OMOCHANKO 11
11
Omorobiri o Babeli
1Abanto b’ense engima nigo barenge nomonwa oyomo na enkwana eyemo. 2Ekaba abanto bakaimoka kogenda orogendo gochia ensemo ya moocha, bakanyora ense omweya ase ense ya Shinari, bagachaka komenya aroro. 3Barabwo bagatebania, “Inchuo, tokore amatabori na toyasambe nomorero.” Igo bakanyora amatabori ribaga ri’amagena, na esike gete ase okoyabwaterania. 4Erio bagateba, “Inchuo tweagachere omochie na omorobiri, na obotambe bwaye boike erioba igoro, twekorere erieta rinene, titobaisa gocha goserebanigwa ase ense yonsi.”
5Erio Omonene agaika gocha inse arore omochie na omorobiri oyio mwanyabanto baagachire. 6Omonene agateba, “Rora, abanto aba negesaku ekemo, na bagokwana omonwa oyomo bonsi, naya naro bachakire gokora, na nyuma y’ayio tibagosinywa gento kende gionsi bararengererie gokora. 7Eta togende toike asebare, tobatantanie omonwa obo tibaigwana ase chinkwana barabwo ase barabwo, ase chinkwana chiabo.” 8Ase igo Omonene akabaserebania korwa agwo, besiarere ase ense yonsi, bayemenye. Bagatiga koagacha omochie oria. 9Ase ayio okarokwa Babeli#11:9 Babeli, engencho yaye: obotantanu, ekiagera Omonene atantanetie omonwa bw’abanto b’ense yonsi, na korwa agwo Omonene akabaserebania bagende ense yonsi, bayemenye.
Ororeria rwa Shemu
10Oyo noro omoroberio bw’ororeria rwa Shemu. Ekero Shemu abeire nemiaka rigana erimo (100), akaibora Arifaksadi; ekaba emiaka ebere nyuma y’etoigo eria. 11Nyuma y’okoiborwa kwa Arifaksadi, Shemu nigo amenyete emiaka amagana atano (500), akaibora abana, abamura na abaiseke.
12Ekero Arifaksadi abeire nemiaka emerongo etato, na etano (35) akaibora Sela. 13Nyuma y’okoiborwa gwa Sela, Arifaksadi nigo amenyete emiaka amagana ane, na etato (403), akaibora abana, abamura na abaiseke.
14Ekero Sela abeire nemiaka emerongo etato (30), akaibora Eberi. 15Nyuma y’okoiborwa kwa Eberi, Sela nigo amenyete emiaka amagana ane, na etato (403), akaibora abana, abamura na abaiseke.
16Ekero Eberi abeire nemiaka emerongo etato, na ene (34), akaibora Pelegi. 17Nyuma y’okoiborwa gwa Pelegi, Eberi nigo amenyete emiaka amagana ane, na emerongo etato (430), akaibora abana, abamura na abaiseke.
18Ekero Pelegi abeire nemiaka emerongo etato, akaibora Reu. 19Nyuma y’okoiborwa kwa Reu, Pelegi nigo amenyete emiaka amagana abere, na kianda (209), akaibora abana, abamura na abaiseke.
20Ekero Reu abeire nemiaka emerongo etato, na ebere (32), akaibora Serugi, 21Nyuma y’okoiborwa gwa Serugi, Reu nigo amenyete emiaka amagana abere, na etano na ebere (207), akaibora abana, abamura na abaiseke.
22Ekero Serugi abeire nemiaka emerongo etato (30) akaibora Nahori. 23Nyuma y’okoiborwa kwa Nahori, Serugi nigo amenyete emiaka amagana abere (200), akaibora abana, abamura na abaiseke.
24Ekero Nahori abeire nemiaka emerongo ebere, na kianda (29), akaibora Tera. 25Nyuma y’okoiborwa gwa Tera, Nahori nigo amenyete emiaka rigana erimo, na ikomi na kianda (119), akaibora abana, abamura na abaiseke.
26Ekero Tera abeire nemiaka emerongo etano na ebere (70), akaibora Aburamu, na Nahori, na Harani.
Ororeria rwa Tera
27Oyo noro omoroberio bw’ororeria rwa Tera. Tera akaibora Aburamu, na Nahori, na Harani. Harani akaibora Loti. 28Harani agatanga gokwa, agatiga Tera ise moyo are, ase ense eria aiboreretwe, ase Uru y’Abakalidayo. 29Aburamu na Nahori bakanyuoma abakungu. Moka Aburamu nigo arenge korokwa Sarai, na moka Nahori Milka, omwana omosubati o Harani; oyio nere ise Milka na Isika. 30Korende Sarai nigo arenge omogomba, tabwate mwana.
31Tera akaira Aburamu omwana oye, na Loti omochokoro oye, omwana o Harani, amo na Sarai, moka momura oye Aburamu; bakagenda komo gochia Uru y’Abakalidayo, bakagenda goika ense ya Kanani. Korende ekero baigete omochie o Harani, bakamenya aroro. 32Tera nigo akoorete emiaka amagana abere, na etano (205); erio agakwera aaria Harani.
Iliyochaguliwa sasa
OMOCHANKO 11: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020