Luka 15
15
1Ē wēla wālati sunkomigattariĕ pāpungee evani bōdha wenzali evani tāna wāha manzaliĕ
2pārisajungee shātrungee ēdāni messihi:— īvasi pāpungani dūkha koddiwaha evari tulle zakke randa tinzi mannesi inzihi haree hidwi āteri.
3ēdānaki evasi evari tulle ī pāḍa westesi.
4mī lōni imbini mānēitaki ātiwa pāsa kōḍe mēnḍanga mannati, evaskaña rondi tappa haẓẓihe, evasi sāri kōḍi onesi gotta zāḍata pissiwaha, tappitani pā’ni pateka parrali halluusikī?
5ēdi pātati rāhati ēdāni bommi muhe metha koddiwaha izzo wāhiwaha tani tōneskaniĕ pāditaraïĕ ārhiwaha:—
6mīmbu nā tulle zakke raha ādu, tappa haẓẓi mēnḍati nānu pātee inzihi evari tulle weh’nesi.
7ēle āhiĕ wenḍe‐zīwu akkara hillaa sāri kōḍe onesi nītigattari bakkiti rāha kiha, wenḍe‐ziwu pa’ni pāpu bakki lakkapūruta aggaḍa rāha āne.
8imbini ījanaki ātiwa doso ruppa nāñemuka kalga mannati, evaskaña ro nāñemu zākha kodditihe, ēdi dīwo mrōsiwaha, illu hēpiwaha ēdi pā’ni pateka luntihi parreekī?
9ēdi pātati tani athitanganiĕ pāditaraa ārhiwaha — nā tulle zakke rāha ādu, nānu zākha kodditi nāñemu pātee inzihi evari tulle weh’ne.
10ēle āhiĕ wenḍe‐zīwu pā’ni ro pāpu bakki dharmu — dūtanga nōkita rāha āne inzihi mī tulle wessi manzaï.
11ōḍee evasi īle iẓẓesi:— ro mānēitaki riari mrīka maẓẓeri.
12evari lōni īẓasi:— ābā! āstita nange wāni ōtu hījamu inzihi tanzii rīsaliĕ evasi evaraki tani āstiti bāti kittesi.
13koẓẓeka dina āti ḍāju ē īẓi mrīesi wālatani kūḍi kihiwaha heoti rāzitaki hōẓa hazziwaha embaa tani āstiti kangali kīhiwaha hersitesi.
14-15ēdāni bahē tūsti ḍāju ē rāzita kazza karuwu wāhi rījaliĕ evasi kākuli ājali māthiwaha hazziwaha ē rāzitari lōni rooni bahata dūngitesi; evasi pazzinga meẓẓali tani blīkaña evanaï panḍitesi.
16evasi pazzinga tinni pōdu tulle tani bandi nessa koddali āsha ātesi samma imbaasiwa evanaki ēnaawa hīatesi.
17ātihe budhi wātati evasi:— nā tanzi tāna eẓẓora zāna kūligattaraki randa nenza manne, nānu iẓẓihe imbaa hakkiti hāïni.
18nānu ningiwaha nā tanzi tāna hazziwaha:— ābā! nānu lakkapuru iktomi āhi nī nōkita pāpomi kittee.
19īẓẓetiĕ nī mrīenatee inpi kījali pāḍa aoni; nannaa nī kūligattari lōni rooni lehe ittakoddamu inzihi evani tulle weh’i inzakoddihi, ningiwaha tanzi tāna wātesi.
20evasi ōḍe heo mannati, tanzi evanaï messiwaha, karma āhiwaha, hotti hottihi evani herki muhe rīhiwaha evanaï londiwittesi.
21embatiĕ ē mrīesi evani tulle:— ābā! nānu lakkapuru iktomi āhi nī nōkita pāpomi kittee; iẓẓetiĕ nī mrīenatee inpi kījali pāḍa aoni iẓẓesi.
22ātihe tanzi tani gottingani messiwaha:— ōziti himbori tobbe taẓiwaha īvanaki huẓẓi kīhiwaha, īvani kējutaki pāza lōsiwaha pāanangki cheppunga turwikīdu.
23klowiti ḍālu taẓiwaha dā’du, māro tinzihi rāha ānohi.
24ī nā mrīesi hāhiwaha wenḍe nīḍitesi; tappa hazziwaha pātasi ātesi inzihi westesi. embatiĕ evari rāha ājali mātheri.
25ē wēla evani kazza mrīesi blīkaña maẓẓesi. evasi blīkati wāhihi illu daggire wājaliĕ dappu wēnaniĕ ēnḍinaniĕ messiwaha
26gottingaña roonaï ārhiwaha:— ēdi ēnai inzihi wenzaliĕ
27ē gotteesi evani tulle:— nī taiï wātesi; evasi tani tāna haïninga wātaki nī tanzi klowiti ḍāluti dāpi kittesi.
28ātihe evasi kōpa āhi bitri hazzali kūtesi, lakka evani tanzi pangata wāhiwaha (bitri wāmu inzihi) battimālitesi.
29ēdānaki evasi tani tanzi tulle:— īdikō iẓẓora barsati ninnaa sēba kīhi manzaï, nī helloti eẓẓelawa nānu ūra hilloo; ātiwa nā tōneeska tulle rāha āni lehe nīnu nange eẓẓela ātiwa ro gorri mīlatiwa hīha manzuudi.
30ātihe nī āstiti dingāriska tulle tinza tusti ī nī mrīesi wājaliĕ ēvani kōsomi klowiti ḍāluti dāti inzihi westesi.
31ēdānaki evasi:— mrīenatī! nīnu eẓẓelawa nā tulle manzi; nāwi hallee nīwiĕ.
32māro rāha āhi sarda ānai nehee; ī nī taiï hāhihi wenḍe nīḍitesi, tappa hazziwaha pā’tasi ātesi inzihi evani tulle westesi.
Iliyochaguliwa sasa
Luka 15: KUVI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Published by the British and Foreign Bible Society in 1916.
