Israelfɔ Ɩlʋ 8
8
Nana Bulu Ɩda Lɔkʋkʋ Moni
Dawid kanfʋ-ɩlʋ ha ɩlʋ osunapʋ. Bɔ́pʋ Gatfɔ ɔmɛ wa mʋ́.
1Oo anɩ Wie Nana Bulu, fʋ ɩda lɔkʋkʋ moni ɔyɩtɔ o!
Fʋ numnyam lɔfʋa dafa nwʋlʋta.
2Fasuna nyebi mʋ́a abi bɔbwɛ alɩá bʋkanfʋ fʋ.
Ɩlaha fʋ alupʋ bawun fʋ ɔwʋnlɩn.
Mʋ́ sʋ amʋ́a aha ánɩ́ bʋtamasi ɩla kie bakpa ɔnɔ bun.
3Nɩ notsu ansɩ kɩ ɔsʋsʋ, fʋ ɩbɩ ɔnɔ atɔ bwɛhɛ,
ɔtsra mʋ́a ntsrakpabiá fɔbwɛ dɩnka nwʋlʋtasʋ a,
4ntɛfɩtɛ mɩ ɩwɩ mbɛɛ,
“Ntɔ nyankpʋsa lɔkʋkʋ ogyi, sʋ fʋtɔgywɩɩn mʋ ɩwɩ alɩ?
Ntɔ nyankpʋsa gyi, sʋ fʋtɛkɩ mʋsʋ?”
5Fɛba mʋ asɩ dʋn fʋ abɔpʋ#8:5 Abɔpʋ ntɛ Bulu.
Fɔpʋ numnyam pʋ́ obú dɩnka mʋsʋ.
6Fɔbwɛ mʋ fʋ ɩbɩ ɔnɔ atɔ bwɛhɛ fɛ́ɛ́sʋ ogyipʋ,
fɔpʋ togyitɔ wa mʋ asɩ.
7Akufa, nnantswie pʋ́ pututɔ-mbwɩ fɛ́ɛ́;
8mbubwi mʋ́a ntsutso-aye
pʋ́ ntobiá bʋna ɔpʋtɔ fɛ́ɛ́.
9Oo anɩ Wie Nana Bulu, fʋ ɩda lɔkʋkʋ moni ɔyɩtɔ o!
Iliyochaguliwa sasa
Israelfɔ Ɩlʋ 8: nko
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation