enosi. 7Agambanle Enosi, Seti ule ohomala yaka 807 agaliwove, hiya yaka 105 doroma dile. Muwari mwa yaka 807 dimohi diwa dile, Seti ohabala ahima amohiwa, alombwana vamohi na ahiyana. 8Mulombwana Seti kalawo waye watene amanle yaka 912. Mwa enne ohokwa.
9Mulombwana Enosi agamanle yaka 90, ohombala Kayinani. 10Agambanle Kayinani, Enosi ule ohomala yaka 815 dimohi diwa, hiya yaka 90 doroma dile. Muwari mwa yaka 815 dimohi diwa dile, ohabala ahima amohiwa, alombwana vamohi na ahiyana. 11Mulombwana Enosi kalawo waye watene amanle yaka 905. Mwa enne ohokwa.
12Mulombwana Kayinani aganna yaka 70, ohombala Mahalaleli. 13Agambanle Mahalaleli, ohomala yaka 840 dimohi diwa, hiya yaka 70 doroma dile. Muwari mwa yaka 840 dimohi diwa dile, ohabala ahima amohiwa, alombwana vamohi na ahiyana. 14Mulombwana Kayinani kalawo waye watene amanle yaka 910. Mwa enne ohokwa.
15Mulombwana Mahalaleli agamanle yaka 65, ohombala Jaredi. 16Agambanle Jaredi, Mahalaleli ule ohomala yaka 830 dimohi diwa, hiya yaka 65 doroma dile. Muwari mwa yaka 830 dimohi diwa dile, ohabala ahima amohiwa, alombwana vamohi na ahiyana. 17Mulombwana Mahalaleli kalawo waye watene amanle yaka 895. Mwa enne ohokwa.
18Mulombwana Jaredi agamanle yaka 162, ohombala Inoki. 19Agambanle Inoki, Jaredi ule ohomala yaka 800 dimohi diwa, hiya yaka 162 doroma dile. Muwari mwa yaka 800 dimohi diwa dile, ohabala ahima amohiwa, alombwana vamohi na ahiyana. 20Mulombwana Jaredi kalawo waye watene amanle yaka 962. Mwa enne ohokwa.
21Mulombwana Inoki agamanle yaka 65, ohombala Metusalemi. 22Agambanle Metusalemi, Inoki ohowendave na Mulugu nnga nfwaye fiyeda yaka 300 dimohi diwa, hiya yaka 65 doroma dile. Muwari mwa yaka 300 dimohi diwa dile, ohabala ahima amohiwa, alombwana vamohi na ahiyana. 23Mulombwana Inoki kalawo waye watene ilambo ya vati amanle yaka 365. 24Inoki ali mutu awenda na Mulugu. Siku nimohi Mulugu ohomutukula Inoki wa meswene, liye mudowagana. Mwa enne Inoki kaoneyile akoka.
25Mulombwana Metusalemi agamanle yaka 187, ohombala Lameki. 26Agambanle Lameki, Metusalemi ule ohomala yaka 782 dimohi diwa, hiya yaka 187 doroma dile. Muwari mwa yaka 782 dimohi diwa dile, Metusalemi ohabala ahima amohiwa, alombwana vamohi na ahiyana. 27Mulombwana Metusalemi kalawo waye watene amanle yaka 969. Mwa enne ohokwa.
28Mulombwana Lameki agamanle yaka 182, ohombala mwana wa mwanapongwe, 29liye nvaha nzina na Nowe, liye kwi: <<Yehova ohotembelrelra teya. Nona mabasa analaba hiyo ba mabasa orutcha bure. Mbwenye mwanola gunafuna za nivunela zela goyi nnaona hiyo muwari mwa mabasa anahinda hiyo na mandihu.>> 30Agambanle Nowe, ohomala yaka 595 dimohi diwa, hiya yaka 182 doroma dile. Muwari mwa yaka 595 dimohi diwa dile, ohabala ahima amohiwa, alombwana vamohi na ahiyana. 31Mulombwana Lameki kalawo waye watene amanle yaka 777. Mwa enne ohokwa.
32Nowe agaulukunle, aganna yaka 500, ohabala anapongwe araru: Semi, Kami na Jafeti.
Iliyochaguliwa sasa
Jenesesi 5: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral